شەجىرەلەر 2-جازبا 31:1—21
31 وسىدان كەيىن سول جەردەگى يسرايلدىكتەردىڭ ٴبارى ياھۋدا قالالارىن ارالاپ شىقتى. ولار ياھۋدا ەلى مەن بەنيامين، ەفرەم جانە ماناسا رۋلارىنىڭ+ جەرىندەگى قاسيەتتى تاس باعانالار+ مەن قاسيەتتى اعاش باعانالاردى*+، عيبادات توبەلەرى+ مەن قۇرباندىق ورىندارىن+ قيراتىپ، مۇلدەم قۇرتىپ جىبەرمەيىنشە توقتامادى. بۇدان كەيىن يسرايلدىكتەردىڭ ٴبارى ٶز قالالارىنا، ٴارقايسىسى ٶز يەلىگىنە قايتتى.
2 سوسىن ەزەكيا ٴدىني قىزمەتكەرلەر مەن لەۋىلىكتەردىڭ توپتارىن+، ٵربىر ٴدىني قىزمەتكەر مەن لەۋىلىكتى ٶز قىزمەتىنە تاعايىندادى+. ولاردىڭ مىندەتىنە تۇگەل ورتەلەتىن جانە تاتۋلىق قۇرباندىقتارىن شالۋ، قۇداي الدىندا قىزمەت ەتۋ، سونداي-اق ەحوبانىڭ ٷيىنىڭ اۋلالارىنداعى قاقپالاردا العىس پەن ماداق ايتۋ جاتاتىن+.
3 ەحوبانىڭ زاڭىندا جازىلعان تالاپتارعا ساي، پاتشا دا تاڭەرتەڭ جانە كەشكە+، سونداي-اق دەمالىس كۇنى+، جاڭا تۋعان اي+ مەن باسقا دا مەيرامداردا+ ۇسىنىلاتىن تۇگەل ورتەلەتىن قۇرباندىقتارعا ارناپ ٶز مۇلكىنەن ۇلەس بەردى+.
4 بۇعان قوسا، پاتشا يەرۋساليم تۇرعىندارىنا ٴدىني قىزمەتكەرلەر مەن لەۋىلىكتەرگە ٴتيىستى ۇلەستەرىن ۇزبەي بەرىپ تۇرۋدى بۇيىردى+. سوندا ولار بار كوڭىلدەرىن ەحوبانىڭ زاڭىن ورىنداۋعا اۋدارماق ەدى.
5 وسى جارلىق شىعا سالىسىمەن، يسرايلدىكتەر استىق، جاڭا شاراپ، ماي+، بال جانە تاناپتا وسىرىلگەن ونىمدەردىڭ+ العاشقى تۇسىمىنەن جومارتتىقپەن اكەلە باستادى. ولار قولدارىندا باردىڭ بارىنەن وننان ٴبىر بولىگىن اكەلىپ، مول ەتىپ ۇسىندى+.
6 ياھۋدا قالالارىندا تۇرىپ جاتقان يسرايلدىكتەر مەن ياھۋدالىقتار دا ٸرى قارا مالى مەن قويلارىنىڭ، سونداي-اق قۇدايلارى ەحوباعا باعىشتاپ كيەلى ەتكەن زاتتارىنىڭ وننان ٴبىر بولىگىن اكەلىپ+، ٷيىپ-توگىپ تاستادى.
7 جۇرت ٷشىنشى ايدان+ باستاپ جەتىنشى ايعا+ دەيىن سي-تارتۋ اكەلۋمەن بولدى.
8 ەزەكيا مەن بەكزادالار كەلىپ، وسىنشاما كوپ تارتۋ جينالعانىن كورگەندە، ەحوبانى ماداقتاپ، ونىڭ حالقى يسرايلگە باتالارىن بەردى.
9 ەزەكيا ٴدىني قىزمەتكەرلەر مەن لەۋىلىكتەردەن وسىنشاما مول سي-تارتۋدىڭ قالاي جينالعانىن سۇراعاندا،
10 سادىق اۋلەتىنەن شىققان جوعارعى ٴدىني قىزمەتكەر ازارياح بىلاي دەدى: «ەحوبانىڭ ۇيىنە سي-تارتۋ+ اكەلە باستاعاننان بەرى جۇرت اس-سۋدان تارشىلىق كورگەن جوق. ال ازىق-تۇلىك ٵلى دە كوپ، سەبەبى ەحوبا حالقىنا باتاسىن بەرىپ وتىر. مىنە، قالعان سي-تارتۋ ٵلى دە اعىل-تەگىل مول+».
