شەجىرەلەر 2-جازبا 36:1—23
36 بۇدان كەيىن جۇرت پاتشانىڭ ۇلى ەحوحازدى+ اكەسىنىڭ ورنىنا يەرۋساليمدە پاتشا ەتىپ تاعايىندادى+.
2 ەحوحاز 23 جاسىندا تاققا وتىرىپ، يەرۋساليمدە ٷش اي بيلىك ەتتى.
3 ٴبىراق مىسىر پاتشاسى نەحو ونى بيلىكتەن ايىردى، ال ياھۋدا ەلىنەن 100 تالانت* كۇمىس پەن ٴبىر تالانت التىن تالاپ ەتتى+.
4 مۇنىمەن قويماي، ول ەحوحازدىڭ باۋىرى ەلياكىمدى ياھۋدا مەن يەرۋساليمنىڭ پاتشاسى ەتىپ، اتىن ەحوياكىم دەپ وزگەرتتى. ال ەحوحازدىڭ ٶزىن نەحو+ مىسىرعا الىپ كەتتى+.
5 ەحوياكىم+ 25 جاسىندا پاتشا بولىپ، يەرۋساليمدە 11 جىل بيلىك ەتتى. ەحوياكىم اتا-بابالارى ىسپەتتى، قۇدايى ەحوبانىڭ كوز الدىندا ۇنامسىز ىستەر ىستەدى+.
6 بابىل پاتشاسى ناۆۋحودونوسور+ وعان قارسى اتتانىپ، مىس كىسەنمەن بۇعاۋلاپ، بابىلعا الىپ كەتتى+.
7 ناۆۋحودونوسور ەحوبانىڭ ۇيىندەگى كەيبىر بۇيىمداردى دا بابىلعا الىپ كەتىپ، ٶز سارايىنا اپارىپ قويدى+.
8 ەحوياكىمنىڭ باسقا دا ىستەرى مەن جەركەنىشتى قىلىقتارى جانە بارلىق جەكسۇرىندىقتارى يسرايل مەن ياھۋدا پاتشالارىنىڭ تاريحى باياندالعان كىتاپتا جازىلعان. ونىڭ ورنىنا ۇلى ەحونيا پاتشا بولدى+.
9 ەحونيا+ 18 جاسىندا پاتشا بولىپ، يەرۋساليمدە ٷش اي ون كۇن بيلىك ەتتى. ول ەحوبانىڭ الدىندا ۇنامسىز ىستەر ىستەدى+.
10 جىلدىڭ باسىندا* ناۆۋحودونوسور پاتشا ادامدارىن جىبەرىپ، ەحونيانى جانە ەحوبانىڭ ۇيىندەگى قۇندى زاتتاردى+ بابىلعا الىپ كەلۋدى تاپسىردى+. ال ياھۋدا مەن يەرۋساليمگە ەحونيانىڭ اكەسىنىڭ باۋىرى سەدەكيانى پاتشا ەتىپ قويدى+.
11 سەدەكيا+ 21 جاسىندا پاتشا بولىپ، يەرۋساليمدە 11 جىل بيلىك ەتتى+.
12 ول قۇدايى ەحوبانىڭ كوز الدىندا ۇنامسىز ىستەر ىستەدى. سەدەكيا ەحوبانىڭ تاپسىرۋىمەن سويلەگەن ەرەميا پايعامباردىڭ الدىندا كىشىپەيىلدىلىك تانىتپادى+.
13 بۇعان قوسا، ول ناۆۋحودونوسور پاتشاعا+ قۇداي اتىمەن انت بەرگەنىنە قاراماي، وعان قارسى باس كوتەردى. قىڭىرلىققا باسىپ، جۇرەگىن قاسارىستىرعان سەدەكيا يسرايلدىڭ قۇدايى ەحوباعا بەت بۇرعىسى كەلمەدى.
14 ٴدىني قىزمەتكەرلەردىڭ بارلىق باسشىلارى مەن حالىق تا وزگە حالىقتارعا ەلىكتەپ، جەركەنىشتى قىلىقتار جاساۋىمەن بارىپ تۇرعان وپاسىزدىق جاسادى. وسىلاي ولار يەرۋساليمدەگى ەحوبانىڭ ٷيىن، ٶزى كيەلى ەتكەن ٷيىن ارامدادى+.
