قورىنتتىقتارعا 1-حات 15:1—58
15 ەندى، باۋىرلاستار، مەن وزدەرىڭە ۋاعىزداعان ىزگى حاباردى ەستەرىڭە سالىپ وتىرمىن+. سەندەر ونى قابىلدادىڭدار، بەرىك ۇستانىپ تا جۇرسىڭدەر.
2 مەنەن ەستىگەن وسى حاباردى ٵرى قاراي دا بەرىك ۇستانا بەرسەڭدەر، سول ارقىلى قۇتقارىلاسىڭدار. ايتپەسە وعان سەنگەندەرىڭ بەكەر.
3 سەندەرگە ايتقان، ٶزىم دە قابىلداعان باستى نارسەلەردىڭ ٴبىرى — جازبالاردا ايتىلعانعا ساي، ٴماسىح ٴبىزدىڭ كۇنالارىمىز ٷشىن ٶلدى+.
4 سونداي-اق، جازبالاردا ايتىلعانداي+، جەرلەندى+، ال ٷشىنشى كۇنى+ قايتا ٴتىرىلدى+.
5 سوسىن كەفاعا+، كەيىن ون ەكى ەلشىگە كورىندى+.
6 بۇدان سوڭ ٴبىر مەزگىلدە 500 دەن اسا باۋىرلاسقا كورىندى+. ولاردىڭ كوبى ٵلى ارامىزدا، ال كەيبىرى ٶلىم ۇيقىسىندا جاتىر.
7 سونان سوڭ جاقىپقا+، سوسىن ەلشىلەردىڭ بارىنە كورىندى+.
8 سوڭىنان، مەزگىلىنەن بۇرىن تۋىلعانداي بولعان ماعان دا كورىندى+.
9 مەن ەلشىلەردىڭ ەڭ كىشىسىمىن، ەلشى دەپ اتالۋعا دا تۇرمايمىن، سەبەبى قۇداي قاۋىمىن قۋدالادىم+.
10 ٴبىراق قۇدايدىڭ راقىمىمەن وسىنداي دارەجەگە يە بولدىم. ونىڭ راقىمى بەكەر بولعان جوق، ويتكەنى مەن ەلشىلەردىڭ بارىنەن كوپ ەڭبەك ەتتىم. الايدا ٶزىم ەمەس، ماعان جار بولىپ جۇرگەن قۇدايدىڭ راقىمى ەڭبەكتەندى.
11 ايتسە دە مەن بولايىن، ولار بولسىن — ٴبىز وسى حاباردى ۋاعىزداپ ٴجۇرمىز، ٵرى سەندەر سوعان سەندىڭدەر.
12 ٴماسىحتىڭ ولىمنەن قايتا تىرىلگەنى تۋرالى ۋاعىزدالىپ جاتسا+، قالايشا كەيبىرىڭ «ولگەندەر قايتا تىرىلمەيدى» دەيسىڭدەر؟
13 ەگەر ولگەندەر قايتا تىرىلمەيتىن بولسا، وندا ٴماسىحتىڭ دە قايتا تىرىلمەگەنى.
14 ال ٴماسىح قايتا تىرىلمەسە، ۋاعىزىمىزدىڭ دا، سەنىمىمىزدىڭ دە بەكەر بولعانى.
15 ونىڭ ۇستىنە، ٴبىز قۇداي تۋرالى جالعان كۋالىك بەرگەن بولامىز+. ويتكەنى ولگەندەر شىندىعىندا قايتا تىرىلمەيتىن بولسا، ٴماسىحتى قايتا تىرىلتپەسە دە، ٴتىرىلتتى دەپ، قۇداي تۋرالى جالعان كۋالىك بەرگەنىمىز+.
16 سەبەبى ولگەندەر قايتا تىرىلمەيتىن بولسا، ٴماسىحتىڭ دە تىرىلمەگەنى عوي.
17 ال ٴماسىح تىرىلمەگەن بولسا، سەنىمدەرىڭ ەش پايداسىز، كۇنالارىڭ دا كەشىرىلگەن جوق+.
18 وندا ٴماسىحتىڭ شاكىرتى رەتىندە ٶلىم ۇيقىسىنا كەتكەندەردىڭ دە ٴبىرجولا جوق بولعانى+.
19 ەگەر ماسىحكە وسى ومىردە عانا ٷمىت ارتساق، وندا بارشا ادامداردىڭ ىشىندەگى ەڭ بەيشاراسى بولار ەدىك.
