شەجىرەلەر 2-جازبا 32:1—33
32 ەزەكيانىڭ ادالدىقپەن جاساعان وسى ىستەرىنەن+ كەيىن، اسسيريا پاتشاسى سەنناحيريم ياھۋدا ەلىنە اتتانىپ، بەكىنىستى قالالارىن قورشاۋعا الدى. ول سول قالالاردىڭ دۋالدارىن بۇزىپ كىرىپ، باسىپ الماق بولدى+.
2 سەنناحيريمنىڭ ەلگە باسىپ كىرىپ، يەرۋساليمگە قارسى سوعىسپاق بولعانىن كورگەن ەزەكيا
3 بەكزادالارىمەن جانە ساربازدارىمەن اقىلداسىپ، قالا سىرتىنداعى سۋ كوزدەرىن+ بىتەپ تاستاۋدى شەشتى. ولار بۇل ىستە پاتشانى قولدادى.
4 سودان كوپ ادام جينالىپ، اينالاداعى بۇلاقتار مەن سۋ كوزدەرىنىڭ ٴبارىن بىتەپ تاستادى. سەبەبى ولار: «اسسيريا پاتشالارى كەلگەن كەزدە، سۋ تاپپاي قالسىن!»— دەسكەن ەدى.
5 بۇعان قوسا، پاتشا باتىل ىسكە كىرىسىپ، قالا قابىرعاسىنىڭ قۇلاعان جەرىن قايتا تۇرعىزدى. ۇستىنە مۇنارالار سالدى، سوسىن سىرتىنان تاعى ٴبىر قابىرعا تۇرعىزدى. ول ٴداۋىتتىڭ قالاسىنداعى ميللودا*+ دا جوندەۋ جۇمىستارىن جۇرگىزدى، سونداي-اق كوپ ەتىپ قارۋ-جاراق پەن قالقان جاساتتى.
6 پاتشا حالىقتىڭ ۇستىنەن اسكەري باسشىلار تاعايىندادى دا، بارلىعىن قالا قاقپاسىنىڭ الدىنداعى الاڭعا جيناپ، بىلاي دەپ جىگەرلەندىردى:
7 «بەرىك تە باتىل بولىڭدار! اسسيريا پاتشاسى مەن وعان ەرىپ كەلە جاتقان قالىڭ نوپىردەن قورىقپاڭدار+، ۇرەيلەرىڭ دە ۇشپاسىن! ٴبىزدىڭ جاعىمىزداعىلار ولاردىڭ جاعىنداعىلاردان الدەقايدا كوپ+.
8 ولار بىلەك كۇشىنە سەنەدى، ال ٴبىز قۇدايىمىز ەحوباعا سەنەمىز! ول بىزگە كومەكتەسىپ، ٴبىز ٷشىن شايقاسادى+!» ياھۋدا پاتشاسى ەزەكيانىڭ بۇل سوزدەرى جۇرتتىڭ رۋحىن كوتەردى+.
9 بۇدان كەيىن بار ساربازدارىمەن لاحيشتە+ ايالداعان اسسيريا پاتشاسى سەنناحيريم يەرۋساليمدەگى ياھۋدا پاتشاسى ەزەكيا مەن كۇللى ياھۋدالىقتارعا مىناداي حابارمەن قىزمەتشىلەرىن جىبەردى+:
10 «اسسيريا پاتشاسى سەنناحيريم بىلاي دەيدى: —سەندەر نە نارسەگە سەنىپ، قورشاۋعا الىنعان يەرۋساليمدە وتىرسىڭدار+؟
11 ەزەكيا «قۇدايىمىز ەحوبا ٴبىزدى اسسيريا پاتشاسىنىڭ قولىنان قۇتقارادى+» دەپ، سەندەردى الداپ، اشتىق پەن شولدەن ولتىرگەلى وتىر ەمەس پە؟!
