شەجىرەلەر 1-جازبا 5:1—26
5 يسرايلدىڭ تۇڭعىشى رۋبەن+ بولدى. ول تۇڭعىش ۇل بولعانمەن، اكەسىنىڭ توسەگىن ارامداعانى ٷشىن+، ونىڭ تۇڭعىشتىق جولى يسرايل ۇلى ٴجۇسىپتىڭ ۇلدارىنا بەرىلدى+. سوندىقتان رۋبەن شەجىرە جازباسىنا تۇڭعىش ۇل رەتىندە تىركەلمەدى.
2 ياھۋدا+ باۋىرلارىنىڭ اراسىنداعى ەڭ جاقسىسى بولاتىن، ٵرى سول رۋدان كوسەم شىقتى+. سويتسە دە تۇڭعىشتىق جولى وعان ەمەس، جۇسىپكە بەرىلدى.
3 يسرايلدىڭ تۇڭعىشى رۋبەننىڭ ۇلدارى مىنالار: حانوح، پالۋ، حەسرون، قارمي+.
4 جوەلدەن شەماياح تۋدى، ودان گوگ، ودان شيمەي،
5 ودان ميحا، ودان رەياح، ودان باعال،
6 ودان بەگەراح تۋدى. ونى اسسيريا پاتشاسى تيگلاتپالاسار+ جەر اۋدارعان ەدى. بەگەراح رۋبەندىكتەردىڭ باسشىسى بولاتىن.
7 ونىڭ باۋىرلارىنىڭ ۇرپاقتارى اۋلەتتەرى بويىنشا شەجىرە جازباسىنا كەلەسىدەي تىركەلگەن: اۋلەتباسى جەيەل، زاكاريا جانە
8 بەلا. بەلا ازازدىڭ ۇلى، شەمانىڭ نەمەرەسى، جوەلدىڭ شوبەرەسى ەدى. ونىڭ اۋلەتى اروگەردەن+ نەبو مەن باعال-مەعونعا+ دەيىنگى ارالىقتى مەكەندەدى.
9 عالاقات+ جەرىندەگى مالى كوبەيىپ كەتكەندىكتەن، ولار شىعىسقا، ەۆفرات وزەنىنە+ قاراي سوزىلىپ جاتقان ٴشول دالاعا دەيىن قونىس تەپتى.
10 ساۋل پاتشانىڭ تۇسىندا ولار اجارلىقتارمەن سوعىسىپ، جەڭىسكە جەتتى. سودان عالاقات ٶڭىرىنىڭ شىعىسىنداعى سولاردىڭ بارلىق شاتىرلارىن يەمدەنىپ، سوندا تۇراتىن بولدى.
11 عادتىڭ ۇرپاقتارى رۋبەندىكتەرمەن كورشىلەس تۇراتىن. ولار باشان جەرىنەن سالكاعا+ دەيىنگى ارالىقتى مەكەن ەتتى.
12 باشان ٶڭىرىنىڭ باسشىسى — جوەل، ەكىنشىسى — شافام، ودان كەيىن ياناي جانە شافات بولدى.
13 ولاردىڭ اۋلەتتەرىنەن تاراعان باۋىرلارى مىنالار: ميكايل، مەشۋلام، شەبا، جوراي، ياحان، زيا، ەبەر — بارلىعى جەتەۋ.
14 بۇلار ٵبيحايلدىڭ ۇلدارى. ٵبيحايلدىڭ جەتى اتاسى: حۋري، ياروح، عالاقات، ميكايل، ەشيشاي، ياحدو، بۋز.
15 بۇل اۋلەتتىڭ باسى ابديەلدىڭ ۇلى، گۋنيدىڭ نەمەرەسى احي ەدى.
16 عادتىقتار عالاقات+ پەن باشانعا+ جانە ونىڭ قاراماعىنداعى قالاشىقتارعا، سونداي-اق ساروننىڭ بارلىق جايىلىمىنىڭ شەگارالارىنا دەيىن قونىستاندى.
17 بۇلاردىڭ ٴبارى ياھۋدا پاتشاسى جوتام+ مەن يسرايل پاتشاسى ەروبوعامنىڭ*+ تۇسىندا شەجىرە جازباسىنا تىركەلگەن بولاتىن.
18 رۋبەندىكتەر مەن عادتىقتاردىڭ جانە ماناسا رۋىنىڭ جارتىسىنىڭ اسكەرىندە 44760 مىقتى سارباز بولدى. ولار قالقان مەن سەمسەر ۇستاپ، ساداق اسىنعان، ٵرى سوعىسۋعا ماشىقتانعان جىگىتتەر ەدى.
19 وسى اسكەر اجارلىقتارمەن+ جانە ەتۋر، نافيش+، نودابپەن شايقاستى.
20 سول كەزدە ولار شايقاستا كومەكتەسۋىن سۇراپ قۇدايعا سيىندى. وزىنە سەنىم ارتقاندىقتان، قۇداي ولاردىڭ تىلەگىن ورىنداپ، اجارلىقتار مەن سولاردىڭ جاعىنداعىلاردىڭ ٴبارىن اياقتارىنا جىعىپ بەردى+.
21 ولار جاۋدىڭ مالىن: 50000 تۇيە، 250000 قوي جانە 2000 ەسەك ولجالادى؛ 100000 ادامدى دا قولعا ٴتۇسىردى.
22 ٴبىراق جاۋدىڭ كوبىسى قىرىلدى، ويتكەنى شىنايى قۇدايدىڭ ٶزى شايقاسقان ەدى+. سودان الگى ٷش رۋ وزدەرى تۇتقىنعا ايدالعانعا دەيىن+ سولاردىڭ جەرىندە تۇردى.
23 ماناسانىڭ جارتى رۋىنىڭ+ ۇرپاقتارى ٶسىپ-ٶنىپ كوبەيىپ، باشاننان باعال-حەرمونعا دەيىنگى جانە سەنيردەن حەرمون تاۋىنا+ دەيىنگى ارالىقتا تۇرىپ جاتتى.
24 ولاردىڭ اۋلەتباسىلارى مىنالار: ەفەر، يشي، ەليەل، ازرييل، ەرەميا، حودابياح، ياحديەل. بۇل اۋلەتباسىلار مىقتى ساربازدار ٵرى اتاقتى كىسىلەر بولاتىن.
25 ٴبىراق ولار قۇداي الدارىنان قۇرتىپ جىبەرگەن سول جەردىڭ تۇرعىندارىنىڭ تاڭىرلەرىنە تابىنىپ كەتىپ*، اتا-بابالارىنىڭ قۇدايىنا وپاسىزدىق جاسادى+.
26 سوندىقتان يسرايلدىڭ قۇدايى اسسيريا پاتشاسى پۋلدىڭ (ياعني اسسيريا پاتشاسى تيگلاتپالاساردىڭ+) جۇرەگىنە وي سالدى+. سودان ول رۋبەندىكتەر، عادتىقتار جانە ماناسا رۋىنىڭ جارتىسىن حالاح، حابور مەن حارانىڭ جانە عوزان وزەنىنىڭ ايماعىنا جەر اۋداردى+. ولار كۇنى بۇگىنگە دەيىن سوندا تۇرىپ جاتىر.
