شەجىرەلەر 2-جازبا 35:1—27
35 جوسيا يەرۋساليمدە ەحوباعا ارنالعان قۇتقارىلۋ مەيرامىن+ وتكىزدى. ٴبىرىنشى ايدىڭ ون ٴتورتىنشى كۇنى+ ولار مەيرامعا ارنالعان قۇرباندىقتى شالدى+.
2 پاتشا ٴدىني قىزمەتكەرلەردى مىندەتتەرىنە تاعايىنداپ، ەحوبانىڭ ۇيىندە قىزمەتتەرىن اتقارۋعا تالپىندىردى+.
3 سوسىن ەحوبانىڭ كوز الدىندا بۇكىل يسرايلدىڭ قاسيەتتى تالىمگەرلەرى لەۋىلىكتەرگە+ بىلاي دەدى: «كيەلى ساندىقتى يسرايل پاتشاسى ٴداۋىت ۇلى سۇلەيمەن سوققان ۇيگە قويىڭدار+. بۇدان بىلاي سەندەرگە ونى يىقتارىڭا سالىپ كوتەرىپ ٴجۇرۋدىڭ قاجەتى جوق+. سوندىقتان ەندى قۇدايلارىڭ ەحوبا مەن ونىڭ حالقى يسرايلگە قىزمەت ەتىڭدەر.
4 يسرايل پاتشاسى ٴداۋىتتىڭ+ جانە ونىڭ ۇلى سۇلەيمەننىڭ نۇسقاۋىنا ساي+، اۋلەتتەرىڭە قاراي بولىنگەن توپتارىڭ بويىنشا مىندەتتەرىڭدى اتقارۋعا دايىن بولىڭدار.
5 قاسيەتتى ورىندا اۋلەتتەرىڭ بويىنشا تۇرىڭدار دا، حالىقتىڭ وزدەرىڭە بەكىتىلگەن اۋلەتتەرىنە قىزمەت كورسەتىڭدەر.
6 قۇتقارىلۋ مەيرامىنا ارنالعان قۇرباندىقتى شالىڭدار+، تازارۋ راسىمىنەن ٶتىپ*، باۋىرلارىڭا قىزمەت كورسەتۋگە دە دايىن بولىڭدار. سوندا ولار ەحوبانىڭ مۇسا ارقىلى ايتقان ٴسوزىن ورىنداي الادى».
7 جوسيا حالىققا ارناپ قۇتقارىلۋ مەيرامىندا قۇرباندىققا شالۋعا 30000 ۇساق مال، ياعني ەركەك توقتىلار مەن تەكەلەر، سونداي-اق 3000 ٸرى قارا مال ساداقا ەتتى. پاتشا بۇل مالدى ٶز مال-مۇلكىنەن بەردى+.
8 جوسيانىڭ بەكزادالارى دا ەرىكتى سي-تارتۋ رەتىندە حالىققا، ٴدىني قىزمەتكەرلەر مەن لەۋىلىكتەرگە ارناپ مال ساداقا ەتتى. شىنايى قۇداي ٷيىنىڭ باسشىلارى حەلكيا+، زاكاريا جانە ەحيەل مەيرامدا قۇرباندىققا شالۋ ٷشىن 2600 ۇساق جانە 300 ٸرى قارا مال بەردى.
9 لەۋىلىكتەردىڭ باسشىلارى قونانيا مەن ونىڭ باۋىرلارى شەماياح پەن نەتانەل جانە حاشابياح، جەيەل، جوزاباد لەۋىلىكتەرگە ارناپ مەيرامدا قۇرباندىققا شالۋ ٷشىن 5000 ۇساق، 500 ٸرى قارا مال ساداقا ەتتى.
10 وسىلاي ٴبارى دە مەيرامدا اتقارىلاتىن قىزمەتكە دايىن بولدى: پاتشانىڭ بۇيرىعى بويىنشا، ٴدىني قىزمەتكەرلەر ٶز ورىندارىندا تۇردى، لەۋىلىكتەر دە توپتارى+ بويىنشا ورنالاستى.
