شەجىرەلەر 1-جازبا 22:1—19
22 سوسىن ٴداۋىت: «مىناۋ — شىنايى قۇداي ەحوبانىڭ ٷيى. ال مىناۋ — يسرايل حالقى تۇگەل ورتەلەتىن قۇرباندىق شالاتىن وشاق»+،— دەدى.
2 ٴداۋىت يسرايلدەگى جاتجەرلىكتەردى+ جيناۋدى بۇيىردى. بۇدان كەيىن ولاردى شىنايى قۇداي ٷيىنىڭ قۇرىلىسى ٷشىن تاس كەسىپ، قاشاۋعا تاعايىندادى+.
3 سونىمەن قاتار ول قاقپا ەسىكتەرىنە ارنالعان شەگەلەر مەن قاپسىرما شەگەلەر جاساۋ ٷشىن وتە كوپ مولشەردە تەمىر دايارلاپ قويدى. ال دايارلانعان مىستىڭ كوپتىگىنەن سالماعىن انىقتاۋ مۇمكىن ەمەس ەدى+.
4 ول سانسىز كوپ قاراعاي بورەنەلەرىن+ دە دايىندادى. ويتكەنى سيدوندىقتار+ مەن تيرلىكتەر+ داۋىتكە وتە كوپ قاراعاي بورەنەلەرىن اكەلگەن بولاتىن.
5 ٴداۋىت: «ۇلىم سۇلەيمەن جاس ٵرى تاجىريبەسىز+. ال ەحوباعا ارناپ سالىناتىن ٷي بارىنشا ساۋلەتتى بولماق+. وسىلاي ونىڭ اتاعى جەر جارىپ، اسەمدىگى+ دە بارلىق جەردە تانىمال بولادى+. سوندىقتان مەن ۇلىم ٷشىن دايارلىق جاسايىن»،— دەپ، ٶمىرىنىڭ سوڭىنا دەيىن قۇرىلىسقا قاجەتتى زاتتاردى كوپتەپ جينادى.
6 بۇعان قوسا، ٴداۋىت ۇلى سۇلەيمەندى شاقىرىپ الىپ، يسرايلدىڭ قۇدايى ەحوباعا ارناپ ٷي سالۋدى تاپسىردى.
7 ٴداۋىت ۇلىنا بىلاي دەدى: «مەن قۇدايىم ەحوبانىڭ ەسىمىنە ارناپ ٷي سالۋدى شىن جۇرەكتەن نيەت ەتكەن ەدىم+.
8 ٴبىراق ەحوبا ماعان ٴسوزىن ارناپ مىنانى ايتتى: —سەن كوپ قان توكتىڭ، ۇلكەن سوعىستار دا جۇرگىزدىڭ. مەنىڭ الدىمدا جەر بەتىنە كوپ قان توككەندىكتەن، مەنىڭ ەسىمىمە ارناپ ٷي سالمايسىڭ+.
9 ٴبىراق سەنىڭ بەيبىت ۇلىڭ بولادى+. مەن وعان اينالاسىنداعى جاۋلارىنىڭ بارىنەن تىنىشتىق سيلايمىن+. سوندىقتان ونىڭ اتى سۇلەيمەن*+ بولادى. سونىڭ تۇسىندا مەن يسرايل ەلىنە بەيبىتشىلىك پەن تىنىشتىق سيلايمىن+.
10 مەنىڭ ەسىمىمە ارناپ ٷي سالاتىن — سول+. ول مەنىڭ ۇلىم، ال مەن ونىڭ اكەسى بولامىن+. مەن ونىڭ يسرايل ۇستىنەن قۇراتىن پاتشالىق تاعىن ماڭگىگە بەرىك ەتىپ ورنىقتىرامىن+.
11 —ال ەندى، بالام، ەحوبا ساعان جار بولسىن. لايىم ىسىڭدە تابىسقا جەتىپ، ٶزى ايتقانداي، قۇدايىڭ ەحوباعا ارناپ ٷي سالعايسىڭ+.
12 ەحوبا سەنى يسرايلدىڭ بيلەۋشىسى ەتكەندە، قۇدايىڭ ەحوبانىڭ زاڭىنان تايماۋىڭ ٷشىن+، ول ساعان اقىل مەن تۇسىنىك سيلاي كورسىن+.
13 سوندا ەحوبانىڭ يسرايلگە مۇسا ارقىلى بەرگەن جارلىقتارى مەن شەشىمدەرىن ۇستانار بولساڭ+، تابىسقا جەتەسىڭ+. باتىل دا، بەرىك بول! ەش قورىقپا دا، ۇرەيلەنبە دە+!
14 مەن كوپ كۇش سالىپ، ەحوبانىڭ ۇيىنە ارناپ 100000 تالانت* التىن، 1000000 تالانت كۇمىس جينادىم. ال جينالعان مىس پەن تەمىردىڭ+ كوپتىگىنەن مولشەرىن ەسەپتەۋ مۇمكىن ەمەس. بورەنەلەر مەن تاس تا دايارلاپ قويدىم+، ٴبىراق سەن ۇستىنە تاعى قوسارسىڭ.
15 سەنىڭ جۇمىسشىلارىڭ وتە كوپ، تاس كەسەتىن دە، قالايتىن دا جۇمىسشىلارىڭ بار+، اعاش ۇستالارىڭ، باسقا دا ٴتۇرلى شەبەرلەرىڭ كوپ+.
16 التىن، كۇمىس، مىس پەن تەمىردىڭ سانىنا جەتۋ مۇمكىن ەمەس+. بىلەگىڭدى سىبانىپ، ىسكە كىرىس، ەحوبا ساعان جار بولسىن+».
17 ٴداۋىت يسرايلدىڭ بارلىق بەكزادالارىنا ۇلى سۇلەيمەنگە قولعابىس ەتۋدى تاپسىرىپ، بىلاي دەدى:
18 «قۇدايلارىڭ ەحوبا سەندەرگە جار بولىپ، اينالالارىڭداعى جاۋلارىڭنىڭ بارىنەن تىنىشتىق سيلاپ وتىر ەمەس پە؟! ول وسى جەردىڭ تۇرعىندارىن مەنىڭ قولىما تاپسىرىپ، كۇللى ەل ەحوبا مەن ونىڭ حالقىنا باعىنىشتى بولدى.
19 ەندەشە بار جان-تاندەرىڭمەن قۇدايلارىڭ ەحوبانى ىزدەۋگە+ جانە شىنايى قۇداي ەحوباعا ارناپ عيباداتحانا سالۋعا بەل بۋىڭدار+. ەحوبانىڭ كەلىسىم ساندىعى مەن شىنايى قۇدايدىڭ كيەلى بۇيىمدارىن ەحوبانىڭ ەسىمىنە ارناپ سالىنعان سول ۇيگە+ اكەلىڭدەر+».
سىلتەمەلەر
^ ەۆرەي ٴتىلىنىڭ «بەيبىتشىلىك؛ تىنىشتىق» دەگەن سوزىمەن تۇبىرلەس.
^ 1 تالانت 2.34 كيلوگرامعا تەڭ. B14 قوسىمشاسىن قاراڭىز.