12 قۇدايلارىڭنىڭ عيبادات توبەلەرى+ مەن قۇرباندىق ورىندارىن تالقانداپ تاستاپ+، «تەك ٴبىر قۇرباندىق وشاعىنىڭ الدىندا باس ۇرىڭدار، تەك سونىڭ ۇستىندە قۇرباندىق ٴتۇتىنىن تۇتەتىڭدەر+» دەگەن وسى ەزەكيا ەمەس پە؟
13 مەنىڭ جانە اتا-بابالارىمنىڭ جەردىڭ كۇللى تۇرعىندارىنا نە ىستەگەنىن+ بىلمەۋشى مە ەدىڭدەر؟! سول حالىقتاردىڭ قۇدايلارى ەلدەرىن مەنىڭ قولىمنان قۇتقارا الدى ما+؟
14 اتا-بابالارىم قۇرتىپ جىبەرگەن سول حالىقتاردىڭ قايسىسىنىڭ قۇدايى ٶز جۇرتىن مەنىڭ قولىمنان قۇتقارا الدى؟ ەندەشە، سەندەردىڭ قۇدايلارىڭ دا وزدەرىڭدى مەنىڭ قولىمنان قۇتقارا المايدى+!
15 سوندىقتان ەزەكيانىڭ الداۋىنا دا، ارباۋىنا دا بەرىلىپ قالماڭدار+! وعان سەنبەڭدەر، ويتكەنى ەشبىر حالىقتىڭ قۇدايى ٶز جۇرتىن مەنىڭ جانە اتا-بابامنىڭ قولىنان قۇتقارعان ەمەس! ەندەشە سەندەردىڭ قۇدايلارىڭا نە جورىق! ول سەندەردى مەنىڭ قولىمنان ەش قۇتقارا المايدى+!»
16 سەنناحيريمنىڭ قىزمەتشىلەرى شىنايى قۇداي ەحوبامەن ونىڭ قىزمەتشىسى ەزەكياعا قارسى تاعى ٴبىرتالاي سوزدەر ايتتى.
17 مۇنىسىمەن قويماي، سەنناحيريم يسرايل قۇدايى ەحوبانى قورلايتىن+ حاتتار+ جىبەرىپ: «ٶز جۇرتىن مەنىڭ قولىمنان قۇتقارا الماعان حالىقتاردىڭ قۇدايلارى+ سياقتى، ەزەكيانىڭ دا قۇدايى ٶز حالقىن مەنىڭ قولىمنان قۇتقارا المايدى»،— دەگەن سوزدەر جازدى.
18 ونىڭ قىزمەتشىلەرى قابىرعانىڭ ۇستىندە تۇرعان يەرۋساليم تۇرعىندارىنا ياھۋدي تىلىندە ايعايلاپ قوقان-لوقى كورسەتۋىن قويمادى. وسىلاي ولاردى قورقىتىپ-ۇركىتىپ، قالانى باسىپ الماق بولدى+.
19 ولار باسقا حالىقتاردىڭ قولدان جاساپ العان قۇدايلارىن قورلاعاندارىنداي، يەرۋساليمنىڭ قۇدايىنا دا ٴتىل تيگىزدى.
20 ٴبىراق ەزەكيا پاتشا مەن اموس ۇلى يشايا+ پايعامبار بۇل جايلى دۇعا ەتىپ، كوكتەگى قۇدايدان كومەك سۇراپ جالبارىنۋمەن بولدى+.
21 سوندا ەحوبا ٴبىر پەرىشتەسىن جىبەرىپ، اسسيريا پاتشاسىنىڭ قوسىنداعى مىقتى ساربازداردى+، باسشىلار مەن قولباسشىلاردى قىرىپ تاستادى. ال پاتشا ماسقارا بولىپ ەلىنە قايتتى. كەيىنىرەك ٶز قۇدايىنىڭ عيباداتحاناسىنا كىرگەندە، تۋعان ۇلدارى كەلىپ ونى سەمسەرمەن شاۋىپ ٶلتىردى+.