11 بۇدان كەيىن قۇتقارىلۋ مەيرامىنىڭ قۇرباندىقتارى شالىنا باستادى+. ٴدىني قىزمەتكەرلەر لەۋىلىكتەر اكەلگەن قاندى قۇرباندىق وشاعىنا بۇركىپ+، ال ولار مالداردىڭ تەرىسىن سىدىرىپ تۇردى+.
12 بۇعان قوسا، ولار اۋلەتتەرىنە قاراي توپتاستىرىلعان حالىق ٷشىن تۇگەل ورتەلەتىن قۇرباندىقتار دايارلادى. وسىلاي بۇكىل حالىق ەحوباعا تۇگەل ورتەلەتىن قۇرباندىقتار ۇسىنىپ، مۇسانىڭ كىتابىندا جازىلعانداردى ورىنداماق ەدى. ٸرى قارا مال دا دايارلاندى.
13 بۇدان كەيىن ولار ٴداستۇر بويىنشا+، قۇتقارىلۋ مەيرامىنىڭ قۇرباندىعىن وتقا ٴپىسىردى*. كيەلى قۇرباندىقتاردى ۇلكەندى-كىشىلى قازاندار مەن تەگەشتەردە ٴپىسىرىپ، تەزدەتىپ جۇرتقا ۇلەستىرىپ وتىردى.
14 سوسىن ولار وزدەرىنە ارناپ مەيرام اسىن دايارلادى. سەبەبى حارون ۇرپاقتارىنان تاراعان ٴدىني قىزمەتكەرلەر تۇنگە دەيىن تۇگەل ورتەلەتىن قۇرباندىقتار مەن ونىڭ مايىن ورتەۋمەن بولدى. سوندىقتان لەۋىلىكتەر وزدەرى ٷشىن جانە حاروننىڭ ۇرپاقتارىنان تاراعان ٴدىني قىزمەتكەرلەر ٷشىن مەيرام اسىن دايارلادى.
15 اساپتان+ تاراعان ٵنشى-كۇيشىلەر كەزىندە ٴداۋىتتىڭ+، سونداي-اق اساپ+، حەمان جانە پاتشانىڭ ايان الۋشىسى ەدۋتۋننىڭ+ بەرگەن نۇسقاۋىنا ساي، ٶز ورىندارىندا تۇردى. قاقپا كۇزەتشىلەرى دە ٵر قاقپانىڭ الدىندا تۇردى+. ولار مىندەتتەرىن اتقارۋدى جالعاستىرا بەردى، ويتكەنى ولار ٷشىن لەۋىلىك باۋىرلارى مەيرام اسىن دايارلاپ قويعان ەدى.
16 سول كۇنى جوسيا پاتشانىڭ نۇسقاۋى بويىنشا+، قۇتقارىلۋ مەيرامىن+ وتكىزۋ ٷشىن بارلىعى دايىن بولدى. وسىلاي ەحوباعا ارناپ اتقارىلاتىن قىزمەتكە قاتىستىنىڭ ٴبارى جانە ەحوبانىڭ قۇرباندىق وشاعىندا شالىناتىن تۇگەل ورتەلەتىن قۇرباندىقتار دا دايار بولدى.
17 سونىمەن، سول جەردە بولعان يسرايلدىكتەر قۇتقارىلۋ مەيرامىن وتكىزدى، ودان كەيىن بۇل جەتى كۇندىك اشىماعان نان مەيرامىنا ۇلاستى+.
