شەجىرەلەر 2-جازبا 5:1—14
5 وسىلاي سۇلەيمەن پاتشا ەحوبانىڭ ۇيىنە ارناپ جاسالۋى ٴتيىس جۇمىستاردىڭ ٴبارىن ٴبىتىردى+. ول اكەسى ٴداۋىت باعىشتاعان*+ كۇمىس، التىن جانە بارلىق بۇيىمداردى شىنايى قۇدايدىڭ ۇيىندەگى قازىناعا اپارىپ قويدى+.
2 سۇلەيمەن پاتشا ٴداۋىتتىڭ قالاسىنان، ياعني سيوننان+، ەحوبانىڭ كەلىسىم ساندىعىن اكەلۋ ٷشىن+، يسرايلدىڭ بارلىق اقساقالدارى مەن رۋباسىلارىن جانە اۋلەتباسىلارىن يەرۋساليمگە شاقىردى.
3 سودان جەتىنشى ايدا كۇللى يسرايلدىكتەر سۇلەيمەن پاتشانىڭ قاسىنا مەيرامعا* جينالدى+.
4 يسرايلدىڭ بارلىق اقساقالدارى كەلگەن سوڭ، لەۋىلىكتەر كەلىسىم ساندىعىن كوتەرىپ اكەتتى+.
5 كەلىسىم ساندىعىمەن قوسا، كەزدەسۋ شاتىرى+ مەن ونداعى بارلىق كيەلى بۇيىمدار دا اكەتىلدى. بۇلاردى ٴدىني قىزمەتكەرلەر مەن لەۋىلىكتەر كوتەرىپ الىپ ٴجۇردى.
6 سۇلەيمەن پاتشا مەن قاسىنا جينالعان كۇللى يسرايلدىكتەر كەلىسىم ساندىعىنىڭ الدىندا ٴجۇرىپ، قۇرباندىققا قوي مەن ٸرى قارا مال شالىپ وتىردى+. ولاردىڭ كوپ بولعانى سونشا — سانىنا ەشكىم جەتە المادى.
7 بۇدان كەيىن ٴدىني قىزمەتكەرلەر ەحوبانىڭ كەلىسىم ساندىعىن ٶز ورنىنا — كيەلى ٷيدىڭ تۇپكى بولمەسىنە، ياعني ەڭ قاسيەتتى بولمەگە — كەرۋبتەردىڭ قاناتتارىنىڭ استىنا اكەلىپ قويدى+.
8 كەرۋبتەر كەلىسىم ساندىعى تۇراتىن ورىننىڭ ۇستىنەن قاناتتارىن جايىپ، كەلىسىم ساندىعى مەن ونىڭ سىرىقتارىن+ جاۋىپ تۇردى.
9 سىرىقتاردىڭ ۇزىن بولعانى سونشا — ۇشتارى تۇپكى بولمەنىڭ الدىنداعى قاسيەتتى بولمەدەن كورىنىپ تۇردى، ٴبىراق سىرتتان كورىنبەدى. ولار ٵلى كۇنگە دەيىن سول جەردە.
10 كەلىسىم ساندىعىندا مۇسانىڭ حوريبتە سالعان ەكى تاس تاقتاشاسىنان+ باسقا ەشتەڭە بولمادى. مۇسا بۇل تاقتاشالاردى ەحوبا يسرايلدىكتەردى مىسىردان الىپ شىعىپ+، ولارمەن كەلىسىم جاساسقاندا+ سالعان ەدى.
11 ٴدىني قىزمەتكەرلەر قاسيەتتى بولمەدەن شىققاندا (ٴدىني قىزمەتكەرلەردىڭ بارلىعى، قاي توپقا جاتاتىنىنا+ قاراماي، تازارۋ راسىمىنەن+ وتكەن* ەدى)،
12 باتەستەن كيىم كيگەن ٵنشى-كۇيشى لەۋىلىكتەردىڭ+ ٴبارى — اساپ+، حەمان+، ەدۋتۋن+، ياعني ولاردىڭ ۇلدارى مەن باۋىرلارىنىڭ ٴبارى — قولدارىنا جەز تاباقشا، ىشەكتى اسپاپ، ارفا ۇستاپ تۇردى. ولار قۇرباندىق وشاعىنىڭ شىعىسىندا، كەرنەيلەتىپ جاتقان 120 ٴدىني قىزمەتكەردىڭ+ قاسىندا تۇردى.
13 ەحوبانى ماداقتاپ، وعان العىس ايتىپ جاتقان كەرنەيشىلەر مەن انشىلەردىڭ داۋىستارى بىرىككەن ساتتە — ٵنشى-كۇيشىلەر كەرنەي، جەز تاباقشا مەن باسقا دا اسپاپتاردىڭ سازىنا قوسىلىپ: «ويتكەنى ول ىزگى، اينىماس سۇيىسپەنشىلىگى ماڭگى!»+— دەپ، ەحوبانى ماداقتاي باستاعان ساتتە — ٷيدىڭ، ەحوبانىڭ ٷيىنىڭ ٸشىن بۇلت الىپ كەتتى+.
14 وسىلايشا شىنايى قۇدايدىڭ ٷيى بۇلتقا تولىپ، ەحوبانىڭ سالتاناتىنا بولەنگەندىكتەن، ٴدىني قىزمەتكەرلەر وندا قىزمەتتەرىن جالعاستىرا المادى+.
سىلتەمەلەر
^ نەمەسە «كيەلى ەتكەن».
^ ياعني كۇركەلەر مەيرامىنا.
^ سوزبە-ٴسوز «وزدەرىن قاسيەتتى ەتكەن». تۇسىندىرمەدەگى «قاسيەتتى» ٴسوزىن قاراڭىز.
