شەجىرەلەر 1-جازبا 18:1—17
18 ٴبىراز ۋاقىت وتكەننەن كەيىن ٴداۋىت فىلىستىرلەردى جەڭىپ، وزىنە باعىندىردى. ول فىلىستىرلەردەن عات+ پەن قاراماعىنداعى قالاشىقتاردى تارتىپ الدى+.
2 بۇدان كەيىن ٴداۋىت موابتىقتاردى جەڭدى+. سودان ولار وعان قىزمەت ەتىپ، سالىق تولەيتىن بولدى+.
3 ٴداۋىت ەۆفرات وڭىرىندە بيلىگىن نىعايتۋعا بارا جاتقان سوبا ەلىنىڭ+ پاتشاسى ادادازەرگە+ شابۋىل جاساپ، ونى حاماتتىڭ+ تۇسىندا جەڭىپ شىقتى+.
4 ٴداۋىت ونىڭ 1000 ارباسىن قولعا ٴتۇسىردى، 7000 سالت اتتى ساربازى مەن 20000 جاياۋ اسكەرىن دە تۇتقىنعا الدى+. بۇدان كەيىن ارباعا جەگىلەتىن اتتاردىڭ ٴبارىنىڭ تىلەرسەكتەرىنىڭ سىڭىرلەرىن كەسىپ تاستادى، 100 ٸن عانا قالدىردى+.
5 سوبا پاتشاسى ادادازەرگە كومەكتەسۋ ٷشىن داماسكىدەن سيريالىقتار كەلگەندە، ٴداۋىت ولاردىڭ 22000 ادامىن قىرىپ تاستاپ+،
6 سيرياداعى داماسكىدە قاراۋىل توبىن قويدى. وسىلاي سيريالىقتار وعان قىزمەت ەتىپ، سالىق تولەپ تۇراتىن بولدى. ٴداۋىت قايدا اتتانسا دا، ەحوبا وعان جەڭىس سيلادى+.
7 بۇعان قوسا، ٴداۋىت ادادازەردىڭ قىزمەتشىلەرىنىڭ دوڭگەلەك التىن قالقاندارىن جيناپ الىپ، يەرۋساليمگە اكەلدى.
8 سونداي-اق ٴداۋىت ادادازەردىڭ قاراماعىنداعى تيبحات پەن كۋن قالالارىنان وتە كوپ مولشەردە مىس اكەلدى. سۇلەيمەن كەيىن سول مىستان تەڭىز+، باعانالار جانە مىس بۇيىمدار جاسادى+.
9 حامات پاتشاسى توۋ ٴداۋىتتىڭ سوبا پاتشاسى ادادازەردىڭ كۇللى اسكەرىن جەڭگەنىن+ ەستىگەندە+،
10 دەرەۋ بالاسى حادورامدى جىبەرىپ، ٴداۋىت پاتشادان اماندىق سۇراسىپ، جەڭىسىمەن قۇتتىقتادى. (سەبەبى ادادازەر مەن توۋدىڭ اراسىندا سوعىس ۇزىلمەيتىن.) حادورام التىن، كۇمىس، مىستان جاسالعان بۇيىمدار اكەلىپ، پاتشاعا سيعا تارتتى.
11 ٴداۋىت بۇلاردى ەحوباعا باعىشتادى+. ول ٶزى باعىندىرعان ەدومدىقتار، موابتىقتار، امموندىقتار+، فىلىستىرلەر+ مەن امالەكتىكتەردەن+ الىنعان كۇمىس پەن التىندى دا تۇگەل قۇدايعا باعىشتاعان ەدى.
12 سارۇيانىڭ ۇلى+ ٵبىساي+ تۇزدى اڭعاردا ەدومدىقتاردىڭ 18000 اسكەرىن تالقاندادى+.
13 ول ەدومدا قاراۋىل توپتار ورنالاستىردى. وسىلاي ەدومدىقتاردىڭ ٴبارى ٴداۋىت پاتشانىڭ قىزمەتشىلەرىنە اينالدى+. ٴداۋىت قايدا بارسا دا، ەحوبا وعان جەڭىس سيلادى+.
14 ٴداۋىت كۇللى يسرايلگە پاتشالىق قۇرىپ+، حالىققا ٵدىل سوت جۇرگىزدى+.
15 ونىڭ تۇسىندا سارۇيانىڭ ۇلى جوعاب قولباسشى+، احيلۋد ۇلى جوسافات+ شەجىرەشى،
16 احيتۇپ ۇلى سادىق پەن ٵبياتاردىڭ ۇلى احيمالىك ٴدىني قىزمەتكەرلەر، شابشا حاتشى بولدى.
17 ەحوداي ۇلى بەناياح كەرەتتىكتەر+ مەن پەلەتتىكتەرگە+ باسشىلىق ەتتى. ٴداۋىتتىڭ ۇلدارى بولسا پاتشادان كەيىنگى ٴبىرىنشى ادامدار بولدى.