18 سامۋيل پايعامباردىڭ زامانىنان بەرى قۇتقارىلۋ مەيرامى تاپ وسىلاي وتكىزىلمەگەن ەدى. يسرايل پاتشالارىنىڭ ەشقايسىسىنىڭ تۇسىندا جوسيا، ٴدىني قىزمەتكەرلەر مەن لەۋىلىكتەر، كۇللى ياھۋدا مەن يسرايل جانە يەرۋساليم تۇرعىندارى وتكىزگەن وسى قۇتقارىلۋ مەيرامىنداي مەيرام بۇرىن-سوڭدى بولعان ەمەس ەدى+.
19 بۇل قۇتقارىلۋ مەيرامى جوسيا پاتشانىڭ بيلىك قۇرۋىنىڭ ون سەگىزىنشى جىلى يەرۋساليمدە وتكىزىلدى.
20 جوسيا عيباداتحانانى قالپىنا كەلتىرگەننەن كەيىن، مىسىر پاتشاسى نەحو+ كارحەميستە سوعىسۋ ٷشىن ەۆفراتتىڭ بويىنا كەلدى. سوندا جوسيا وعان قارسى اتتاندى+.
21 نەحو بولسا وعان: «ەي، ياھۋدا پاتشاسى، مەندە نە جۇمىسىڭ بار! بۇل جولى مەن ساعان قارسى ەمەس، باسقا حالىققا قارسى اتتاندىم. قۇداي ٶزى ماعان تەزدەتۋدى بۇيىردى. ماعان جار بولىپ وتىرعان قۇدايعا قارسى شىقپاي، ٶز يگىلىگىڭ ٷشىن كەرى شەگىن. ايتپەسە ول سەنىڭ كوزىڭدى قۇرتادى»،— دەگەن حابار جىبەردى.
22 ٴبىراق جوسيا شەگىنبەي، وعان قارسى سوعىسپاق بولىپ كيىمىن اۋىستىردى+. وسىلاي ول نەحو ارقىلى جەتكىزگەن قۇدايدىڭ سوزىنە قۇلاق اسپادى. جوسيا سوعىسۋ ٷشىن مەگيددو+ جازىعىنا كەلدى.
23 سول جەردە پاتشاعا ساداقشىلاردىڭ وعى ٴتيدى دە، ول قىزمەتشىلەرىنە: «مەن قاتتى جارالاندىم، مەنى مىنا جەردەن الىپ شىعىڭدار!»— دەدى.
24 ولار جوسيانى ارباسىنان ٴتۇسىرىپ، باسقا سوعىس ارباسىنا وتىرعىزىپ، يەرۋساليمگە اكەلدى. سول جەردە ول كوز جۇمىپ، سۇيەگى اتا-بابالارىنىڭ قابىرىنە قويىلدى+. بۇكىل ياھۋدا مەن يەرۋساليم تۇرعىندارى ونى جوقتاپ، ازا تۇتتى.
25 ەرەميا+ پايعامبار جوسياعا جوقتاۋ ايتتى. ەركەك-ايەل انشىلەردىڭ+ ٴبارى دە كۇنى بۇگىنگە دەيىن ازالى اندەرىنە جوسيانى قوسادى. سول اندەردى ورىنداۋ يسرايل ەلىندە داستۇرگە اينالدى، ٵرى ولار جوقتاۋ جىرلارىنىڭ جيناعىنا ەنگەن.
26 جوسيانىڭ باسقا دا ىستەرى جانە ەحوبانىڭ زاڭىندا جازىلعاندارعا ساي تانىتقان اينىماس سۇيىسپەنشىلىگى،
27 ىستەگەن ىستەرىنىڭ ٴبارى يسرايل جانە ياھۋدا پاتشالارىنىڭ تاريحى باياندالعان كىتاپتا باستان-اياق جازىلعان+.
سىلتەمەلەر
^ سوزبە-ٴسوز «وزدەرىڭدى قاسيەتتى ەتىپ». تۇسىندىرمەدەگى «قاسيەتتى» ٴسوزىن قاراڭىز.
^ مۇمكىن: «قاقتادى».