شەجىرەلەر 1-جازبا 15:1—29
15 ٴداۋىتتىڭ قالاسىندا ٴداۋىت وزىنە ۇيلەر سالدى. ول شىنايى قۇدايدىڭ كەلىسىم ساندىعى ٷشىن دە ورىن دايىنداپ، شاتىر تىگىپ قويدى+.
2 وسىدان كەيىن ٴداۋىت: «شىنايى قۇدايدىڭ ساندىعىن تەك لەۋىلىكتەر كوتەرىپ جۇرۋلەرى كەرەك. ويتكەنى ەحوبانىڭ كەلىسىم ساندىعىن كوتەرىپ، ونىڭ الدىندا ۇنەمى قىزمەت اتقارۋلارى ٷشىن ولاردى ەحوبانىڭ ٶزى تاڭداپ العان»+،— دەدى.
3 سوسىن ول ٶزى دايىنداپ قويعان جەرگە ەحوبانىڭ ساندىعىن اكەلۋ ٷشىن كۇللى يسرايلدى يەرۋساليمگە جينادى+.
4 ٴداۋىت حاروننىڭ ۇرپاقتارى+ مەن لەۋىلىكتەردى+ دە جينادى.
5 ولار مىنالار: قاحاتتىقتاردان باسشىلارى ۇريەل مەن ونىڭ 120 باۋىرى؛
6 مەراريلىكتەردەن باسشىلارى اسايا+ مەن ونىڭ 220 باۋىرى؛
7 گەرشومدىقتاردان باسشىلارى جوەل+ مەن ونىڭ 130 باۋىرى؛
8 ەلساپاننىڭ+ ۇرپاقتارىنان باسشىلارى شەماياح پەن ونىڭ 200 باۋىرى؛
9 حەبروننىڭ ۇرپاقتارىنان باسشىلارى ەليەل مەن ونىڭ 80 باۋىرى؛
10 ۇزيەلدىڭ+ ۇرپاقتارىنان باسشىلارى ٵميناداپ پەن ونىڭ 112 باۋىرى.
11 بۇدان كەيىن ٴداۋىت ٴدىني قىزمەتكەرلەر سادىق+ پەن ٵبياتاردى+، سونداي-اق لەۋىلىكتەردەن ۇريەل، اسايا، جوەل، شەماياح، ەليەل، ٵميناداپتى شاقىرىپ الىپ،
12 بىلاي دەدى: «سەندەر لەۋىلىك اۋلەتتەردىڭ باسشىلارىسىڭدار. وزدەرىڭ دە، باۋىرلارىڭ دا تازارۋ راسىمىنەن ٶتىپ*، مەن دايىنداپ قويعان ورىنعا يسرايلدىڭ قۇدايى ەحوبانىڭ كەلىسىم ساندىعىن الىپ كەلىڭدەر.
13 ٴبىرىنشى جولى ونى وزدەرىڭ كوتەرىپ الىپ جۇرمەگەندىكتەن+، قۇدايىمىز ەحوبا بىزگە قاھارلاندى+. ويتكەنى ٴبىز ونىڭ نۇسقاۋلارىنا ساي ارەكەت ەتپەگەن ەدىك+».
14 سودان ٴدىني قىزمەتكەرلەر مەن لەۋىلىكتەر يسرايلدىڭ قۇدايى ەحوبانىڭ كەلىسىم ساندىعىن اكەلۋ ٷشىن تازارۋ راسىمىنەن ٶتتى.
15 ەحوبانىڭ ٴسوزى بويىنشا مۇسا بۇيىرعانداي، لەۋىلىكتەر شىنايى قۇدايدىڭ ساندىعىنىڭ سىرىقتارىن يىقتارىنا سالىپ، ونى كوتەرىپ ٴجۇردى+.
16 ٴداۋىت لەۋىلىكتەردىڭ باسشىلارىنا ٵنشى باۋىرلارىنىڭ اراسىنان ىشەكتى اسپاپتاردا ويناپ، ارفا+ جانە جەز تاباقشالاردىڭ سۇيەمەلدەۋىمەن قۋانا ٵن شىرقايتىن ٵنشى-كۇيشىلەر تاعايىنداۋدى تاپسىردى+.
17 سوندا لەۋىلىكتەر جوەل ۇلى حەماندى+ جانە ونىڭ باۋىرلارىنان بەرەكيا ۇلى اساپتى+، سونداي-اق باۋىرلارى مەراريلىكتەردەن قۇشاي ۇلى ەتاندى تاعايىندادى+.