11 سوندا ەزەكيا ولارعا ەحوبانىڭ ۇيىندە قويما بولمەلەرىن+ دايىنداۋدى تاپسىردى. بولمەلەر دايىن بولعاندا،
12 ولار ادال ارەكەت ەتىپ، سي-تارتۋلار مەن ونىمدەردىڭ* وننان ٴبىر بولىگىن+ جانە كيەلى زاتتاردى سول بولمەلەرگە اپارىپ قويدى. لەۋىلىك قونانيا باس مەڭگەرۋشى، ال باۋىرى شيمەي ونىڭ ورىنباسارى بولدى.
13 قونانيا مەن باۋىرى شيمەيگە، ەزەكيا پاتشانىڭ تاپسىرۋى بويىنشا، ەحيەل، ازازياح، ناحات، اساحەل، ەريموت، جوزاباد، ەليەل، يسماقياح، ماحات جانە بەناياح كومەكشى بولىپ تاعايىندالدى. ال ازارياح شىنايى قۇداي ٷيىن باسقاردى.
14 شىعىس قاقپانىڭ كۇزەتشىسى لەۋىلىك+ يمناح ۇلى قورە شىنايى قۇدايعا ارنالعان ەرىكتى قۇرباندىقتارعا+ جاۋاپتى بولدى. ول ەحوباعا ۇسىنىلعان تارتۋلار مەن ەرەكشە كيەلى قۇرباندىقتاردى+ ۇلەستىرەتىن+.
15 ونىڭ قول استىندا ەدەم، مينيامين، ەشۋا، شەماياح، امارياح، شەحانيا بولدى. ولارعا ٴدىني قىزمەتكەرلەرگە ارنالعان قالالارداعى+ باۋىرلارىنا، ۇلكەن-كىشىسىنە بىردەي، توپتارىنا+ قاراي ٴتيىستى ۇلەستەرىن تاراتۋ تاپسىرىلدى.
16 ٴبىراق توپتارىنىڭ كەزەگى بويىنشا مىندەتتەرىن اتقارۋ ٷشىن، كۇندەلىكتى ەحوبانىڭ ۇيىنە كەلەتىن ٴدىني قىزمەتكەرلەر مەن ولاردىڭ ٷش جاستان باستاپ شەجىرە جازباسىنا تىركەلگەن ۇل بالالارى بۇل ساناتقا جاتپايتىن.
17 ٴدىني قىزمەتكەرلەر مەن 20 جانە ودان جوعارى جاستاعى+ لەۋىلىكتەر اتقاراتىن مىندەتتەرىنە+ قاراي، اۋلەتتەرى+ بويىنشا شەجىرە جازباسىنا تىركەلەتىن.
18 بۇل شەجىرە جازباسىنا قاسيەتتى قىزمەت اتقاراتىندىقتان، وزدەرىن تازا* ساقتايتىن لەۋىلىكتەر مەن كۇللى لەۋىلىكتەر جۇراعاتى، ياعني ولاردىڭ كىشكەنتاي بالالارى، ايەلدەرى مەن ۇل-قىزدارى تىركەلەتىن.
19 حاروننىڭ ۇرپاقتارى، ياعني قالالارىنىڭ اينالاسىنداعى جايىلىمداردا تۇراتىن ٴدىني قىزمەتكەرلەر+ دە شەجىرە جازباسىنا تىركەلەتىن. جوعارىدا اتى اتالعان كىسىلەر سول قالالارداعى شەجىرە جازباسىنا ەنگەن ٵربىر ەركەك كىندىكتى ٴدىني قىزمەتكەر مەن لەۋىلىككە ٴتيىستى ۇلەستەرىن بەرەتىن.
20 ەزەكيا بۇكىل ياھۋدا ەلى بويىنشا وسىنداي ٴتارتىپ ورناتتى. ول قۇدايى ەحوبانىڭ الدىندا يگى ٵرى دۇرىس ىستەر جاساپ، وعان ادال بولدى.
21 ەزەكيا قۇدايىنا عيبادات ەتكەندە اتقارعان كەز كەلگەن ٸسىن، مەيلى ول شىنايى قۇداي ۇيىندەگى قىزمەتكە+، زاڭعا نە وسيەتكە قاتىستى بولسىن، بار جۇرەگىمەن اتقارىپ، تابىسقا جەتەتىن.
سىلتەمەلەر
^ تۇسىندىرمەنى قاراڭىز.
^ مۇندا «ٶنىم» ٴسوزى تەك وسىمدىككە ەمەس، مالعا دا قاتىستى قولدانىلدى.
^ سوزبە-ٴسوز «قاسيەتتى». تۇسىندىرمەدەگى «قاسيەتتى» ٴسوزىن قاراڭىز.
