شەجىرەلەر 1-جازبا 29:1—30
29 ٴداۋىت پاتشا كۇللى قاۋىمعا بىلاي دەدى: «مەنىڭ قۇداي تاڭداپ العان ۇلىم سۇلەيمەن+ ٵلى جاس ٵرى تاجىريبەسىز+. ال اتقارىلاتىن ٸس ۇلكەن، ويتكەنى بۇل — ادام بالاسىنا ەمەس، ەحوبا قۇدايعا ارنالعان عيباداتحانا*+.
2 مەن بار كۇشىمدى سالىپ، التىننان جاسالاتىن جۇمىسقا قاجەتتى التىن، كۇمىستەن جاسالاتىنىنا كۇمىس، مىستان جاسالاتىنىنا مىس، تەمىردەن جاسالاتىنىنا تەمىر+، اعاشتان جاسالاتىنىنا اعاش دايارلاپ قويدىم+. بۇعان قوسا، ونيكس، ەرىتىندىمەن جەلىمدەنەتىن تاستار، سونداي-اق ٴتۇرلى ٴتۇستى تاستار، سان الۋان اسىل تاستار جانە كوپ مولشەردە الەباستر تاسىن جيناپ قويدىم.
3 كيەلى ۇيگە ارناپ دايارلاعان وسى زاتتاردىڭ بارىنە قوسا، قۇدايىمنىڭ ٷيىن جاقسى كورەتىندىكتەن+ ٶزىمنىڭ جەكە قازىنامنان+ قۇدايىمنىڭ ۇيىنە ارناپ كەلەسى مولشەردە التىن-كۇمىس بەرمەكپىن:
4 عيباداتحانا عيماراتتارىنىڭ قابىرعالارىن كۇپتەيتىن 3000 تالانت* وپىر التىنى+ مەن 7000 تالانت ساف كۇمىس.
5 بۇلار التىن مەن كۇمىستى قاجەت ەتەتىن جۇمىستار مەن ىسمەرلەر جاسايتىن بارلىق بۇيىمدارعا جۇمسالماق. ال ەندى، ەحوباعا ارناپ ٶز ەركىمەن سي بەرگىسى كەلەتىن تاعى كىم بار+؟»
6 سوندا اۋلەتباسىلار، يسرايل رۋلارىنىڭ بەكزادالارى، مىڭباسىلار مەن ٴجۇزباسىلار+، سونداي-اق پاتشانىڭ جۇمىسىن اتقاراتىن باسشىلار+ ەرىكتى سي-تارتۋلار اكەلە باستادى.
7 ولار شىنايى قۇدايدىڭ ۇيىندەگى قىزمەتكە ارناپ 5000 تالانت التىن، 10000 داريك*، 10000 تالانت كۇمىس، 18000 تالانت مىس، 100000 تالانت تەمىر اكەلدى.
8 بۇعان قوسا، قىمبات تاستارى بارلار ولارىن گەرشوندىق+ ەحيەلدىڭ قاراۋىنداعى ەحوبانىڭ ٷيىنىڭ قازىناسىنا+ بەردى.
9 حالىق ەرىكتى سي-تارتۋلارىن قۋانا اكەلدى، ويتكەنى مۇنى ەحوباعا ارناپ بار جۇرەكتەرىمەن بەرىپ جاتتى+. ٴداۋىت پاتشا دا شات-شادىمان بولىپ قۋاندى.
10 بۇدان كەيىن ٴداۋىت كۇللى قاۋىمنىڭ الدىندا ەحوبانى ماداقتاپ بىلاي دەدى: «اكەمىز يسرايلدىڭ قۇدايى ەحوبا ماڭگى باقي ماداقتالا بەرسىن!
11 ۋا، ەحوبا، ۇلىلىق+ پەن قۇدىرەت+، سۇلۋلىق پەن سالتانات، ايبىندىلىق ساعان تيەسىلى+. ويتكەنى كوك پەن جەردەگىنىڭ ٴبارى سەنىكى+. پاتشالىق تا سەنىكى، ۋا، ەحوبا+! ٴبارىنىڭ باسى رەتىندە ٶزىڭدى اسقاقتاتتىڭ.
12 داۋلەت پەن اتاق-ابىروي سەنەن كەلەدى+. بارىنە سەن بيلىك ەتەسىڭ+. كۇش پەن قۇدىرەت سەنىڭ قولىڭدا+، ۇلىلىققا بولەۋ دە+، كۇش دارىتۋ دا سەنىڭ بيلىگىڭدە+.
13 ال ەندى، ۋا، قۇدايىمىز، ٴبىز وزىڭە العىس ايتىپ، كەرەمەت ەسىمىڭدى ماداقتاپ تۇرمىز.
14 ساعان وسىنداي سي-تارتۋ بەرەتىندەي مەن كىممىن سونشا، مىنا حالىق كىم؟! سەبەبى بارلىعى دا سەنەن كەلدى عوي. ٶز قولىڭمەن بىزگە بەرگەنىڭدى وزىڭە اكەلىپ وتىرمىز.
15 سەنىڭ الدىڭدا ٴبىز كۇللى اتا-بابالارىمىز سياقتى جاتجەرلىكپىز+. جەر بەتىندەگى عۇمىرىمىز كولەڭكە ىسپەتتى+، سەنسىز ەش ٷمىتىمىز جوق.
16 ۋا، قۇدايىمىز ەحوبا، ساعان، سەنىڭ كيەلى ەسىمىڭە، ارناپ ٷي سالۋ ٷشىن دايارلاعان مىنا بايلىقتىڭ ٴبارى وزىڭنەن كەلگەن، ولار سەنىكى.
