شەجىرەلەر 2-جازبا 10:1—19
-
يسرايلدىڭ روبوعامعا قارسى بۇلىك شىعارۋى (1—19)
10 روبوعام سيحەمگە+ باردى، سەبەبى بۇكىل يسرايل حالقى ونى پاتشا ەتۋ ٷشىن سوندا جينالعان ەدى+.
2 مۇنى نابات ۇلى ەروبوعام+ دا ەستي سالا، مىسىردان قايتا ورالدى (ول سۇلەيمەن پاتشادان قاشىپ كەتىپ، مىسىردا تۇرىپ جاتقان ەدى+).
3 جۇرت ونى شاقىرتىپ الدى. سودان ول بۇكىل يسرايلمەن بىرگە روبوعامعا كەلىپ:
4 «اكەڭىزدىڭ بىزگە ارتقان جۇگى تىم اۋىر+. ەگەر ونىڭ موينىمىزعا ارتقان اۋىر جۇمىسى مەن زىلدەي جۇگىن جەڭىلدەتسەڭىز، سىزگە قىزمەت ەتەمىز»،— دەدى.
5 روبوعام ولارعا: «ماعان ٷش كۇننەن كەيىن قايتىپ كەلىڭدەر»،— دەپ جاۋاپ بەردى. وسىلاي حالىق تاراپ كەتتى+.
6 پاتشا اكەسىنىڭ كوزى تىرىسىندە ونىڭ كەڭەسشىسى بولعان اقساقالداردان: «قانداي اقىل ايتاسىزدار، مىنا حالىققا نە دەپ جاۋاپ بەرەيىن؟»— دەپ سۇرادى.
7 ولار بىلاي دەدى: «ەگەر حالىققا جىلى شىراي تانىتساڭ، كوڭىلىن اۋلاپ، جىلى-جىلى سويلەسسەڭ، ولار ساعان ماڭگى باقي قىزمەت ەتەدى».
8 الايدا پاتشا اقساقالداردىڭ ايتقان اقىلىن ەلەمەي، بىرگە وسكەن ٵرى وزىنە قىزمەت ەتىپ جۇرگەن جىگىتتەرمەن كەڭەسىپ+،
9 بىلاي دەدى: «اكەم ارتقان جۇكتى جەڭىلدەتۋدى سۇراپ جاتقان مىنا حالىققا نە دەپ جاۋاپ بەرەيىن؟ قانداي كەڭەس بەرەسىڭدەر؟»
10 قۇرداستارى وعان مىنانى ايتتى: «اكەڭىز موينىمىزعا ٴزىل باتپان جۇك ارتقان ەدى، سونى جەڭىلدەتىڭىز» دەگەن حالىققا بىلاي دەپ جاۋاپ بەر: —مەنىڭ شىناشاعىم اكەمنىڭ بەلىنەن دە جۋان!
11 ول سەندەرگە اۋىر جۇك ارتقان ەكەن، مەن ونى ودان بەتەر اۋىرلاتامىن. اكەم سەندەردى جاي قامشىمەن ساباعان بولسا، مەن دويىر قامشىمەن سابايمىن!»
12 روبوعامنىڭ «ٷش كۇننەن كەيىن قايتىپ كەلىڭدەر» دەگەن سوزىنە ساي، حالىق پەن ەروبوعام ٷشىنشى كۇنى پاتشانىڭ الدىنا كەلدى+.
13 پاتشا اقساقالداردىڭ ايتقان اقىلىن قابىلداماي، حالىقپەن قاتاڭ سويلەستى.
14 ول قۇرداستارىنىڭ كەڭەسى بويىنشا: «مەن سەندەردىڭ جۇكتەرىڭدى ودان بەتەر اۋىرلاتامىن. اكەم سەندەردى جاي قامشىمەن ساباعان بولسا، مەن دويىر قامشىمەن سابايمىن!»— دەپ جاۋاپ بەردى.
15 وسىلاي پاتشا حالىقتىڭ ايتقانىن قۇلاعىنا ىلمەدى. وقيعانىڭ بۇلاي بەت الۋى شىنايى قۇدايدىڭ ەركىمەن بولدى+. مۇنى ەحوبا شيلولىق احيا پايعامبار+ ارقىلى نابات ۇلى ەروبوعامعا ايتقان سوزدەرىن جۇزەگە اسىرۋ ٷشىن ىستەدى.
16 سوزدەرى ەلەۋسىز قالعاندىقتان كۇللى يسرايلدىكتەر پاتشاعا: «ٴبىزدىڭ داۋىتكە ەش قاتىسىمىز جوق! ەسەي ۇلىندا ەش ۇلەسىمىز جوق! ەي، يسرايلدىكتەر، ٴارقايسىسىڭ ٶز قۇدايلارىڭا بارىڭدار! بۇدان بىلاي ٴداۋىت ٷيى ٶز قامىن ٶزى ويلاسىن!»+— دەدى دە، ٷيدى-ۇيلەرىنە تاراپ كەتتى+.
17 ٴبىراق روبوعام ياھۋدا قالالارىندا تۇرىپ جاتقان يسرايلدىكتەردىڭ پاتشاسى بولىپ قالا بەردى+.
18 بىردە روبوعام مىندەتتى جۇمىسشىلاردىڭ ۇستىنەن قارايتىن حادورامدى+ يسرايلدىكتەرگە جىبەردى، ٴبىراق جۇرت ونى تاسپەن اتقىلاپ ٶلتىردى. پاتشا بولسا ارباسىنا مىنە سالا، يەرۋساليمگە قاشىپ كەتتى+.
19 وسىلايشا يسرايلدىكتەر ٴداۋىت ۇيىنە قارسى شىعىپ، كۇنى بۇگىنگە دەيىن وعان باعىنباي كەلەدى.