18 بۇلارمەن بىرگە ەكىنشى توپتان+ مىنالار تاڭدالدى: زاكاريا، بەن، يازايل، شەميراموت، ەحيەل، ۇني، ەلياپ، بەناياح، ماعاسەياح، ماتەتياح، ەليپەلەك، ميكنەياح، قاقپا كۇزەتشىلەرى عابيت-ەدوم مەن جەيەل.
19 حەمان+، اساپ+، ەتان دەگەن انشىلەر جەز تاباقشالاردا ويناۋعا+ تاعايىندالدى.
20 مىنالار الاموت* ناقىشىنا سالىپ+ ىشەكتى اسپاپتاردا ويناۋعا قويىلدى: زاكاريا، ازەيىل، شەميراموت، ەحيەل، ۇني، ەلياپ، ماعاسەياح، بەناياح.
21 شەمينيت* ناقىشىنا سالىپ ارفادا ويناۋ+ ٵرى جەتەكشىلىك ەتۋ ماتەتياح+، ەليپەلەك، ميكنەياح، عابيت-ەدوم، جەيەل جانە ازازياحقا تاپسىرىلدى.
22 لەۋىلىكتەردىڭ باسشىسى كەنانياح+ كەلىسىم ساندىعىن الىپ جۇرەتىندەرگە نۇسقاۋلار بەرەتىن بولدى، سەبەبى ول تاسىمالداۋ ٸسىنىڭ شەبەرى ەدى.
23 بەرەكيا مەن ەلقانا كەلىسىم ساندىعىن كۇزەتۋگە قويىلدى.
24 مىنا ٴدىني قىزمەتكەرلەرگە شىنايى قۇدايدىڭ ساندىعىنىڭ الدىندا بارىنشا كەرنەيلەتىپ ٴجۇرۋ تاپسىرىلدى+: شەبانياح، جوشافات، نەتانەل، عاماساي، زاكاريا، بەناياح، ەليەزەر. عابيت-ەدوم مەن ەحيا دا كەلىسىم ساندىعىن كۇزەتۋگە قويىلدى.
25 وسىدان كەيىن ٴداۋىت پەن يسرايل اقساقالدارى جانە مىڭباسىلار ەحوبانىڭ كەلىسىم ساندىعىن عابيت-ەدومنىڭ ۇيىنەن+ اكەلۋ ٷشىن قۋانا جولعا شىقتى+.
26 ەحوبانىڭ كەلىسىم ساندىعىن كوتەرىپ كەلە جاتقان لەۋىلىكتەرگە شىنايى قۇداي جار بولعاندىقتان، جۇرت قۇرباندىققا جەتى تورپاق پەن جەتى قوشقار شالدى+.
27 ٴداۋىت، ساندىقتى كوتەرىپ كەلە جاتقان لەۋىلىكتەر، انشىلەر، سونداي-اق ساندىقتى الىپ كەلە جاتقان انشىلەردىڭ باسشىسى كەنانياح — ٴبارى ۇستەرىنە باتەستەن جەڭسىز كويلەك كيگەن ەدى. ٴداۋىت كويلەگىنىڭ ۇستىنەن زىعىر ەفود تا كيگەن بولاتىن+.
28 كۇللى يسرايلدىكتەر ٵرتۇرلى كەرنەيلەر تارتىپ+، جەز تاباقشالار سوققىلاپ، بارىن سالىپ ىشەكتى اسپاپتار مەن ارفادا ويناپ+، قۋانىشتى ايعايمەن ەحوبانىڭ كەلىسىم ساندىعىن الىپ كەلە جاتتى+.
29 ەحوبانىڭ كەلىسىم ساندىعى ٴداۋىتتىڭ قالاسىنا+ كىرگەندە، ساۋلدىڭ قىزى ميحال+ تەرەزەدەن قاراپ تۇرعان ەدى. ول ٴداۋىت پاتشانىڭ سەكىرىپ، بيلەپ جۇرگەنىن كورىپ، ونى ىشتەي كەمسىتتى+.
سىلتەمەلەر
^ سوزبە-ٴسوز «قاسيەتتى بولىپ». تۇسىندىرمەدەگى «قاسيەتتى» ٴسوزىن قاراڭىز.
^ تۇسىندىرمەنى قاراڭىز.
^ تۇسىندىرمەنى قاراڭىز.