15 اتا-بابالارىنىڭ قۇدايى ەحوبا ولاردى ەسكەرتۋ ٷشىن، قايتا-قايتا حابارشىلارىن جىبەردى. ويتكەنى ونىڭ ٶز حالقىنا جانە ٶز تۇراعىنا جانى اشىدى.
16 ٴبىراق ولار شىنايى قۇدايدىڭ حابارشىلارىن+ كۇلكى قىلىپ، ونىڭ سوزدەرىن ەلەمەيتىن+، پايعامبارلارىن دا مازاق قىلا بەردى+. بۇل ەحوبانىڭ ٶز حالقىنا قاھارى لاۋلاماعانشا+، ولاردى ساۋىقتىرۋدىڭ ەش شاراسى قالماعانشا جالعاسا بەردى.
17 سوندا قۇداي ولارعا حالدەيلەردىڭ+ پاتشاسىن اتتاندىردى. سول پاتشا ولاردىڭ جىگىتتەرىن عيباداتحانادا+ سەمسەرمەن ٶلتىردى+. ونىڭ قىز-بوزبالاعا دا، كارى-قۇرتاڭعا دا جانى اشىمادى+. قۇداي ٴبارىن سونىڭ قولىنا بەردى+.
18 الگى پاتشا شىنايى قۇدايدىڭ ۇيىندەگى ۇلكەندى-كىشىلى بار بۇيىمدى، سونداي-اق ەحوبانىڭ ۇيىندەگى جانە پاتشا مەن ونىڭ بەكزادالارىنىڭ ۇيلەرىندەگى بار قازىنانى تۇگىن قالدىرماي بابىلعا الىپ كەتتى+.
19 ول شىنايى قۇدايدىڭ ٷيىن ورتەپ+، يەرۋساليمنىڭ قابىرعاسىن قۇلاتىپ تاستادى+، بەكىنىس مۇنارالارىن دا ورتەپ جىبەردى. وسىلاي باعالى نارسەلەردىڭ ٴبارىن جويدى+.
20 ال سەمسەردەن امان قالعانداردى تۇتقىنداپ، بابىلعا الىپ كەتتى+. پەرسيا پاتشالىعى ورناعانشا+، ولار بابىل پاتشاسى مەن ونىڭ ۇلدارىنىڭ قىزمەتشىسى بولدى+.
21 وسىلاي ەرەميا پايعامبار ارقىلى ايتقان ەحوبانىڭ ٴسوزى ورىندالىپ+، جەر تىنىقپاعان دەمالىس كۇندەرىنىڭ ەسەسىنە تىنىعىپ جاتتى+. قاڭىراپ جاتقان كەزدىڭ بارىندە، 70 جىل بويى+، جەر تىنىعىپ جاتتى*.
22 پەرسيا پاتشاسى كيردىڭ+ بيلىك قۇرۋىنىڭ ٴبىرىنشى جىلى ەحوبا ونىڭ جۇرەگىنە قوزعاۋ سالدى. سودان پاتشا جارلىق شىعارىپ، ونى بۇكىل پاتشالىعىنا جاريالاۋدى بۇيىردى. بۇل ەحوبانىڭ ەرەميا پايعامبار ارقىلى ايتقان ٴسوزى+ ورىندالۋ ٷشىن وسىلاي بولدى. جارلىقتا+ بىلاي دەلىنگەن ەدى:
23 «پەرسيا پاتشاسى كير بىلاي دەپ بۇيىرادى: —كوكتىڭ قۇدايى ەحوبا ماعان جەر بەتىندەگى بارلىق پاتشالىقتاردى بەردى+ جانە ياھۋدا جەرىندەگى يەرۋساليمدە وزىنە ارناپ ٷي تۇرعىزۋدى تاپسىردى+. ارالارىڭدا ونىڭ حالقىنا جاتاتىندار بار بولسا، قۇدايلارى ەحوبا جار بولىپ، ولار يەرۋساليمگە بارسىن+!»
سىلتەمەلەر
^ 1 تالانت 2.34 كيلوگرامعا تەڭ. B14 قوسىمشاسىن قاراڭىز.
^ كوكتەمدە بولسا كەرەك.
^ تۇسىندىرمەدەگى «دەمالىس كۇنىن» قاراڭىز.
