شەجىرەلەر 2-جازبا 21:1—20
21 اقىرىندا جوسافات اتا-بابالارىنا قوسىلدى دا، سۇيەگى سولاردىڭ قاسىنا، ٴداۋىتتىڭ قالاسىنا قويىلدى. ونىڭ ورنىنا ۇلى جورام تاققا وتىردى+.
2 جورامنىڭ ازارياح، ەحيەل، زاكاريا، ازارياح، ميكايل، شافاتياح دەگەن ىنىلەرى بولدى. بۇلاردىڭ ٴبارى يسرايل* پاتشاسى جوسافاتتىڭ ۇلدارى ەدى.
3 كەزىندە اكەلەرى ولارعا مول التىن-كۇمىس، باعالى زاتتار سيلاعان بولاتىن. ياھۋدا ەلىنەن بەكىنىستى قالالار+ دا بەرگەن ەدى. ال پاتشالىقتى تۇڭعىشى بولعاندىقتان جورامعا قالدىردى+.
4 اكەسىنىڭ پاتشالىق بيلىگى ۋىسىنا تۇسكەن سوڭ، جورام بارلىق ىنىلەرىن+، سونداي-اق يسرايلدىڭ كەيبىر بەكزادالارىن سەمسەرمەن شاۋىپ ٶلتىردى. وسىلاي ٶز بيلىگىن بەرىك ورنىقتىردى.
5 پاتشا تاعىنا وتىرعاندا ول 32 جاستا ەدى. جورام يەرۋساليمدە سەگىز جىل بيلىك ەتتى+.
6 ول يسرايل پاتشالارىنىڭ جولىمەن ٴجۇرىپ+، احابتىڭ ٷيى ىستەگەندى ىستەدى. ويتكەنى ونىڭ ايەلى احابتىڭ قىزى ەدى+. پاتشا ەحوبانىڭ الدىندا ۇنامسىز ىستەر ىستەي بەردى.
7 ٴبىراق ەحوبا داۋىتپەن كەلىسىم جاساسقاندىقتان+، ٴداۋىتتىڭ ٷيىن قۇرتىپ جىبەرگىسى كەلمەدى. ويتكەنى ول داۋىتكە ٶزىنىڭ جانە ۇلدارىنىڭ شىراعىن ەشقاشان وشىرمەۋدى ۋادە ەتكەن ەدى+.
8 جورامنىڭ تۇسىندا ەدوم ياھۋداعا قارسى باس كوتەرىپ+، وزدەرىنە پاتشا تاعايىنداپ الدى+.
9 سوندا جورام مەن قولباسىلارى بۇكىل سوعىس اربالارىمەن ەدومعا اتتاندى. ول تۇندە تۇرىپ، ٶزىن قورشاۋعا العان ەدومدىقتار مەن ولاردىڭ ارباكەشتەرىنىڭ باسشىلارىن قىرىپ تاستاپ، جەڭىسكە جەتتى.
10 ٴبىراق ەدومدىقتار ياھۋداعا قارسى كۇنى بۇگىنگە دەيىن باس كوتەرىپ كەلەدى. سول كەزدە ليبنا+ قالاسى دا باس كوتەرگەن بولاتىن. سەبەبى پاتشا اتا-بابالارىنىڭ قۇدايى ەحوبانى تاستاپ كەتكەن ەدى+.
11 مۇنىسىمەن قويماي، ول يەرۋساليم تۇرعىندارىن ازعىندىق جاساۋعا* ەلىكتىرۋ ٷشىن جانە ياھۋدا ەلىن جولدان اداستىرۋ ٷشىن ياھۋدا تاۋلارىندا عيبادات توبەلەرىن جاسادى+.
12 بۇدان كەيىن جورامعا ٸلياس+ پايعامباردان مىناداي حات كەلدى: «ارعى اتاڭ ٴداۋىتتىڭ قۇدايى ەحوبا بىلاي دەيدى: —سەن اكەڭ جوسافاتتىڭ+ دا، ياھۋدا پاتشاسى اسانىڭ+ دا جولىمەن جۇرگەن جوقسىڭ.
13 قايتا، يسرايل پاتشالارىنىڭ جولىنا ٴتۇسىپ+، يسرايلدى ازعىندىققا ەلىكتىرگەن احاب ٷيى ىسپەتتى+، سەن دە ياھۋدا مەن يەرۋساليم تۇرعىندارىن ازعىندىققا*+ ەلىكتىردىڭ. سەن ٴتىپتى ٴبىر اكەدەن تۋعان ٵرى وزىڭنەن الدەقايدا جاقسى بولعان باۋىرلارىڭدى ٶلتىرىپ تاستادىڭ+.
14 سوندىقتان ەحوبا سەنىڭ حالقىڭا، ۇلدارىڭ مەن ايەلدەرىڭە جانە بار مال-مۇلكىڭە زور اپات جىبەرەدى.
15 ال ٶزىڭ كوپتەگەن دەرتكە، سونىڭ ىشىندە ىشەك اۋرۋىنا شالدىعاسىڭ. اۋرۋىڭ كۇننەن-كۇنگە اسقىنا ٴتۇسىپ، اقىرىندا ىشەكتەرىڭ سىرتقا شىعىپ كەتەدى».
16 بۇدان كەيىن ەحوبا جورامعا قارسى فىلىستىرلەردى+ جانە ەفيوپيالىقتارمەن كورشىلەس تۇراتىن ارابتاردى+ وشىكتىرىپ قويدى+.
17 ولار ياھۋدا ەلىنە باسىپ كىرىپ، پاتشا سارايىنداعى كۇللى دۇنيە-مۇلىكتى دە+، ۇلدارى مەن ايەلدەرىن دە الىپ كەتتى. جورامعا تەك كەنجەسى ەحوحازدى* قالدىردى+.
18 وسىدان كەيىن ەحوبا جورامدى جازىلمايتىن ىشەك اۋرۋىنا شالدىقتىردى+.
19 ٴبىراز ۋاقىتتان كەيىن، تولىق ەكى جىل وتكەندە، وسى اۋرۋدان ونىڭ ىشەكتەرى دەنەسىنەن شىعىپ كەتىپ، ول قاتتى قينالىپ ٶلدى. جورامنىڭ جەرلەۋ راسىمىندە، جۇرت اتا-بابالارىنا سياقتى، ونىڭ قۇرمەتىنە وت جاقپادى+.
20 جورام 32 جاسىندا پاتشا بولىپ، يەرۋساليمدە 8 جىل بيلىك ەتتى. ول ولگەندە، ەشكىم قايعىرمادى. ونىڭ دەنەسى ٴداۋىتتىڭ قالاسىندا جەرلەندى+، ٴبىراق پاتشالارعا ارنالعان قابىرگە قويىلمادى+.
سىلتەمەلەر
^ شەجىرەلەر تۋرالى 2-جازبانىڭ بىرنەشە جەرىندە «ياھۋدا» دەگەن اياسى تارلاۋ ٴسوزدىڭ ورنىنا «يسرايل» دەگەن جالپىلاۋ ٴسوز قولدانىلعان.
^ نەمەسە «جالعان تاڭىرلەرگە تابىنۋعا».
^ نەمەسە «جالعان تاڭىرلەرگە تابىنۋعا».
^ احازيا دەپ تە اتالادى.