شەجىرەلەر 1-جازبا 14:1—17
14 تير پاتشاسى حيرام+ داۋىتكە حابارشىلارىن جۇمسادى. ولارمەن بىرگە داۋىتكە قاراعاي بورەنەلەرىن جانە ٷي سالاتىن تاس قالاۋشىلار مەن اعاش ۇستالارىن دا جىبەردى+.
2 ٴداۋىت يسرايلدەگى پاتشالىعىن ەحوبانىڭ بەرىك ەتكەنىنە+ جانە ٶز حالقى ٷشىن بيلىگىن جوعارى اسقاقتاتقانىنا كوز جەتكىزدى+.
3 ٴداۋىت وزىنە يەرۋساليمنەن تاعى بىرنەشە ايەل الىپ+، ۇل-قىزدارى كوبەيدى+.
4 ونىڭ يەرۋساليمدە دۇنيەگە كەلگەن بالالارى مىنالار+: شاممۋا، شوباب، ناتان+، سۇلەيمەن+،
5 ەبحار، ەليشۋا، ەلپەلەت،
6 نوگاح، نەفەگ، ياپيا،
7 ەليشاما، بەلەيادا، ەليپەلەت.
8 فىلىستىرلەر ٴداۋىتتىڭ بۇكىل يسرايلگە پاتشا بولىپ مايلانعانىن+ ەستىپ، ونى ىزدەۋگە شىقتى+. مۇنى ەستىگەندە، ٴداۋىت ولارعا قارسى اتتاندى.
9 فىلىستىرلەر بولسا رەفايمدەر اڭعارىنا كەلىپ، سول جەردىڭ تۇرعىندارىنا شاپقىنشىلىق جاساپ ٴجۇردى+.
10 سوندا ٴداۋىت قۇدايدان: «فىلىستىرلەرگە قارسى اتتانايىن با؟ ولاردى اياعىما جىعىپ بەرەسىڭ بە؟— دەپ سۇراپ ەدى، ەحوبا: —اتتان! مەن ولاردى مىندەتتى تۇردە اياعىڭا جىعىپ بەرەمىن»،— دەپ جاۋاپ بەردى+.
11 سودان ٴداۋىت باعال-پەراسيمگە+ كەلىپ، سول جەردە جاۋدى تاس-تالقان ەتتى. ول: «سۋ تاسقىنىنىڭ بوگەتتى بۇزىپ-جارعانىنداي، شىنايى قۇداي مەن ارقىلى جاۋلارىمنىڭ ساپتارىن بۇزىپ-جاردى»،— دەدى. بۇل جەر سودان بەرى باعال-پەراسيم* دەپ اتالىپ كەتتى.
12 فىلىستىرلەر قۇدايلارىن سول جەرگە قالدىرىپ كەتتى. ٴداۋىتتىڭ بۇيىرۋىمەن ولار وتقا جاعىلدى+.
13 كەيىنىرەك فىلىستىرلەر قايتادان اڭعارعا كەلىپ، شاپقىنشىلىق جاسادى+.
14 ٴداۋىت تاعى دا قۇدايدان باسشىلىق سۇرادى. شىنايى قۇداي بۇل جولى بىلاي دەدى: «ولاردىڭ ارتىنان تىكەلەي كوتەرىلمەي، اينالىپ ٶتىپ، ارت جاعىنان بار دا، بۇتالار* جاقتان تاپ بەر+.
15 بۇتالاردىڭ ۇستىمەن بىرەۋ ٴجۇرىپ كەلە جاتقانداي دىبىس ەستىگەندە، بىردەن شابۋىلدا. سەبەبى بۇل فىلىستىرلەر قوسىن تالقانداۋ ٷشىن شىنايى قۇدايدىڭ سەنىڭ الدىڭدا كەلە جاتقانىن بىلدىرەدى+».
16 ٴداۋىت ٴبارىن دە شىنايى قۇداي بۇيىرعانداي ىستەپ+، فىلىستىرلەردىڭ اسكەرىن گيبەوننان سوناۋ گەزەرگە+ دەيىن قىردى.
17 ٴداۋىتتىڭ داڭقى كۇللى ەلدەرگە تاراپ، ەحوبا بارشا حالىقتارعا ونىڭ الدىندا ۇرەي تۋعىزدى+.
سىلتەمەلەر
^ ماعىناسى «بۇزىپ-جارۋدىڭ يەسى».
^ سوزبە-ٴسوز «باكا بۇتالارى». «باكا» — ەۆرەي ٴسوزىنىڭ ترانسليتەراسياسى. ماعىناسى بەلگىسىز.
