شەجىرەلەر 1-جازبا 9:1—44
9 يسرايلدىكتەردىڭ ٴبارى شەجىرە جازباسىنا تىركەلدى. بۇل شەجىرەلەر يسرايل پاتشالارى تۋرالى كىتاپقا جازىلدى. ياھۋدالىقتار وپاسىزدىقتارى ٷشىن بابىلعا جەر اۋدارىلعان ەدى+.
2 ول جاقتان ٴبىرىنشى بولىپ ٶز قالالارىنداعى يەلىكتەرىنە كەيبىر يسرايلدىكتەر، ٴدىني قىزمەتكەرلەر، لەۋىلىكتەر مەن عيباداتحانا قىزمەتشىلەرى*+ ورالدى.
3 يەرۋساليمگە قونىس تەپكەن ياھۋدا+، بەنيامين+، ەفرەم جانە ماناسا ۇرپاقتارىنىڭ كەيبىرى مىنالار:
4 ياھۋدا ۇلى پارەستىڭ+ ۇرپاعىنان ۇتاي. ول — ٵميحۋدتىڭ ۇلى، ٶمريدىڭ نەمەرەسى، ٴيمريدىڭ شوبەرەسى، ٴبانيدىڭ شوپشەگى؛
5 شيلولىقتاردان اۋلەتتىڭ تۇڭعىشى اسايا مەن ونىڭ ۇلدارى؛
6 زاراحتىڭ+ ۇلدارىنان: ەيەل جانە ولاردىڭ 690 باۋىرى.
7 بەنيامين ۇرپاقتارىنان: مەشۋلامنىڭ ۇلى، حودابياحتىڭ نەمەرەسى، سەنۋاحتىڭ شوبەرەسى ساللۋ؛
8 ەروحامنىڭ ۇلى يبينەيا؛ ۇزيدىڭ ۇلى، ٴميحريدىڭ نەمەرەسى ەلاح؛ شافاتياحتىڭ ۇلى، راگۋەلدىڭ نەمەرەسى، يبنياحتىڭ شوبەرەسى مەشۋلام.
9 ولاردىڭ شەجىرە بۇتاعىنداعى باۋىرلارىنىڭ سانى — 956. بۇلاردىڭ ٴبارى اۋلەتباسىلار بولدى.
10 ٴدىني قىزمەتكەرلەردەن: ەداياح، ەحوياريپ، ياحين+،
11 ازارياح. ول حەلكيانىڭ ۇلى، مەشۋلامنىڭ نەمەرەسى، سادىقتىڭ شوبەرەسى، مەراياتتىڭ شوپشەگى، شىنايى قۇداي ٷيىنىڭ باسقارۋشىسى بولعان احيتۇپتىڭ نەمەنەسى ەدى.
12 سونداي-اق ەروحامنىڭ ۇلى اداياح؛ ول — پاشحۋردىڭ نەمەرەسى، مالحياحتىڭ شوبەرەسى؛ اديەلدىڭ ۇلى ماعاساي؛ ول — ياحزەرانىڭ نەمەرەسى، مەشۋلامنىڭ شوبەرەسى، مەشلەمەتتىڭ شوپشەگى، يمەردىڭ نەمەنەسى
13 جانە ولاردىڭ باۋىرلارى. باس-اياعى 1760 مىقتى ادام. ولار اۋلەتباسىلارى ٵرى شىنايى قۇداي ۇيىندە قىزمەت ەتۋگە قابىلەتتى كىسىلەر ەدى.
14 لەۋىلىكتەردەن: مەراريدىڭ ۇرپاعىنان حاشۋپ ۇلى شەماياح+، ول — ازريقامنىڭ نەمەرەسى، حاشابياحتىڭ شوبەرەسى؛
15 باقباقار، حەرەش، عالال، ميحا ۇلى ماتانياح، ول — ٴزيحريدىڭ نەمەرەسى، اساپتىڭ شوبەرەسى؛
16 شەماياح ۇلى اباديا، ول — عالالدىڭ نەمەرەسى، ەدۋتۋننىڭ شوبەرەسى؛ نەتوپالىقتاردىڭ+ ەلدى مەكەندەرىندە تۇرعان ەلقانانىڭ نەمەرەسى، اسانىڭ ۇلى بەرەكيا.
17 قاقپا كۇزەتشىلەرى+: شالۋم، اقۇپ، تالمون، احيمان. ولاردىڭ باۋىرى شالۋم باسشى بولاتىن.
18 بۇرىن ول شىعىس جاقتاعى پاتشا قاقپاسىندا+ قىزمەت ەتكەن ەدى. بۇلار لەۋىلىكتەردىڭ تۇراقتارىن كۇزەتەتىن.
19 قورەنىڭ ۇلى، ەبياساپتىڭ نەمەرەسى، قوراحتىڭ شوبەرەسى شالۋم مەن ونىڭ اۋلەتىنەن شىققان قوراحتىق باۋىرلارى كيەلى شاتىردىڭ كۇزەتى ٷشىن جاۋاپتى ەدى. ال اكەلەرى ەحوبانىڭ قوسىنىڭ كىرەبەرىسىنىڭ كۇزەتى ٷشىن جاۋاپتى بولاتىن.
20 بۇرىن ولاردىڭ باسشىسى ەلازار+ ۇلى پىنەحەس+ ەدى. ەحوبا وعان جار بولىپ ٴجۇردى.
21 مەشەلەميانىڭ ۇلى زاكاريا+ كەزدەسۋ شاتىرىنىڭ كىرەبەرىسىن كۇزەتتى.
