شەجىرەلەر 2-جازبا 13:1—22
13 ەروبوعامنىڭ بيلىك قۇرۋىنىڭ ون سەگىزىنشى جىلى ٵبياح ياھۋدا ەلىنىڭ پاتشاسى بولدى+.
2 ول ٷش جىل يەرۋساليمدە بيلىك ەتتى. ونىڭ اناسى گيبەيالىق+ ۇريەلدىڭ قىزى ميحايا*+ ەدى. ٵبياح پەن ەروبوعام ٴبىر-بىرىمەن سوعىسىپ جاتتى+.
3 ٵبياح 400000 ەرجۇرەك ٵرى مايتالمان ساربازىن+ ەرتىپ، سوعىسقا اتتاندى. ال ەروبوعام وعان قارسى 800000 مايتالمان، ەرجۇرەك ساربازىن ساپقا تۇرعىزدى.
4 سوندا ٵبياح ەفرەمنىڭ تاۋلى وڭىرىندەگى سەمارايم تاۋىنىڭ باسىنا شىعىپ، بىلاي دەدى: «ەي، ەروبوعام! بۇكىل يسرايل حالقى، سوزىمە قۇلاق سالىڭدار!
5 يسرايلدىڭ قۇدايى ەحوبانىڭ داۋىتپەن ەشقاشان بۇزىلمايتىن كەلىسىم*+ جاساسقانىن بىلمەۋشى مە ەدىڭدەر؟! سول كەلىسىمگە ساي، يسرايلگە ماڭگى پاتشالىق+ ەتۋدى قۇداي ٴداۋىت پەن ونىڭ ۇلدارىنا+ تاپسىردى ەمەس پە؟!
6 ٴبىراق ٴداۋىتتىڭ ۇلى سۇلەيمەننىڭ قىزمەتشىسى نابات ۇلى ەروبوعام+ يەسىنە قارسى باس كوتەردى+.
7 سوندا ونىڭ قاسىنا ەرىگىپ جۇرگەن، وڭباعان ادامدار جينالدى. سۇلەيمەننىڭ ۇلى روبوعام ول كەزدە جاس ٵرى جاسقانشاق بولعاندىقتان، ولارعا قارسى تۇرا المادى.
8 سەندەر كوپ بولعاندارىڭا سەنىپ، ٵرى ەروبوعام قۇداي قىلىپ بەرگەن التىن بۇزاۋلارىڭا ارقا سۇيەپ+، ەحوبانىڭ ٴداۋىت ۇلدارىنا تابىستالعان پاتشالىعىنا ٶز بەتتەرىڭشە قارسى تۇرا الامىز دەپ وتىرسىڭدار ما؟!
9 حاروننىڭ ۇرپاعىنان تاراعان ەحوبانىڭ ٴدىني قىزمەتكەرلەرى مەن لەۋىلىكتەردى قۋىپ جىبەرىپ+، وزگە حالىقتار ىسپەتتى، ٴدىني قىزمەتكەرلەردى وزدەرىڭ تاعايىنداپ الدىڭدار ەمەس پە+؟ كىمدە-كىم ٴبىر تورپاق، جەتى قوشقار اكەلسە بولعانى، قۇدايسىماقتارىڭنىڭ ٴدىني قىزمەتكەرى بولىپ شىعا كەلەدى.
10 ال ٴبىزدىڭ قۇدايىمىز — ەحوبا+. ٴبىز ودان باس تارتقان جوقپىز. حاروننىڭ ۇرپاعىنان تاراعان ٴدىني قىزمەتكەرلەرىمىز ەحوباعا قىزمەت ەتىپ، لەۋىلىكتەر ولارعا كومەكتەسىپ ٴجۇر.
11 ولار كۇندەلىكتى تاڭەرتەڭ جانە كەشقۇرىم ەحوباعا ارناپ تۇگەل ورتەلەتىن قۇرباندىقتار شالادى+ ٵرى حوش ٴيىستى زات تۇتەتەدى+. ساف التىننان جاسالعان ۇستەلگە نان تارتۋىن قويادى+، كۇن سايىن كەشكە التىن شامدالداردىڭ+ شامدارىن جاعادى+. وسىلاي ٴبىز قۇدايىمىز ەحوبانىڭ الدىنداعى مىندەتىمىزدى ورىندايمىز، ال سەندەر ودان باس تارتتىڭدار.
12 مىنە، شىنايى قۇدايدىڭ ٶزى سەندەرگە قارسى سوعىستى باستاۋعا بەلگى بەرۋ ٷشىن، كەرنەي ۇستاعان ٴدىني قىزمەتكەرلەرىمەن ٴبىزدى باستاپ كەلەدى. ەي، يسرايل جۇرتى، اتا-بابالارىڭنىڭ قۇدايى ەحوباعا قارسى شايقاسپاڭدار، ويتكەنى ٴبارىبىر جەڭىسكە جەتپەيسىڭدەر+!»
13 وسى ەكى ارادا ەروبوعام ياھۋدا جاساعىنىڭ ارت جاعىنا دا ساربازدارىن قويدى. وسىلاي ياھۋدالىقتاردىڭ الدىندا ساپ تۇزەگەن اسكەر، ال ارتىندا تورۋىلدا تۇرعان ساربازدار بولدى.
14 ياھۋدالىقتار ارتتارىنداعى جاۋدى كورگەندە، ەكى جاقپەن دە سوعىسۋعا تۋرا كەلەتىنىن ٴتۇسىندى. سوندا ولار بار داۋىستارىمەن ەحوباعا جالبارىنا باستادى+. ال ٴدىني قىزمەتكەرلەر بارىنشا كەرنەيلەتىپ جاتتى.
15 ياھۋدالىقتار اتوي سالدى، سول كەزدە شىنايى قۇداي ەروبوعام مەن يسرايل حالقىنا ٵبياح پەن ياھۋدانىڭ الدىندا سوققى بەردى.
16 سوندا يسرايلدىكتەر ياھۋدالىقتاردان قاشا جونەلدى. قۇداي ولاردى ياھۋدانىڭ ۋىسىنا سالىپ بەردى.
17 ٵبياح پەن ادامدارى جاۋدى ويسىراتا جەڭىپ، يسرايلدىكتەردىڭ 500000 تاڭداۋلى ساربازىن قىرىپ تاستادى.
18 وسىلاي يسرايل ماسقارا بولىپ جەڭىلدى، ال ياھۋدا اتا-بابالارىنىڭ قۇدايى ەحوباعا ارقا سۇيەگەندىكتەن ولاردان ۇستەم بولدى+.
19 ٵبياح ەروبوعامدى قۋا وتىرىپ، بەتەل+، ەشانا، ەفراين+ قالالارى مەن ولاردىڭ قاراماعىنداعى قالاشىقتاردى باسىپ الدى.
20 سودان ٵبياحتىڭ تۇسىندا ەروبوعام كۇشىن قايتىپ قالپىنا كەلتىرە المادى. اقىرىندا ەحوبا ونى جازالاپ، ول قايتىس بولدى+.
21 ال ٵبياح كۇشەيە بەردى. ول 14 ايەل الىپ+، 22 ۇل، 16 قىز ٴسۇيدى.
22 ٵبياحتىڭ قالعان ىستەرى مەن ايتقان سوزدەرى يددو پايعامباردىڭ جازباسىندا باياندالعان+.