شەجىرەلەر 2-جازبا 8:1—18
8 سۇلەيمەن ەحوبانىڭ ٷيى مەن ٶزىنىڭ سارايىن 20 جىلدا سالىپ ٴبىتىردى+.
2 سوسىن ول حيرام+ بەرگەن قالالاردى قايتا تۇرعىزىپ، ولارعا يسرايلدىكتەردى قونىستاندىردى.
3 بۇدان كەيىن ول حامات-سوباعا بارىپ، ونى جاۋلاپ الدى.
4 سونىمەن قاتار پاتشا ٴشول دالاداعى تادمور قالاسىن جانە حاماتتاعى+ ازىق-تۇلىك ساقتايتىن قالالاردىڭ+ ٴبارىن نىعايتتى*.
5 ول جوعارعى بەت-حورون+ مەن تومەنگى بەت-حوروندى+ دا نىعايتتى. بۇل قابىرعالارى، قاقپالارى مەن ىسىرمالارى بار بەكىتىلگەن قالالار ەدى.
6 سۇلەيمەن باعالاتتى+، سونداي-اق ازىق-تۇلىك ساقتايتىن قالالاردى جانە اربالارى مەن سالت اتتى جىگىتتەرىنە ارنالعان بارلىق قالالاردى+ دا نىعايتتى. وسىلاي يەرۋساليمدە، ليۆاندا، قول استىنداعى بۇكىل ەلدە سالعىسى كەلگەننىڭ ٴبارىن سالدى.
7 يسرايلدىكتەردىڭ اراسىندا+ حەتتىكتەر، امورلىقتار، پەرەزدىكتەر، حەۆتىكتەر مەن ەبۋستىكتەر+ تۇرىپ جاتتى.
8 بۇلار كەزىندە يسرايلدىكتەر جويماعان حالىقتاردىڭ ۇرپاقتارى ەدى+. سۇلەيمەن ولاردى باسىبايلى قىزمەتشى ەتىپ، اۋىر جۇمىسقا سالىپ قويدى. بۇل جاعداي ٵلى كۇنگە دەيىن جالعاسىپ كەلەدى+.
9 ٴبىراق ول يسرايلدىكتەردىڭ ەشقايسىسىن وزىنە جۇمىس ىستەيتىن قۇل ەتپەدى+. ولار پاتشانىڭ ساربازدارى، كومەكشىلەرىنىڭ باسشىلارى، سونداي-اق ارباكەشتەرى مەن سالت اتتى جىگىتتەرىنىڭ باسشىلارى بولدى+.
10 سۇلەيمەننىڭ ٴتۇرلى ىستەرىن باسقارىپ، حالىقتىڭ ۇستىنەن قارايتىن 250 جەتەكشى ايماق اكىمى بولدى+.
11 پاتشا پەرعاۋىننىڭ قىزىنا+ ارناپ ٷي سالىپ+، ونى ٴداۋىتتىڭ قالاسىنان سول ۇيگە كوشىردى. سەبەبى سۇلەيمەن: «ول مەنىڭ ايەلىم بولسا دا، يسرايل پاتشاسى ٴداۋىتتىڭ ۇيىندە تۇرماۋ كەرەك، ويتكەنى ەحوبانىڭ ساندىعى اكەلىنگەن جەر كيەلى+»،— دەگەن ەدى.
12 سۇلەيمەن كيەلى ٷيدىڭ كىرەبەرىسىنىڭ الدىنداعى+ ٶزى جاساعان ەحوبانىڭ قۇرباندىق وشاعىندا+ ەحوباعا ارناپ تۇگەل ورتەلەتىن قۇرباندىقتار+ شالا باستادى.
13 ول مۇنى كۇندەلىكتى داعدىعا اينالدىردى. بۇعان قوسا، مۇسانىڭ وسيەتىنە ساي، دەمالىس كۇندەرى+، جاڭا تۋعان اي مەيرامىندا+ قۇرباندىقتار شالدى. سونداي-اق جىل سايىن وتكىزىلەتىن مەرەكەلەردە+، ياعني اشىماعان نان+، اپتالار+ جانە كۇركەلەر مەيرامىندا+، قۇرباندىقتار شالاتىن بولدى.
14 سونىمەن قاتار سۇلەيمەن اكەسى ٴداۋىتتىڭ نۇسقاۋىنا ساي، ٴدىني قىزمەتكەرلەردى توپتارىنا+ قاراي مىندەتتەرىنە قويدى. لەۋىلىكتەردى دە ٶز مىندەتتەرىنە قاراي، قۇدايدى ماداقتاۋ+ جانە ٴدىني قىزمەتكەرلەردىڭ الدىندا كۇندەلىكتى قىزمەت ەتۋگە قويدى. قاقپا كۇزەتشىلەرىن دە توپتارىنا قاراي ٵرتۇرلى قاقپالارعا بەكىتتى+. مۇنىڭ ٴبارىن ول قۇداي ادامى ٴداۋىتتىڭ نۇسقاۋىنا ساي ىستەدى.
15 ٴدىني قىزمەتكەرلەر مەن لەۋىلىكتەر پاتشانىڭ كەز كەلگەن ماسەلەگە، ونىڭ ىشىندە قويمالارعا، قاتىستى نۇسقاۋلارىن بۇلجىتپاي ورىندادى.
16 وسىلايشا سۇلەيمەن اتقارعان جۇمىستىڭ ٴبارى — ەحوبانىڭ ٷيىنىڭ ىرگەتاسى قالانعان كۇننەن+ ٷي سالىنىپ بىتكەنگە دەيىن — جاقسىلاپ ۇيىمداستىرىلدى. اقىرىندا ەحوبانىڭ ٷيىنىڭ قۇرىلىسى اياقتالدى+.
17 سۇلەيمەن پاتشا ەدوم جەرىندەگى تەڭىزدىڭ جاعاسىندا+ ورنالاسقان ەسيون-گەبەر+ مەن ەلاتقا+ سول كەزدە بارعان ەدى.
18 حيرام+ وعان قىزمەتشىلەرى ارقىلى كەمەلەر مەن تاجىريبەلى تەڭىزشىلەرىن جىبەردى. ولار سۇلەيمەننىڭ قىزمەتشىلەرىمەن بىرگە وپىرعا+ بارىپ، پاتشاعا 450 تالانت* التىن اكەلدى+.