شەجىرەلەر 2-جازبا 34:1—33
34 جوسيا+ سەگىز جاسىندا پاتشا بولىپ، يەرۋساليمدە 31 جىل بيلىك ەتتى+.
2 ول ەحوبانىڭ الدىندا ۇنامدى ىستەر جاساپ، ارعى اتاسى ٴداۋىتتىڭ جولىمەن ٴجۇردى، ودان وڭعا دا، سولعا دا اۋىتقىمادى.
3 بيلىك قۇرۋىنىڭ سەگىزىنشى جىلى، ٵلى دە جاسوسپىرىم شاعىندا، پاتشا ارعى اتاسى ٴداۋىتتىڭ قۇدايىن ىزدەي باستادى+. ال بيلىك قۇرۋىنىڭ ون ەكىنشى جىلى ول ياھۋدا ەلى مەن يەرۋساليمدى عيبادات توبەلەرىنەن+، قاسيەتتى باعانالار* مەن ويىپ جانە قۇيىپ جاسالعان مۇسىندەردەن+ تازارتا باستادى+.
4 ول ٶزى قاداعالاپ تۇرىپ، باعالداردىڭ قۇرباندىق ورىندارى مەن ولاردىڭ ۇستىندەگى حوش ٴيىستى زات تۇتەتەتىن تۇعىرلاردى دا تالقانداتتى. سونداي-اق قاسيەتتى باعانالار* مەن ويىپ جانە قۇيىپ جاسالعان مۇسىندەردى قيراتىپ، ۇنتاقتاپ، سولارعا ارناپ قۇرباندىق شالاتىنداردىڭ قابىرلەرىنىڭ ۇستىنە شاشىپ تاستادى+.
5 پاتشا سول قۇرباندىق ورىندارىنىڭ ۇستىندە ابىزداردىڭ سۇيەگىن ورتەدى+. وسىلاي ياھۋدا مەن يەرۋساليمدى تازارتتى.
6 جوسيا پاتشا ماناسا، ەفرەم+، شيمون جانە نافتاليم رۋلارىنىڭ قالالارى مەن سولاردىڭ اينالاسىنداعى قاڭىراپ جاتقان ايماقتارداعى
7 قۇرباندىق ورىندارىن، قاسيەتتى باعانالار مەن ويىپ جانە قۇيىپ جاسالعان مۇسىندەردى+ كۇل-تالقان ەتىپ، ۇنتاقتاپ تاستادى. ول كۇللى يسرايلدەگى حوش ٴيىستى زاتتار تۇتەتەتىن تۇعىرلاردى دا قيراتىپ+، سودان كەيىن يەرۋساليمگە ورالدى.
8 پاتشالىق قۇرۋىنىڭ ون سەگىزىنشى جىلى، عيباداتحانانى تازارتقاننان كەيىن، جوسيا پاتشا اسالياح ۇلى شافاندى+، قالا باسقارۋشىسى ماعاسەياحتى جانە شەجىرەشى جوعاحاز ۇلى جوۋاحتى قۇدايى ەحوبانىڭ ٷيىن جوندەۋگە جىبەردى+.
9 ولار باس ٴدىني قىزمەتكەر حەلكياعا كەلىپ، قۇداي ۇيىنە اكەلىنگەن اقشانى بەردى. بۇل اقشانى قاقپا قىزمەتشىسى رەتىندە قىزمەت ەتەتىن لەۋىلىكتەر ماناسا مەن ەفرەم رۋلارىنان جانە كۇللى يسرايل ەلىنەن+، سونداي-اق ياھۋدا مەن بەنيامين رۋلارىنان جانە كۇللى يەرۋساليم تۇرعىندارىنان جيناعان بولاتىن.
10 سوسىن بۇل اقشا ەحوبانىڭ ۇيىندە جوندەۋ جۇمىستارىن اتقارۋعا تاعايىندالعان جۇمىسشىلارعا بەرىلدى. ال ولار ونى ەحوبانىڭ ۇيىندەگى جوندەۋ جۇمىستارىنا جۇمسادى.
11 سونداي-اق اقشانىڭ ٴبىر بولىگى قاشالعان تاس، بىرىكتىرەتىن بورەنەلەر الۋ ٷشىن جانە ياھۋدا پاتشالارىنىڭ كەسىرىنەن قۇلاپ قالعان بەلاعاشتاردى جوندەۋ ٷشىن ۇستالار مەن قۇرىلىسشىلارعا بەرىلدى+.
