شەجىرەلەر 2-جازبا 4:1—22
4 سۇلەيمەن ۇزىندىعى مەن ەنى 20، ال بيىكتىگى 10 شىنتاق مىس قۇرباندىق وشاعىن دا جاسادى+.
2 بۇدان كەيىن «تەڭىز» دەپ اتالاتىن تايقازان+ قۇيدى. ونىڭ ەرنەۋىنىڭ ەنى 10، بيىكتىگى 5 شىنتاق ەدى. تايقازاندى جىپپەن اينالدىرا ولشەگەندە 30 شىنتاق بولدى+.
3 ونىڭ ەرنەۋىنەن بەل ورتاسىنا قاراي اينالدىرا جابايى قاربىزداردىڭ مۇسىندەمەلەرى+ بولدى. ولار ٵر شىنتاق سايىن ون-وننان ەكى قاتار ەتىپ ٴتۇسىرىلدى. جابايى قاربىزدار تايقازانمەن بىرگە قۇيىلعان ەدى.
4 تايقازان ٷش-ۇشتەن سولتۇستىككە، باتىسقا، وڭتۇستىككە جانە شىعىسقا قاراپ ورنالاستىرىلعان 12 بۇقا ٴمۇسىنىنىڭ+ ۇستىنە قويىلدى. بۇقالاردىڭ باس جاقتارى تىسقا قاراي، ارت جاقتارى تايقازاننىڭ ورتاسىنا قاراي باعىتتالعان ەدى.
5 تايقازاننىڭ قالىڭدىعى ٴتورت ەلى* بولدى؛ ەرنەۋى كەسەنىڭ ەرنەۋىندەي ەتىپ جاسالدى، ول اشىلعان لالاگۇلگە ۇقسايتىن. تايقازانعا 3000 بات* سۋ سيعىزۋعا بولاتىن.
6 سونداي-اق سۇلەيمەن ون قازان جاساتىپ، بەسەۋىن ٷيدىڭ وڭ، قالعان بەسەۋىن سول جاعىنا قويدى+. ولارداعى سۋعا تۇگەل ورتەلەتىن قۇرباندىق شالىنعاندا قولدانىلعان زاتتار جۋىلاتىن+. ال «تەڭىز» دەپ اتالاتىن تايقازانداعى سۋ ٴدىني قىزمەتكەرلەردىڭ جۋىنۋىنا ارنالعان ەدى+.
7 پاتشا نۇسقادا كورسەتىلگەندەي+، التىننان ون شامدال جاساپ+، بەسەۋىن قاسيەتتى بولمەنىڭ وڭ جاعىنا، قالعان بەسەۋىن سول جاعىنا قويدى+.
8 سونىمەن قاتار ول ون ۇستەل جاساپ، بەسەۋىن قاسيەتتى بولمەنىڭ وڭ جاعىنا، بەسەۋىن سول جاعىنا قويدى+. پاتشا 100 التىن تاباق تا جاسادى.
9 بۇدان كەيىن ول ٴدىني قىزمەتكەرلەرگە+ ارنالعان اۋلا+ مەن ۇلكەن اۋلانى+، سونداي-اق ولاردىڭ ەسىكتەرىن جاسادى. ەسىكتەر مىسپەن قاپتالدى.
10 پاتشا تەڭىزدى* ٷيدىڭ وڭ جاعىنا، وڭتۇستىك-شىعىسقا ورنالاستىردى+.
11 حيرام كۇلسالعىشتار، كۇرەكشەلەر مەن تاباقتار دا جاسادى+. وسىلايشا ول سۇلەيمەن پاتشانىڭ تاپسىرۋىمەن شىنايى قۇدايدىڭ ۇيىنە ارنالعان زاتتاردىڭ ٴبارىن جاساپ ٴبىتتى. ول مىنالاردى جاسادى+:
12 ەكى باعانا+ مەن ولاردىڭ ۇستىنە قويىلعان توستاعان پىشىندەس تاجدەر جانە ولاردى اينالدىرا اشەكەيلەگەن ٶرىلىپ جاسالعان ەكى تور+؛
13 ەكى باعاناعا قويىلعان توستاعان پىشىندەس تاجدەردى بەزەندىرۋ ٷشىن ٵر توردى ەكى قاتار ەتىپ كومكەرگەن 400 انار+؛
14 ون كەبەجە اربا مەن ولاردىڭ ۇستىنە قويىلعان 10 قازان+؛
15 ٴبىر تەڭىز جانە ونىڭ استىندا تۇرعان 12 بۇقا ٴمۇسىنى+؛
16 كۇل شىعاراتىن شەلەكتەر، كۇرەكشەلەر، شانىشقىلار+، سونداي-اق سۇلەيمەننىڭ تاپسىرۋىمەن ەحوبانىڭ ۇيىنە ارناپ جاسالعان باسقا دا بۇيىمدار. بۇلاردىڭ ٴبارىن حيرام-ٵبيپ+ جىلتىراتىلعان مىستان جاسادى.
17 پاتشا بۇلاردى يوردان وڭىرىندە، سۋقوت+ پەن سەرەداحتىڭ اراسىندا، سازبالشىقتى جەرگە قۇيىپ جاسادى.
18 جاسالعان بۇيىمداردىڭ سانى وتە كوپ ەدى. ولارعا جۇمسالعان مىستىڭ سالماعى بەلگىسىز+.
19 سۇلەيمەن شىنايى قۇدايدىڭ ۇيىنە ارنالعان بارلىق بۇيىمداردى+ جاساپ ٴبىتىردى. ول التىن قۇرباندىق ۇستەلى+ مەن نان تارتۋى قويىلاتىن التىن ۇستەلدەر جاسادى+.
20 سونداي-اق ول ساف التىننان شامدالدار مەن ولاردىڭ شامدارىن جاسادى+. بۇل شامدار ەرەجە بويىنشا تۇپكى بولمەنىڭ الدىندا جانىپ تۇرۋى ٴتيىس ەدى.
21 سونىمەن قاتار التىننان، ەڭ تازا التىننان گۇلدەر، شامدار مەن قىسقاشتار جاسادى.
22 ال شام سوندىرگىشتەر، تاباقتار، توستاعاندار مەن شوقسالعىشتاردى ساف التىننان جاسادى. كيەلى ٷيدىڭ ەسىكتەرى دە، ياعني ەڭ قاسيەتتى بولمە مەن قاسيەتتى بولمەنىڭ ەسىكتەرى دە التىننان جاسالدى+.
سىلتەمەلەر
^ شامامەن 4.7 سانتيمەتر B14 قوسىمشاسىن قاراڭىز.
^ 1 بات 22 ليترگە تەڭ. B14 قوسىمشاسىن قاراڭىز.
^ ياعني «تەڭىز» دەپ اتالاتىن تايقازاندى.