شەجىرەلەر 2-جازبا 11:1—23
11 روبوعام يەرۋساليمگە كەلە سالا، ياھۋدا مەن بەنيامين+ ۇيىنەن 180000 تاڭداۋلى سارباز جيناپ، يسرايلمەن سوعىسىپ، پاتشالىقتى وزىنە قايتارىپ الماق بولدى+.
2 سول كەزدە ەحوبا پايعامبارى شەماياحقا+ بىلاي دەدى:
3 «ياھۋدا پاتشاسى سۇلەيمەن ۇلى روبوعامعا، ياھۋدا مەن بەنيامين جەرىندەگى كۇللى يسرايلدىكتەرگە مىنانى ايت:
4 —ەحوبا بىلاي دەيدى: «يسرايلدىك باۋىرلارىڭمەن سوعىسۋعا بارماڭدار. بارلىعىڭ ٷيدى-ۇيلەرىڭە قايتىڭدار. سەبەبى بۇنى ىستەپ وتىرعان — ٶزىم+». سودان ولار ەحوبانىڭ سوزىنە قۇلاق اسىپ، ەروبوعامعا قارسى اتتانباي، ۇيلەرىنە تاراستى.
5 روبوعام يەرۋساليمدە تۇرىپ جاتتى. ول قورعانۋ ٷشىن ياھۋدا جەرىندە بەكىنىستى قالالار سالا باستادى.
6 پاتشا مىنا قالالاردى سالدى*: بەتلەحەم+، ەتام، تەكويا+،
7 بەت-سۇر، سوحو+، ادوللام+،
8 عات+، مارەشاح، زيف+،
9 ادورايم، لاحيش+، ازەك+،
10 سورا، ايالون+، حەبرون+. بۇلار ياھۋدا مەن بەنيامين جەرىندەگى بەكىنىستى قالالار.
11 روبوعام بەكىنىستى قالالاردى كۇشەيتىپ، سوندا قولباسىلار تاعايىنداپ، ولاردى ازىق-تۇلىكپەن، ماي جانە شاراپپەن قامتاماسىز ەتتى.
12 ول باسقا قالالاردىڭ ٴبارىن دە ۇلكەن قالقاندارمەن، نايزالارمەن جابدىقتاپ، بارىنشا بەكىتتى. وسىلاي ياھۋدا مەن بەنيامين رۋى روبوعامنىڭ بيلىگىندە قالدى.
13 يسرايلدىڭ جەر-جەرىندە تۇراتىن ٴدىني قىزمەتكەرلەر مەن لەۋىلىكتەر روبوعامدى قولدادى. ولار ەلدىڭ بارلىق ايماقتارىنان ونىڭ قاسىنا جينالدى.
14 لەۋىلىكتەر جايىلىمدارى مەن يەلىكتەرىن+ تاستاپ، ياھۋدا مەن يەرۋساليمگە كوشىپ كەلگەن ەدى. ويتكەنى ەروبوعام مەن ونىڭ ۇلدارى ولاردى ەحوبانىڭ الدىنداعى ٴدىني قىزمەتكەرلىك مىندەتتەرىنەن الاستاتقان بولاتىن+.
15 ەروبوعام ٶزىنىڭ ٴدىني قىزمەتكەرلەرىن تاعايىندادى. ولار عيبادات توبەلەرىندە+ جانە ەشكىگە ۇقساس جىندار+ مەن ٶزى جاساعان بۇزاۋ مۇسىندەرىنىڭ+ الدىندا قىزمەت ەتەتىن بولدى.
16 كۇللى يسرايل رۋلارىنىڭ اراسىندا يسرايلدىڭ قۇدايى ەحوبانى ىزدەۋگە بەكىنگەن ادامدار بار ەدى. ولار ٴدىني قىزمەتكەرلەر مەن لەۋىلىكتەرگە ەرىپ، اتا-بابالارىنىڭ قۇدايى ەحوباعا قۇرباندىق شالۋ ٷشىن يەرۋساليمگە كەلدى+.
17 ولار ياھۋدا پاتشالىعىن كۇشەيتۋ ٷشىن ٷش جىل بويى كۇش سالىپ، سۇلەيمەننىڭ ۇلى روبوعامعا قولداۋ كورسەتتى. وسى ۋاقىت ارالىعىندا ولار ٴداۋىت پەن سۇلەيمەننىڭ جولىنان تايمادى.
18 روبوعام ٴداۋىتتىڭ ۇلى ەريموتتان تۋعان ماحالاتتى ايەلدىككە الدى. ونىڭ اناسى ەسەيدىڭ ۇلى ەلياپتان+ تۋعان ٵبيحايل بولاتىن.
19 ماحالات وعان ەۋش، شەمارياح، زاحام دەگەن ٷش ۇل تۋىپ بەردى.
20 روبوعام ماحالاتتان كەيىن ابەسسالومنىڭ+ نەمەرەسى ماعاقتى ايەلدىككە الدى. ودان ٵبياح+، اتتاي، زيزا، شەلوميت تۋدى.
21 روبوعام ابەسسالومنىڭ نەمەرەسى ماعاقتى باسقا ايەلدەرى مەن كانيزاكتارىنا+ قاراعاندا كوبىرەك جاقسى كوردى. ونىڭ 18 ايەلى، 60 كانيزاگى بولدى. روبوعام ولاردان 28 ۇل، 60 قىز ٴسۇيدى.
22 پاتشا ماعاقتان تۋعان ٵبياحتى وزىنەن كەيىن پاتشا ەتكىسى كەلدى. سوندىقتان ۇلدارىنىڭ اراسىنان ونى باسشى ٵرى جەتەكشى ەتىپ تاعايىندادى.
23 روبوعام كورەگەندىكپەن ارەكەت ەتىپ، ۇلدارىنىڭ كەيبىرىن ياھۋدا مەن بەنياميننىڭ بارلىق ايماقتارىنداعى بەكىنىستى قالالارعا+ ورنالاستىردى. پاتشا ولاردى ازىق-تۇلىكپەن مولىنان قامتاماسىز ەتىپ، كوپ ايەل الىپ بەردى.
سىلتەمەلەر
^ نەمەسە «بەكىتتى».