22 وسىلاي ەحوبا ەزەكيا مەن يەرۋساليم تۇرعىندارىن اسسيريا پاتشاسى سەنناحيريمنىڭ جانە باسقالاردىڭ دا قولىنان قۇتقارىپ، اينالاسىنداعى جاۋلارىنان تىنىشتىق سيلادى.
23 وسىدان كەيىن بارلىق حالىقتاردىڭ الدىندا ەزەكيانىڭ مەرەيى ٶستى. ولار يەرۋساليمگە كەلىپ، ەحوباعا سي-تارتۋلار، ياھۋدا پاتشاسى ەزەكياعا دا باعالى سيلىقتار اكەلىپ جاتتى+.
24 سول كۇندەرى ەزەكيا ناۋقاستانىپ، ٶلىم اۋزىندا جاتتى. سوندا ول ەحوباعا دۇعا ەتتى+، ال ول پاتشاعا جاۋاپ بەرىپ، بەلگى بەردى+.
25 ٴبىراق ەزەكيا تاكاپپارلانىپ كەتىپ، وزىنە جاسالعان جاقسىلىقتى ريزاشىلىقپەن قابىلدامادى. وسىلاي ٶزىن دە، ياھۋدا ەلى مەن يەرۋساليمدى دە قۇدايدىڭ قاھارىنا ۇشىراتتى.
26 ايتسە دە ونىڭ ٶزى دە، يەرۋساليم حالقى دا تاكاپپارلانۋدى قويىپ، كىشىپەيىلدىلىك تانىتتى+. سوندىقتان ەحوبا ەزەكيانىڭ تۇسىندا ولارعا قاھارىن توككەن جوق+.
27 ەزەكيا مول بايلىق پەن اتاق-داڭققا يە بولدى+. ول وزىنە كۇمىس، التىن، اسىل تاستار، بالزام مايىن، قالقاندار جانە باسقا دا قىمبات زاتتار ساقتايتىن قويمالار سالعىزدى+.
28 سونداي-اق استىق، جاڭا شاراپ پەن ماي ساقتايتىن قويمالار جانە ٸرىلى-ۇساقتى مال ۇستايتىن قورالار سالعىزدى.
29 قۇداي وعان مول دۇنيە-مۇلىك بەرگەندىكتەن، پاتشانىڭ قالالارى، ٸرى قاراسى مەن ٴتورت تۇلىك مالى كوپ بولدى.
30 ەزەكيا گيحوننىڭ+ جوعارعى بۇلاعىن بىتەپ+، سۋىن باتىسقا، ٴداۋىتتىڭ قالاسىنا+ باعىتتادى. پاتشانىڭ قولعا العان ٸسىنىڭ ٴبارى العا باستى.
31 ٴبىراق بابىل بەكزادالارى ەلدە بولعان بەلگى+ تۋرالى ٴبىلىپ كەلۋگە وكىلدەرىن جىبەرگەندە+، شىنايى قۇداي ەزەكيانىڭ جۇرەك تۇكپىرىندە نە بارىن+ تەكسەرۋ ٷشىن+، ونى جالعىز قالدىردى.
32 ەزەكيانىڭ باسقا دا ىستەرى مەن تانىتقان اينىماس سۇيىسپەنشىلىگى+ تۋرالى ياھۋدا جانە يسرايل پاتشالارىنىڭ تاريحى جازىلعان كىتاپقا+ ەنگەن اموس ۇلى يشايا پايعامباردىڭ اياندارىندا باياندالعان+.
33 اقىرىندا ەزەكيا اتا-بابالارىنا قوسىلدى دا، سۇيەگى ٴداۋىت ۇلدارىنىڭ قابىرلەرى تۇرعان قىرعا قويىلدى+. ەزەكيا پاتشا كوز جۇمعاندا، بۇكىل ياھۋدا مەن يەرۋساليم تۇرعىندارى وعان سي-قۇرمەت كورسەتتى. ال ورنىنا ۇلى ماناسا پاتشا بولدى.
سىلتەمەلەر
^ ەۆرەي ٴسوزىنىڭ ماعىناسى «ٷيىندى».