شەجىرەلەر 2-جازبا 2:1—18
-
عيباداتحانا قۇرىلىسىنا دايىندىق (1—18)
2 سۇلەيمەن ەحوبانىڭ ەسىمىنە ارنالعان ٷي+ مەن وزىنە پاتشا سارايىن سالۋعا+ بۇيرىق بەردى.
2 ول 70000 قارا جۇمىسشى*، تاۋلاردا تاس كەسەتىن 80000 ادام+، سونداي-اق سولاردىڭ ۇستىنەن قارايتىن 3600 باسقارۋشى تاڭدادى+.
3 سوسىن ول تير پاتشاسى حيرامعا+ سالەم جولداپ بىلاي دەدى: «اكەم ٴداۋىت وزىنە ٷي سالعاندا، ٴسىز وعان قاراعاي بورەنەلەرىن جىبەرىپ تۇرىپ ەدىڭىز+، ماعان دا سولاي ەتسەڭىز ەكەن.
4 مىنە، مەن قۇدايىم ەحوبانىڭ ەسىمىن داڭققا بولەيتىن ٷي سالىپ، وعان باعىشتاماقپىن*. سول جەردە ونىڭ الدىندا حوش ٴيىستى زات تۇتەتىلەدى+، ۇنەمى نان تارتۋى ۇسىنىلادى+، سونىمەن قاتار تاڭەرتەڭ جانە كەشكە+، دەمالىس كۇندەرى+، جاڭا تۋعان اي+ جانە قۇدايىمىز ەحوباعا ارنالعان مەيرامدار ماۋسىمدارىندا+ تۇگەل ورتەلەتىن قۇرباندىقتار شالىناتىن بولادى. بۇل — يسرايلدىڭ وزگەرمەيتىن ەرەجەسى.
5 مەن سالتاناتتى ٷي سالعالى جاتىرمىن، ويتكەنى ٴبىزدىڭ قۇدايىمىز قۇداي اتاۋلىنىڭ بارىنەن دە ۇلى.
6 وعان ٷي سالۋ كىمنىڭ قولىنان كەلەدى؟! ونى ۇشان-تەڭىز كوكتىڭ ٶزى سيدىرا المايدى+! ەندەشە، وعان تۇراق سالاتىنداي مەن كىممىن سونشا؟ مەن بار بولعانى ونىڭ الدىندا قۇرباندىق ٴتۇتىنىن تۇتەتەتىن ٷي سالماقپىن.
7 سوندىقتان ماعان ٴبىر شەبەرىڭىزدى جىبەرسەڭىز ەكەن. ول التىن، كۇمىس، مىس+ جانە تەمىرمەن، سونداي-اق كۇلگىن ٴتۇستى ٴجۇن، قىرمىزى جانە كوك ٴتۇستى جىپپەن جۇمىس ىستەي الاتىن، ٵرى ويۋ ويا بىلەتىن بولسىن. جىبەرگەن ادامىڭىز كەزىندە اكەم ٴداۋىت تاڭداعان شەبەرلەرمەن بىرگە ياھۋدا مەن يەرۋساليمدە جۇمىس ىستەيدى+.
8 ماعان ليۆاننان قاراعاي، ارشا+ جانە ساندال*+ اعاشىنىڭ بورەنەلەرىن دە جىبەرسەڭىز ەكەن. ويتكەنى ٴسىزدىڭ قىزمەتشىلەرىڭىز ليۆاننان اعاش كەسۋگە شەبەر+. مەنىڭ قىزمەتشىلەرىم سولارمەن بىرگە جۇمىس ىستەپ+،
9 كوپتەپ بورەنە دايارلايدى. سەبەبى مەن سالعالى جاتقان ٷي وتە سالتاناتتى بولۋى ٴتيىس.
10 ال مەن اعاش كەسەتىن قىزمەتشىلەرىڭىزدى تاماقتاندىرۋ ٷشىن+ 20000 كور* بيداي، 20000 كور ارپا، 20000 بات* شاراپ جانە 20000 بات ماي جىبەرەمىن».
11 سوندا تير پاتشاسى حيرام سۇلەيمەنگە: «ەحوبا ٶز حالقىن جاقسى كورگەندىكتەن سەنى ولارعا پاتشا ەتتى»،— دەپ جاۋاپ جازدى.
12 ٵرى قاراي ول حاتىن بىلاي دەپ جالعادى: «كوك پەن جەردى جاراتقان يسرايل قۇدايى ەحوبا ماداقتالسىن! ويتكەنى ول ٴداۋىت پاتشاعا دانا+، اقىلى مەن تۇسىنىگى مول+ ۇل سيلاپتى. سول ۇلى ەندى ەحوباعا ارناپ ٷي جانە وزىنە پاتشا سارايىن سالعالى جاتىر.
13 مىنە، مەن ساعان تۇسىنىگى بار، ٶز ٸسىن جاقسى بىلەتىن حيرام-ٵبي+ دەگەن شەبەردى جىبەرىپ وتىرمىن.
14 ونىڭ اناسى دان ۇرپاعىنان، ال اكەسى — تيرلىك كىسى. التىن، كۇمىس، مىس، تەمىر، تاس، اعاش جانە كۇلگىن ٴتۇستى ٴجۇن، كوك ٴتۇستى ٴجىپ، جۇقا ماتا مەن قىرمىزى جىپپەن جاسالاتىن جۇمىستاردا ونىڭ تاجىريبەسى مول+. حيرام-ٵبي ٵرتۇرلى ويۋلار ويىپ، تاپسىرىلعان جۇمىستى قالاي اتقارۋدىڭ جولىن تابا الادى+. ول سەنىڭ شەبەرلەرىڭمەن جانە مەنىڭ تاقسىر يەم، سەنىڭ مارقۇم اكەڭ ٴداۋىتتىڭ شەبەرلەرىمەن بىرگە جۇمىس ىستەيتىن بولادى.
15 ال تاقسىر يەم ۋادە ەتكەن بيداي مەن ارپانى، ماي مەن شاراپتى قىزمەتشىلەرىنە جىبەرە بەرسىن+.
16 ٴبىز ليۆاننان قانشا قاجەت بولسا، سونشا اعاش شاۋىپ+، سال جاساپ، تەڭىز ارقىلى يوپپەگە+ جەتكىزىپ بەرەمىز. ٵرى قاراي ٶزىڭ يەرۋساليمگە الىپ كەتەسىڭ+».
17 بۇدان كەيىن سۇلەيمەن دە اكەسى ٴداۋىت ىستەگەندەي+، يسرايلدە تۇراتىن جاتجەرلىكتەردىڭ ساناعىن جۇرگىزدى+. ولاردىڭ سانى 153600 بولىپ شىقتى.
18 سۇلەيمەن ولاردىڭ 70000 ىن قارا جۇمىسقا*، 80000 ىن تاۋلاردا تاس كەسۋگە قويدى+، ال 3600 ٴى جۇمىسشىلاردىڭ ۇستىنەن قاداعالايتىن باقىلاۋشى بولدى+.
سىلتەمەلەر
^ نەمەسە «جۇك تاسۋشى».
^ نەمەسە «كيەلى ەتەمىن».
^ جوعارى ساپالى بۇيىمدار جاسالاتىن باعالى اعاش.
^ 1 كور 220 ليترگە تەڭ. B14 قوسىمشاسىن قاراڭىز.
^ 1 بات 22 ليترگە تەڭ. B14 قوسىمشاسىن قاراڭىز.
^ نەمەسە «جۇك تاسۋعا».