17 ۋا، قۇدايىم، سەنىڭ جۇرەكتى تەكسەرەتىن+ ٵرى تۋرالىقتى* سۇيەتىن قۇداي+ ەكەنىڭدى مەن جاقسى بىلەمىن. مىنا سي-تارتۋدىڭ ٴبارىن شىن جۇرەكتەن* بەرىپ وتىرمىن. وسىندا تۇرعان حالقىڭنىڭ دا ساعان ٶز ەركىمەن سي-تارتۋ اكەلگەنىن كورىپ، كوڭىلىم شات-شادىمان.
18 اتا-بابالارىمىز ىبىرايىم، ىسقاق جانە يسرايلدىڭ قۇدايى، ۋا، ەحوبا! ٶز حالقىڭا وسى دايىندىق رۋحىن ماڭگى ساقتاۋعا كومەكتەسە كور، جۇرەكتەرىن وزىڭە بۇرا كور+.
19 ۇلىم سۇلەيمەنگە دە بۇيرىقتارىڭدى، ەسكەرتۋلەرىڭ مەن جارلىقتارىڭدى بار جۇرەگىمەن+ ورىنداۋعا+ جانە مەن قاجەتتىنىڭ ٴبارىن دايارلاپ قويعان+ عيباداتحانانى* سالۋعا كومەكتەسە كور».
20 سوسىن ٴداۋىت كۇللى قاۋىمعا: «قۇدايلارىڭ ەحوبانى ماداقتاڭدار!»— دەدى. سوندا بۇكىل قاۋىم اتا-بابالارىنىڭ قۇدايى ەحوبانى ماداقتاپ، جەرگە دەيىن ٴيىلىپ ەحوباعا جانە پاتشاعا تاعزىم ەتتى.
21 كەلەسى كۇنى ولار ەحوباعا ارناپ قۇرباندىقتار شالدى. جۇرت ەحوباعا تۇگەل ورتەلەتىن قۇرباندىق+ رەتىندە 1000 تايىنشا، 1000 قوشقار، 1000 ەركەك توقتى جانە سۇيىق تارتۋلار+ ۇسىندى. ولار كۇللى يسرايل جۇرتىنىڭ اتىنان كوپتەپ قۇرباندىق شالدى+.
22 سول كۇنى حالىق ەحوبانىڭ الدىندا ٸشىپ-جەپ، قۋانىپ شات-شادىمان بولدى+. ولار ٴداۋىتتىڭ ۇلى سۇلەيمەندى ەكىنشى رەت پاتشا ەتىپ تاعايىنداپ، ەحوبانىڭ الدىندا ونى كوسەم ەتىپ+، ال سادىقتى ٴدىني قىزمەتكەر ەتىپ مايلادى+.
23 وسىلايشا سۇلەيمەن ەحوبانىڭ تاعىنا وتىرىپ+، اكەسى ٴداۋىتتىڭ ورنىنا پاتشا بولدى. ول بيلىك قۇرۋدا تابىسقا جەتىپ، بۇكىل يسرايل وعان مويىنسۇندى.
24 كۇللى بەكزادالار+ مەن مىقتى ساربازدار+، ٴداۋىت پاتشانىڭ بارلىق ۇلدارى+ دا سۇلەيمەن پاتشاعا باعىندى.
25 ەحوبا سۇلەيمەندى بۇكىل يسرايلدىڭ الدىندا بارىنشا اسقاقتاتتى، سونداي-اق وعان يسرايل پاتشالارىنىڭ ەشبىرىندە بولماعان سالتانات سيلادى+.
26 وسىلاي ەسەي ۇلى ٴداۋىت بۇكىل يسرايلدىڭ پاتشاسى بولعان ەدى.
27 ول 40 جىل بويى يسرايلدە پاتشالىق قۇردى: حەبروندا 7 جىل+، يەرۋساليمدە 33 جىل بيلىك ەتتى+.
28 ٴداۋىت ۇزاق جاساپ، دۇنيە سالدى+. ول ٶمىردىڭ، بايلىق پەن ابىروي-اتاقتىڭ قىزىعىن كورىپ ٶتتى. ونىڭ ورنىنا ۇلى سۇلەيمەن پاتشا تاعىنا وتىردى+.
29 ٴداۋىت پاتشانىڭ جاساعان ىستەرى كورەگەن* ٴسامۋيلدىڭ، ناتان+ پايعامبار مەن ايان الۋشى عادتىڭ+ جازبالارىندا باستان-اياق باياندالعان.
30 سول جازبالاردا ٴداۋىتتىڭ پاتشالىق قۇرۋى مەن قۇدىرەتى جايىندا، سونداي-اق سول زاماندا پاتشانىڭ باسىنان كەشكەن جانە يسرايل مەن ونىڭ اينالاسىنداعى پاتشالىقتاردا بولعان وقيعالار جازىلعان.
سىلتەمەلەر
^ نەمەسە «بەكىنىس؛ ساراي».
^ 1 تالانت 2.34 كيلوگرامعا تەڭ. B14 قوسىمشاسىن قاراڭىز.
^ داريك پارسىلاردىڭ التىن تيىنى. B14 قوسىمشاسىن قاراڭىز.
^ نەمەسە «ادالدىقتى».
^ سوزبە-ٴسوز «تۋراشىل جۇرەكپەن».
^ نەمەسە «بەكىنىستى؛ سارايدى».
^ مۇنداعى ەۆرەي ٴسوزى قۇداي ٶز ەركىن تۇسىنۋگە قابىلەت بەرگەن ادامعا نۇسقايدى.
