شەجىرەلەر 2-جازبا 27:1—9
-
جوتام — ياھۋدا پاتشاسى (1—9)
27 پاتشا تاعىنا وتىرعاندا، جوتام+ 25 جاستا ەدى. ول يەرۋساليمدە 16 جىل بيلىك ەتتى. ونىڭ اناسى سادىقتىڭ قىزى ەرۋشا بولاتىن+.
2 جوتام+ اكەسى ۇزياح سياقتى، ەحوبانىڭ الدىندا ۇنامدى ىستەر ىستەدى.
ٴبىراق اكەسىنە ۇقساپ ەركىنسىپ ەحوبانىڭ عيباداتحاناسىنا كىرگەن جوق+. حالىق بولسا سوراقى قىلىقتار جاساي بەردى.
3 جوتام ەحوبانىڭ ٷيىنىڭ جوعارعى قاقپاسىن سالدى+، وپەل دۋالىندا دا ٴبىراز قۇرىلىس جۇمىستارىن جۇرگىزدى+.
4 سونداي-اق ياھۋدانىڭ تاۋلى وڭىرىندە+ قالالار سالدى+، ورماندى جەرلەردە بەكىنىستەر+ مەن مۇنارالار+ دا تۇرعىزدى.
5 جوتام امموندىقتاردىڭ+ پاتشاسىمەن سوعىسىپ، اقىرىندا ودان ۇستەم بولىپ شىقتى. سول جىلى امموندىقتار وعان 100 تالانت* كۇمىس، 10000 كور* بيداي، 10000 كور ارپا بەردى. ەكىنشى جانە ٷشىنشى جىلى دا ولار سولاي ەتتى+.
6 وسىلاي قۇدايى ەحوبانىڭ اق جولىمەن جۇرگەندىكتەن جوتام كۇشەيە بەردى.
7 ونىڭ باسقا دا ىستەرى، سوعىستارى مەن جۇرگەن جولدارى يسرايل جانە ياھۋدا پاتشالارىنىڭ تاريحى باياندالعان كىتاپتا جازىلعان+.
8 جوتام 25 جاسىندا تاققا وتىرىپ، يەرۋساليمدە 16 جىل بيلىك ەتتى+.
9 اقىرىندا ول اتا-بابالارىنا قوسىلدى دا، سۇيەگى ٴداۋىتتىڭ قالاسىنا قويىلدى+. ونىڭ ورنىنا ۇلى احاز پاتشا تاعىنا وتىردى+.
سىلتەمەلەر
^ 1 تالانت 2.34 كيلوگرامعا تەڭ. B14 قوسىمشاسىن قاراڭىز.
^ 1 كور 220 ليترگە تەڭ. B14 قوسىمشاسىن قاراڭىز.
