شەجىرەلەر 2-جازبا 22:1—12
22 يەرۋساليم تۇرعىندارى جورامنىڭ ورنىنا كەنجە ۇلى احازيانى پاتشا ەتىپ قويدى. ويتكەنى ارابتارمەن بىرىگىپ كەلىپ، ياھۋدا قوسىنا شابۋىل جاساعان توناۋشىلار جورامنىڭ ۇلكەن ۇلدارىنىڭ ٴبارىن ٶلتىرىپ تاستاعان ەدى+. سودان جورام ۇلى احازيا ياھۋدا ەلىندە بيلىك ەتە باستادى+.
2 ول 22 جاسىندا پاتشا بولىپ، يەرۋساليمدە ٴبىر جىل بيلىك ەتتى. ونىڭ اناسى ٶمريدىڭ+ نەمەرەسى اتاليا+ ەدى.
3 احازيا دا احاب ٷيىنىڭ جولىمەن ٴجۇردى+، ويتكەنى ول اناسىنىڭ كەڭەسىمەن زۇلىم ىستەر جاسايتىن.
4 اكەسى ولگەننەن كەيىن، احاب ٷيى ونىڭ كەڭەسشىسىنە اينالدى. سوندىقتان ول دا سولار سياقتى، ەحوباعا ۇنامسىز ىستەر جاساي بەردى. اقىرىندا بۇل ونىڭ تۇبىنە جەتتى.
5 احازيا سولاردىڭ كەڭەسىمەن يسرايل پاتشاسى احابتىڭ ۇلى جورامعا ەرىپ، سيريا پاتشاسى حازاەلمەن+ سوعىسۋعا راموت-عالاقاتقا+ باردى. سول شايقاستا جورامدى ساداقشىلار جاراقاتتادى.
6 جورام راماقتا سيريا پاتشاسى حازاەلمەن سوعىسقاندا العان جاراقاتىن ەمدەۋ ٷشىن ەزرەحەلگە+ كەلدى+. سوندا ياھۋدا پاتشاسى جورام+ ۇلى احازيا* ناۋقاستانىپ جاتقان احاب ۇلى جورامنىڭ+ حالىن سۇراۋ ٷشىن ەزرەحەلگە ىلديلاپ باردى+.
7 ٴبىراق بۇل قۇدايدىڭ ەركىمەن بولدى. ويتكەنى ول احازيانى سول جەردە ولىمگە ۇشىراتۋدى ۇيعارىپ قويعان ەدى. ەزرەحەلگە كەلگەننەن كەيىن، احازيا جورامعا ەرىپ، ٴنيمشيدىڭ نەمەرەسى يقۋدى+ قارسى الماق بولىپ الدىنان شىقتى. ال ەحوبا يقۋدى احاب ٷيىنىڭ كوزىن قۇرتۋعا تاعايىنداعان ەدى+.
8 يقۋ احاب ۇيىنە شىعارىلعان ۇكىمدى جۇزەگە اسىرىپ جاتقاندا، ياھۋدا بەكزادالارىن جانە احازيانىڭ باۋىرلارىنىڭ پاتشاعا قىزمەت ەتىپ جۇرگەن ۇلدارىن كەزدەستىرىپ، ولاردىڭ ٴبارىنىڭ كوزىن قۇرتتى+.
9 سوسىن ول احازيانىڭ وزىنە دە ىزدەۋ سالدى. ادامدارى ونى ساماريادا جاسىرىنىپ جاتقان جەرىنەن تاۋىپ الىپ، يقۋدىڭ الدىنا اكەلىپ، سول جەردە ٶلتىردى+. ٴبىراق ولار: «ول — ەحوبانى بار جۇرەگىمەن ىزدەگەن جوسافاتتىڭ+ نەمەرەسى عوي»،— دەسىپ، ونىڭ ٴمايىتىن قابىرگە قويدى. وسىلاي احازيانىڭ ۇيىندە پاتشالىق ەتۋگە قابىلەتتى ەشكىم قالمادى.
10 احازيانىڭ شەشەسى اتاليا+ ۇلىنىڭ قازا بولعانىن ەستىگەندە، ياھۋدا ەلىندەگى پاتشا تۇقىمىن تۇگەل قىرىپ تاستادى+.
11 ٴبىراق جورامنىڭ قىزى ەحوشابات ولىمگە بۇيىرىلعان پاتشا ۇلدارىنىڭ اراسىنان احازيانىڭ ۇلى جوعاس+ پەن ونىڭ باعۋشى ايەلىن ۇرلاپ اكەتىپ، تۇكپىردەگى جاتىن بولمەگە جاسىرىپ قويدى. (ەحوشابات جورام+ پاتشانىڭ قىزى، احازيانىڭ اپكەسى ەدى، ال ونىڭ كۇيەۋى ٴدىني قىزمەتكەر ەحوداي+ بولاتىن.) وسىلاي ەحوشابات جوعاستى اتاليادان جاسىرىپ، امان الىپ قالدى+.
12 ولار بالانى شىنايى قۇدايدىڭ ۇيىندە التى جىل بويى جاسىرىپ ۇستادى، بۇل ۋاقىتتا ەلدى اتاليا بيلەدى.
سىلتەمەلەر
^ ەۆرەي تىلىندەگى كەيبىر قولجازبالاردا «ازاريا».
