شەجىرەلەر 2-جازبا 3:1—17
3 سودان سوڭ سۇلەيمەن يەرۋساليمدەگى موريا+ تاۋىندا ەحوباعا ارناپ ٷي سالا باستادى+. كەزىندە ەبۋستىك ورناننىڭ قىرمانى بولعان+ سول جەردە ەحوبا اكەسى داۋىتكە كورىنگەن ەدى+. سوندا ول سول جەردى عيباداتحانا سالۋعا دايىنداعان بولاتىن.
2 سۇلەيمەن قۇرىلىستى پاتشالىق قۇرۋىنىڭ ٴتورتىنشى جىلى ەكىنشى ايدىڭ ەكىنشى كۇنى باستادى.
3 شىنايى قۇدايدىڭ ٷيىن تۇرعىزۋ ٷشىن سالىنعان ىرگەتاستىڭ ولشەمدەرى كەلەسىدەي: شىنتاقتىڭ كونە ولشەمىنە* ساي، ۇزىندىعى 60 شىنتاق، ەنى 20 شىنتاق+.
4 ٷيدىڭ الدىنداعى كىرەبەرىستىڭ ۇزىندىعى ٷيدىڭ ەنىنە تەڭ، ياعني 20 شىنتاق، ال بيىكتىگى 120*. سۇلەيمەن ونىڭ ٸشىن ساف التىنمەن قاپتادى+.
5 ال ۇلكەن بولمەسىن الدىمەن ارشا تاقتايلارمەن، سوسىن التىنمەن قاپتادى+. ونىڭ بەتىنە پالما اعاشتارىنىڭ بەينەلەرى+ مەن شىنجىر ورنەكتەرىن ٴتۇسىردى+.
6 بۇدان كەيىن ٷيدى اسەم اسىل تاستارمەن اشەكەيلەدى+. قولدانىلعان التىن+ پارۆايمنەن اكەلىنگەن ەدى.
7 سۇلەيمەن ٷيدىڭ ٸشىن: ارقالىقتارىن، تابالدىرىقتارىن، قابىرعالارى مەن ەسىكتەرىن التىنمەن قاپتادى+. قابىرعالارىنا كەرۋب بەينەلەرىن ويىپ سالدى+.
8 سوسىن ول ەڭ قاسيەتتى بولمەنى+ سالدى. ونىڭ ۇزىندىعى ٷيدىڭ ەنىنە تەڭ، ياعني 20 شىنتاق، ەنى دە 20 شىنتاق بولدى. پاتشا بۇل بولمەنى دە ساف التىنمەن قاپتادى، وعان 600 تالانت* التىن كەتتى+.
9 شەگە جاساۋعا قولدانىلعان التىننىڭ سالماعى 50 شەكەل*. پاتشا جوعارعى بولمەلەردى دە التىنمەن قاپتادى.
10 سۇلەيمەن ٷيدىڭ ەڭ قاسيەتتى بولمەسىنە ەكى كەرۋب ٴمۇسىنىن جاساپ، ولاردى التىنمەن قاپتادى+.
11 كەرۋبتەردىڭ قاناتتارىنىڭ+ جالپى ۇزىندىعى 20 شىنتاق بولدى. ٴبىرىنشى كەرۋبتىڭ ٴبىر قاناتىنىڭ ۇزىندىعى 5 شىنتاق ەدى، ٵرى ول ٷيدىڭ قابىرعاسىنا ٴتيىپ تۇردى. ۇزىندىعى 5 شىنتاق ەكىنشى قاناتى بولسا ەكىنشى كەرۋبتىڭ قاناتىنا ٴتيىپ تۇردى.
12 ەكىنشى كەرۋبتىڭ دە ٴبىر قاناتىنىڭ ۇزىندىعى 5 شىنتاق ەدى، ٵرى ول ٷيدىڭ قاراما-قارسى قابىرعاسىنا ٴتيىپ تۇردى. ۇزىندىعى 5 شىنتاق ەكىنشى قاناتى بولسا ٴبىرىنشى كەرۋبتىڭ قاناتىنا ٴتيىپ تۇردى.
13 وسىلاي كەرۋبتەردىڭ جايىلعان قاناتتارىنىڭ جالپى ۇزىندىعى 20 شىنتاق بولدى. كەرۋب مۇسىندەرى تىك تۇرعان كۇيى جاسالىپ، جۇزدەرى ۇلكەن بولمەگە* قاراپ ورنالاستىرىلدى.
14 سۇلەيمەن كوك جىپتەن، كۇلگىن جۇننەن، قىرمىزى جىپتەن جانە جۇقا ماتادان شىمىلدىق+ جاساپ، بەتىنە كەرۋب بەينەلەرىن كەستەلەپ ٴتۇسىردى+.
15 سونىمەن قاتار ول ٷيدىڭ الدىنا ۇزىندىعى 35 شىنتاق ەكى باعانا+ جاسادى. ولاردىڭ باسىنا قويىلعان تاجدەردىڭ بيىكتىگى 5 شىنتاقتان بولدى+.
16 پاتشا القا ىسپەتتەس شىنجىرلار جاساپ، باعانالاردىڭ جوعارعى جاقتارىن بەزەندىردى. سونداي-اق انار جەمىسىنىڭ 100 مۇسىندەمەسىن جاساپ، سولارمەن شىنجىرلاردى كومكەردى.
17 باعانالاردى ول قاسيەتتى بولمەنىڭ* الدىنا، بىرەۋىن وڭ*، ەكىنشىسىن سول جاققا* قويدى. سۇلەيمەن وڭ جاقتاعىسىن ياحين*، ال سول جاقتاعىسىن باعوز* دەپ اتادى.
سىلتەمەلەر
^ قالىپتى شىنتاقتىڭ ۇزىندىعى — 5.44 سانتيمەتر. ٴبىراق كەيبىرەۋلەر «شىنتاقتىڭ كونە ولشەمى» دەگەن تىركەس ۇزىن شىنتاققا نۇسقايدى، ٵرى ونىڭ ۇزىندىعى 8.51 سانتيمەتر دەپ ەسەپتەيدى. B14 قوسىمشاسىن قاراڭىز.
^ ولشەم بىرلىگى بەلگىسىز.
^ 1 تالانت 2.34 كيلوگرامعا تەڭ. B14 قوسىمشاسىن قاراڭىز.
^ 1 شەكەل 4.11 گرامعا تەڭ. B14 قوسىمشاسىن قاراڭىز.
^ ياعني قاسيەتتى بولمەگە.
^ سوزبە-ٴسوز «عيباداتحانانىڭ».
^ نەمەسە «وڭتۇستىككە».
^ نەمەسە «سولتۇستىككە».
^ ماعىناسى «ول (ياعني ەحوبا) مىزعىماستاي نىعايتا كورسىن».
^ «كۇشىمەن» دەگەندى بىلدىرسە كەرەك.