12 بۇل كىسىلەر جۇمىستارىن ادال اتقاردى+. ولاردىڭ جۇمىستارىن قاداعالاۋعا مەراري ۇرپاعىنان+ ياحات پەن اباديا، قاحات ۇرپاعىنان+ زاكاريا مەن مەشۋلام دەگەن لەۋىلىكتەر قويىلدى. ساز اسپاپتاردا شەبەر وينايتىن لەۋىلىكتەردىڭ ٴبارى+
13 قارا جۇمىسشىلاردىڭ* ۇستىنەن قويىلدى، سونىمەن قاتار ولار ٴتۇرلى جۇمىستار اتقاراتىنداردىڭ باقىلاۋشىسى بولدى. ال كەيبىر لەۋىلىكتەر حاتشى، باسقارۋشى جانە قاقپا كۇزەتشىسى رەتىندە قىزمەت ەتتى+.
14 ولار ەحوبانىڭ ۇيىنە اكەلىنگەن اقشانى+ شىعارىپ جاتقاندا، ٴدىني قىزمەتكەر حەلكيا مۇسا ارقىلى بەرىلگەن+ ەحوبانىڭ زاڭ كىتابىن+ تاۋىپ الدى.
15 سوندا حەلكيا حاتشى شافانعا: «مەن ەحوبانىڭ ۇيىنەن زاڭ كىتابىن تاۋىپ الدىم»،— دەپ، ونى شافانعا ۇسىندى.
16 شافان بولسا كىتاپتى پاتشاعا اكەلىپ، بىلاي دەدى: «قىزمەتشىلەرىڭىز تاپسىرعاندارىڭىزدىڭ ٴبارىن ورىنداپ جاتىر.
17 ولار ەحوبانىڭ ۇيىندەگى جاشىكتەردەن اقشانى الىپ، تاعايىندالعان باسقارۋشىلار مەن جۇمىستى اتقارىپ جاتقانداردىڭ قولىنا تاپسىردى».
18 سوسىن ول: «ٴدىني قىزمەتكەر حەلكيا ماعان مىنا كىتاپتى بەردى+»،— دەپ قوستى دا، پاتشانىڭ الدىندا كىتاپتى وقي باستادى+.
19 پاتشا زاڭدا نە جازىلعانىن ەستىگەن بويدا، كيىمىنىڭ ٶڭىرىن ايىرىپ جىبەردى+.
20 بۇدان كەيىن ول حەلكياعا، شافان ۇلى احيقامعا+، ميحا ۇلى ابدونعا، حاتشى شافانعا جانە قىزمەتشىسى اساياعا بىلاي دەپ تاپسىردى:
21 «بارىپ، ەحوبادان مەنىڭ اتىمنان جانە يسرايلدىڭ تامتىعى مەن بۇكىل ياھۋدانىڭ اتىنان تابىلعان كىتاپتاعى سوزدەر تۋرالى سۇراپ كەلىڭدەر. ويتكەنى اتا-بابامىز وسى كىتاپتا جازىلعان نۇسقاۋلاردى ورىنداماي، ونداعى ەحوبانىڭ سوزدەرىنە مويىنسۇنبادى. سوندىقتان بىزگە توگىلگەلى تۇرعان ەحوبانىڭ قاھارى زور»+.
22 سودان حەلكيا مەن پاتشادان نۇسقاۋ العان الگى كىسىلەر ولداما پايعامبارعا+ باردى. ول كيىم قويماسىنىڭ باسقارۋشىسى حاسرانىڭ نەمەرەسى، تيقۋا ۇلى شالۋمنىڭ ايەلى ەدى. ولداما يەرۋساليم قالاسىنىڭ ەكىنشى اۋدانىندا تۇراتىن. پاتشا جىبەرگەن كىسىلەر سول جەرگە كەلىپ، وعان بۇيىمتايلارىن ايتتى+.
23 پايعامبار ايەلدىڭ جاۋابى مىناۋ بولدى: «يسرايلدىڭ قۇدايى ەحوبا بىلاي دەيدى: —سەندەردى ماعان جىبەرگەن كىسىگە ايتىڭدار.
24 ەحوبا بىلاي دەيدى: «مەن وسى جەردى جانە ونىڭ تۇرعىندارىن اپاتقا ۇشىراتامىن+. ياھۋدا پاتشاسىنىڭ الدىندا وقىلعان سول كىتاپتا جازىلعان قارعىستاردىڭ+ ٴبارىن باستارىنا تۇسىرەمىن.
