شەجىرەلەر 1-جازبا 20:1—8
20 جىلدىڭ باسىندا*، پاتشالار جورىققا اتتاناتىن كەزدە، جوعاب+ اسكەرىمەن جورىققا شىعىپ، امموندىقتاردىڭ جەرىن ويران ەتتى. ول رابباعا+ كەلىپ، قالانى قورشاۋعا الدى. بۇل كەزدە ٴداۋىت يەرۋساليمدە قالعان ەدى+. جوعاب رابباعا شابۋىل جاساپ، ونى كۇيرەتتى+.
2 ول مالحامنىڭ باسىنداعى ٴتاجىن شەشىپ الدى. ول ٴبىر تالانت* التىننان جاسالىپ، اسىل تاستارمەن اشەكەيلەنگەن ەكەن. ٴتاج ٴداۋىتتىڭ باسىنا كيگىزىلدى. بۇعان قوسا، ول قالادان وتە كوپ ولجا الىپ شىقتى+.
3 ٴداۋىت قالا تۇرعىندارىن دا الىپ شىعىپ، تاس كەستىرىپ قويدى، سونداي-اق ولاردى وتكىر تەمىر سايماندارمەن، بالتامەن ىستەلەتىن جۇمىسقا سالدى+. ٴداۋىت امموندىقتاردىڭ بارلىق قالالارىنىڭ تۇرعىندارىن دا وسىنداي جۇمىسقا سالدى. سودان ٴداۋىت بۇكىل ساربازدارىمەن يەرۋساليمگە قايتىپ كەلدى.
4 بۇدان كەيىن گەزەردە فىلىستىرلەرمەن تاعى دا سوعىس بولدى. سول شايقاستا حۋشالىق سيبەكاي+ رەفايمدەردىڭ+ تاعى ٴبىر ۇرپاعى سيپايدىڭ كوزىن قۇرتتى. وسىلاي فىلىستىرلەر تىزە بۇكتى.
5 فىلىستىرلەرمەن بولعان كەلەسى ٴبىر شايقاستا جايىردىڭ ۇلى ەلحانان عاتتىق عولياتتىڭ+ باۋىرى ٴلاحميدى جەر قۇشتىردى. الگى ٴفىلىستىردىڭ نايزاسىنىڭ سابى توقىماشىنىڭ كەرگى اعاشىنداي ەدى+.
6 بۇدان كەيىن عاتتا+ سوعىس بۇرق ەتتى. سول جەردە اياق-قولدارىندا التى-التىدان — بارلىعى 24 ساۋساعى بار ەرەكشە ۇلكەن كىسى بولدى+. ول دا رەفايمدەر ۇرپاعىنان ەدى+.
7 وسى الىپ يسرايلدىكتەرگە ٴتىل تيگىزە بەرگەن سوڭ+، ٴداۋىتتىڭ اعاسى شيمانىڭ+ ۇلى جوناتان ونى ٶلتىرىپ تاستادى.
8 رەفايمدەر+ ۇرپاعىنان شىققان وسى الىپتار عاتتان ەدى+. ولار ٴداۋىت پەن ونىڭ قىزمەتشىلەرىنىڭ قولىنان قازا تاپتى.
