شەجىرەلەر 2-جازبا 19:1—11
19 ال ياھۋدا پاتشاسى جوسافات امان-ەسەن+ يەرۋساليمدەگى ۇيىنە ورالدى.
2 سوندا ايان كورۋشى ٴحانانيدىڭ+ ۇلى يقۋ+ جوسافاتتىڭ الدىنان شىعىپ، بىلاي دەدى: «زۇلىمدارعا كومەكتەسىپ+، ەحوبانى جەك كورەتىندەردى جاقسى كورگەنىڭ+ دۇرىس پا؟ سول ٷشىن ساعان ەحوبانىڭ قاھارى لاۋلادى.
3 ٴبىراق سەنىڭ بويىڭنان ٴبىراز جاقسىلىق تابىلدى+. سەبەبى سەن ەلدەگى قاسيەتتى باعانالاردى* قۇرتتىڭ، ٵرى شىنايى قۇدايدى ىزدەۋگە جۇرەگىڭدە بەرىك شەشىم قابىلدادىڭ+».
4 جوسافات يەرۋساليمدە ٶمىر سۇرە بەردى. ول بەر-شەبا مەن ەفرەمنىڭ تاۋلى ٶڭىرىنىڭ+ ارالىعىندا تۇرىپ جاتقان حالىقتى اتا-بابالارىنىڭ قۇدايى ەحوباعا قايتارۋ ٷشىن، ەلدى قايتادان ارالاۋعا شىقتى+.
5 پاتشا بۇكىل ياھۋدا ەلى بويىنشا ٵربىر بەكىنىستى قالادا بيلەر تاعايىنداپ+،
6 ولارعا بىلاي دەپ تاپسىردى: «ىستەرىڭدى مۇقيات اتقارىڭدار! ويتكەنى سەندەر ادامنىڭ ەمەس، ەحوبانىڭ اتىنان تورەلىك ەتەسىڭدەر. كەسىم ايتقاندارىڭدا، ول سەندەرمەن بىرگە بولادى+.
7 سوندىقتان ەحوبادان قورقىپ+، ىستەرىڭدى مۇقيات اتقارىڭدار. سەبەبى قۇدايىمىز ەحوبا ادىلەتسىزدىككە+، الالاۋشىلىق+ پەن پاراقورلىققا+ توزبەيدى!»
8 جوسافات يەرۋساليمدە دە لەۋىلىكتەر مەن ٴدىني قىزمەتكەرلەردىڭ، سونداي-اق يسرايل اۋلەتباسىلارىنىڭ كەيبىرىن بي ەتىپ تاعايىندادى. ولار يەرۋساليمدە ەحوبانىڭ اتىنان تورەلىك ەتىپ، سوت ىستەرىن جۇرگىزەتىن بولدى+.
9 پاتشا ولارعا تاعى مىنانى تاپسىردى: «سەندەر ەحوبادان قورقىپ، كەلەسى مىندەتتەردى ادالدىقپەن ٵرى بار جۇرەكتەرىڭمەن ورىنداۋلارىڭ كەرەك:
10 ٶز قالالارىندا تۇرىپ جاتقان باۋىرلارىڭ سەندەرگە قانداي دا ٴبىر داۋمەن كەلسە، مەيلى ول كىسى ولىمىنە قاتىستى+ نە كەز كەلگەن زاڭعا، وسيەتكە، جارلىق پەن شەشىمگە قاتىستى داۋ بولسىن، ولارعا: —ەحوبانىڭ الدىندا ايىپتى بولاتىنداي ٸس جاساماڭدار،— دەپ ەسكەرتىڭدەر. ايتپەسە وزدەرىڭە دە، الگى باۋىرلارىڭا دا ونىڭ قاھارى لاۋلايدى. ايىپتى بولماۋ ٷشىن وسىلاي ەتىڭدەر.
11 ەحوباعا قاتىستى كەز كەلگەن ماسەلەدە جوعارعى ٴدىني قىزمەتكەر+ امارياح، ال پاتشاعا قاتىستى ماسەلەلەردە ياھۋدا رۋىنان شىققان باسشى ىسماعۇل ۇلى زاباديا جاۋاپتى بولادى. ال لەۋىلىكتەر كومەكشىلەرىڭ بولماق. باتىل ارەكەت ەتىڭدەر! لايىم جاقسىلىق جاساۋشىلارعا ەحوبا جار بولسىن+!»
سىلتەمەلەر
^ تۇسىندىرمەدەگى «قاسيەتتى اعاش باعانانى» قاراڭىز.