25 ويتكەنى ولار مەنەن بەزىپ+، ٶز قولدارىمەن جاساعان بوتەن قۇدايلارعا قۇرباندىق ٴتۇتىنىن تۇتەتىپ، مەنى قورلاۋدا+. سوندىقتان مەن وسى جەرگە قاھارىمدى لاۋلاتامىن، ٵرى ول ەش سونبەيدى+».
26 سوسىن ولداما پايعامبار بىلاي دەپ ٴسوزىن جالعادى: «ال سەندەردى ەحوبانىڭ ەركىن سۇراۋعا جىبەرگەن ياھۋدا پاتشاسىنا مىنانى ايتىڭدار: «يسرايل قۇدايى ەحوبا ٶزىڭ ەستىگەن سوزدەر+ جايلى بىلاي دەيدى:
27 —سەن مەنىڭ وسى جەر مەن ونىڭ تۇرعىندارىنا قاتىستى ايتقان سوزدەرىمدى ەستىگەندە، جۇرەگىڭدى قاسارىستىرماي، قايتا، قۇداي الدىندا كىشىرەيىپ، كيىمىڭنىڭ ٶڭىرىن ايىرىپ، مەنىڭ الدىمدا كوز جاسىڭدى توكتىڭ. سول ٷشىن مەن ساعان قۇلاق استىم+. مۇنى ايتىپ وتىرعان — ەحوبا.
28 سوندىقتان دا سەنى اتا-بابالارىڭا قوسامىن دا، تىنىشتىقتا قابىرگە قويىلاسىڭ. وسىلاي مەن وسى جەر مەن ونىڭ تۇرعىندارىنا جىبەرەتىن اپاتتى كورمەيسىڭ+».
سودان جىبەرگەن كىسىلەرى پاتشاعا وسىنداي جاۋاپ الىپ كەلدى.
29 سوندا پاتشا حابارشىلار جىبەرىپ، ياھۋدا مەن يەرۋساليمدەگى كۇللى اقساقالداردىڭ باسىن قوستى+.
30 سوسىن ول كۇللى ياھۋدا حالقى مەن يەرۋساليم تۇرعىندارىن، ٴدىني قىزمەتكەرلەر مەن لەۋىلىكتەردى — ۇلكەندى-كىشىلى بۇكىل حالىقتى ەرتىپ، ەحوبانىڭ ۇيىنە قاراي ورلەدى. سول جەردە پاتشا جۇرت الدىندا ەحوبانىڭ ۇيىنەن تابىلعان كەلىسىم كىتابىنىڭ بارلىق سوزدەرىن باستان-اياق وقىپ شىقتى+.
31 پاتشا ٶز ورنىندا تۇرىپ، ٶزىنىڭ جانە حالىقتىڭ اتىنان ەحوبامەن كەلىسىم جاساستى*+. ول ەحوبانىڭ جولىمەن ٴجۇرىپ، ونىڭ وسيەتتەرىن، ەسكەرتۋلەرى مەن جارلىقتارىن بار جۇرەكتەرىمەن جانە جان-تاندەرىمەن+ ۇستانىپ، سول كىتاپتا+ جازىلعان كەلىسىمدى ورىنداۋدى ۋادە ەتتى.
32 بۇعان قوسا، ول يەرۋساليم مەن بەنيامين جەرىنىڭ تۇرعىندارىنىڭ بارىنە وسى كەلىسىمگە مويىنسۇنۋدى بۇيىردى. سوندا يەرۋساليمنىڭ تۇرعىندارى اتا-بابالارىنىڭ قۇدايىمەن جاسالعان كەلىسىمگە ساي ارەكەت ەتەتىن بولدى+.
33 بۇدان كەيىن جوسيا يسرايل جەرىندەگى بارلىق جەركەنىشتى پۇتتاردىڭ كوزىن قۇرتىپ+، يسرايلدىكتەردىڭ بارىنە قۇدايلارى ەحوباعا قىزمەت ەتۋدى بۇيىردى. جوسيانىڭ كوزى تىرىسىندە ولار اتا-بابالارىنىڭ قۇدايى ەحوبانىڭ جولىنان اۋىتقىمادى.
سىلتەمەلەر
^ تۇسىندىرمەدەگى «قاسيەتتى اعاش باعانانى» قاراڭىز.
^ تۇسىندىرمەدەگى «قاسيەتتى اعاش باعانانى» قاراڭىز.
^ نەمەسە «جۇك تاسۋشىلاردىڭ».
^ نەمەسە «كەلىسىمدى قايتا جاڭعىرتتى».