22 قاقپا كۇزەتۋگە تاعايىندالعانداردىڭ جالپى سانى — 212. ولار شەجىرە جازباسىنا تىركەلگەندەرى+ بويىنشا ەلدى مەكەندەرىندە تۇرىپ جاتتى. سەنىمدى كىسىلەر بولعاندىقتان، ٴداۋىت پەن كورەگەن* سامۋيل+ ولاردى وسى قىزمەتكە تاعايىنداعان.
23 ولار ۇلدارىمەن بىرگە ەحوبانىڭ ٷيىنىڭ قاقپالارىن جانە كيەلى شاتىردى كۇزەتۋگە جاۋاپتى بولاتىن+.
24 قاقپا كۇزەتشىلەرى ٴتورت جاقتا — شىعىس، باتىس، سولتۇستىك، وڭتۇستىكتە تۇراتىن+.
25 اراگىدىك ٶز ەلدى مەكەندەرىنەن باۋىرلارى كەلىپ، ولارمەن بىرگە جەتى كۇن قىزمەت ەتۋگە ٴتيىس ەدى.
26 سول ٴتورت جاققا لەۋىلىكتەردەن سەنىمدى ٴتورت قاقپا كۇزەتشىسى باسشى ەتىپ قويىلدى. ولار اس بولمەلەر مەن شىنايى قۇداي ٷيىنىڭ قازىنالارىنا جاۋاپتى بولاتىن+.
27 كۇزەت ٸسى تاپسىرىلعاندىقتان بۇل كىسىلەر ٴتۇنى بويى شىنايى قۇداي ٷيىن اينالا ٶز ورىندارىندا تۇراتىن، ال كۇندە تاڭەرتەڭ وزدەرىنە تاپسىرىلعان كىلتپەن ٷيدىڭ قاقپالارىن اشاتىن.
28 ولاردىڭ كەيبىرەۋلەرى قىزمەتتە قولدانىلاتىن بۇيىمدارعا جاۋاپتى ەدى+، سوندىقتان بۇيىمدار اكەلىنگەندە دە، اكەتىلگەندە دە ولاردى ساناپ شىعاتىن.
29 ال وزگە بىرەۋلەرى باسقا بۇيىمدار مەن كۇللى قاسيەتتى بۇيىمدارعا+، سونداي-اق تاڭداۋلى ۇن+، شاراپ+، ماي+، لادان+ جانە بالزامعا+ جاۋاپتى بولدى.
30 ٴدىني قىزمەتكەرلەردىڭ كەيبىرى بالزامنان جاقپا ماي جاساۋمەن اينالىساتىن.
31 قوراحتىق شالۋمنىڭ تۇڭعىشى ماتەتياح دەگەن لەۋىلىك تابادا نان پىسىرۋگە جاۋاپتى بولدى+.
32 ولاردىڭ قاحاتتىق باۋىرلارىنىڭ كەيبىرىنە ٵر دەمالىس كۇنى نان تارتۋىن+ ٴپىسىرۋ مىندەتى جۇكتەلگەن ەدى+.
33 وسى انشىلەر، لەۋىلىك اۋلەتباسىلارى، اس بولمەلەردە تۇراتىن. ٶز مىندەتتەرىن كۇنى-ٴتۇنى ورىندايتىندىقتان، ولار قىزمەتتىڭ باسقا تۇرلەرىنەن بوساتىلعان ەدى.
34 بۇلار شەجىرە جازباسىنا تىركەلگەن لەۋىلىك اۋلەتتەردىڭ باسشىلارى. ولار يەرۋساليمدە تۇراتىن.
35 گيبەوننىڭ نەگىزىن قالاعان جەيەل گيبەوندا+ تۇردى. ونىڭ ايەلىنىڭ اتى ماعاق،
36 تۇڭعىشى ابدون بولاتىن. ودان كەيىنگى ۇلدارى: سۋر، قيش، باعال، نەر، ناداپ،
37 گەدور، احيو، زاكاريا، ميكلوت.
38 ميكلوتتان شيمام تۋدى. بۇلاردىڭ ٴبارى باۋىرلارىمەن يەرۋساليمدە، وزگە باۋىرلارىنىڭ قاسىندا تۇراتىن.
39 نەردەن+ قيش، قيشتان ساۋل تۋدى+. ساۋلدىڭ ۇلدارى: جوناتان+، مالحيشۋا+، ٵبيناداپ+، ەشباعال.
40 جوناتاننىڭ ۇلى — مەريپباعال+، ودان ميحا تۋدى+.
41 ميحانىڭ ۇلدارى: پيتون، مەلەك، تاحرەي، احاز.
42 احازدان ياراح تۋدى. ياراحتىڭ ۇلدارى: الەمەت، ازماۋەت، زيمري. زيمريدەن موزا دۇنيەگە كەلدى.
43 موزادان بىنەي، ودان رەفاياح، ودان ەليساح، ودان ازەل تۋدى.
44 ازەلدىڭ 6 ۇلى بولدى، ولاردىڭ اتتارى: ازريقام، بوكەرۋ، ىسماعۇل، شەعاريا، اباديا، حانان. بۇلار ازەلدىڭ ۇلدارى.
سىلتەمەلەر
^ نەمەسە «نەتيندەر». سوزبە-ٴسوز «بەرىلگەندەر».
^ مۇنداعى ەۆرەي ٴسوزى قۇداي ٶز ەركىن تۇسىنۋگە قابىلەت بەرگەن ادامعا نۇسقايدى.