20 ٴبىراق، شىندىق مىناۋ — ٴماسىح ٶلىم ۇيقىسىنداعىلاردىڭ العاشقىسى* بولىپ ٴتىرىلدى+.
21 ٶلىم ادام ارقىلى كەلدى+، قايتا ٴتىرىلۋ دە ادام ارقىلى بولادى+.
22 ادام اتامەن بايلانىستاعىلاردىڭ ٴبارى ولەتىنىندەي+، ماسىحپەن بايلانىستاعىلاردىڭ ٴبارى تىرىلەدى+.
23 ٴبىراق بارلىعى ٶز كەزەگىمەن: العاشقىسى* — ٴماسىح+، سوسىن ٴماسىح وسىندا بولاتىن كەزدە* ونىڭ مەنشىگىندەگىلەر تىرىلەدى+.
24 بۇدان كەيىن، ياعني سوڭىندا، ٴماسىح كۇللى ۇكىمەت، بارشا بيلىك پەن كۇشتى جوق قىلادى دا+، پاتشالىقتى قۇداي اكەسىنە تاپسىرادى.
25 سەبەبى قۇداي بارلىق جاۋلارىن اياعىنا جىعىپ بەرگەنشە، ول بيلىك جۇرگىزۋى ٴتيىس+.
26 جويىلاتىن سوڭعى جاۋ — ٶلىم+.
27 قۇداي «ٴبارىن ونىڭ اياعىنىڭ استىنا سالىپ، باعىندىردى»+. ال «ٴبارى باعىندىرىلدى» دەگەن ٴسوز+ ٴبارىن باعىندىرعان قۇدايدى قامتىمايتىنى انىق+.
28 ٴبىراق قۇداي ٶز ۇلىنا ٴبارىن باعىندىرعان سوڭ، ۇلى دا وزىنە ٴبارىن باعىندىرعان قۇدايعا باعىناتىن بولادى+. وسىلايشا قۇداي بىردەن-ٴبىر بيلەۋشى بولماق+.
29 ولگەندەر قايتا تىرىلمەسە، ٶلى بولۋ ٷشىن شومىلدىرۋ راسىمىنەن وتكەندەردىڭ قانداي ٷمىتى بار+؟ ولگەندەر مۇلدەم تىرىلمەيتىن بولسا، ٶلى بولۋ ٷشىن شومىلدىرۋ راسىمىنەن ٶتىپ نە كەرەك؟
30 بىزگە دە ساعات سايىن باسىمىزدى قاتەرگە تىگىپ نە كەرەك+؟
31 مەن كۇندە ولىممەن بەتپە-بەت كەلەمىن. باۋىرلاستار، يەمىز ٴماسىح يسانىڭ جولىنداعى سەندەر ٷشىن قۋاناتىنىم راس ەكەنىندەي، بۇل دا راس.
32 ەگەر مەن دە وزگەلەر سياقتى* ەفەستە جابايى اڭدارمەن كۇرەسكەن بولسام+، بۇدان ماعان نە پايدا؟ ولگەندەر تىرىلمەيتىن بولسا، «بۇگىن ٸشىپ-جەپ قالايىق، ەرتەڭ ٴبارىبىر ولەمىز عوي»+.
33 الدانباڭدار، جامان ورتا جاقسى ادەتتەن ايىرادى+.
34 ٵدىل ارەكەت ەتىپ، ەستەرىڭدى جيىڭدار، كۇنا جاساۋدى قويىڭدار، ويتكەنى كەيبىرىڭ قۇدايدى بىلمەيسىڭدەر. مۇنى سەندەردى ۇيالتۋ ٷشىن ايتىپ وتىرمىن.
35 الدەبىرەۋىڭ: «ولگەندەر قالاي قايتا تىرىلەدى؟ تىرىلگەندە دەنەلەرى قانداي بولادى؟»+— دەرسىڭ.
36 تۇيسىكسىز! سەبىلگەن ٴدان شىرىمەسە*، ٶنىپ شىقپايدى* عوي.
37 سەنىڭ ەككەنىڭ — ٶنىپ قويعان كوشەت* ەمەس، بيداي نە باسقا داقىلدىڭ ٴدانى عانا.
38 ٴبىراق قۇداي وعان، سونداي-اق ٵربىر دانگە، ٶز قالاۋىنشا، وزىندىك دەنە بەرەدى.
39 دەنەلەردىڭ ٴبارى بىردەي ەمەس: ادامنىڭ، مالدىڭ، قۇستىڭ، بالىقتىڭ دەنەلەرى ٴبىر-بىرىنەن وزگەشە.
40 كوكتەگىلەرگە ٴتان+ جانە جەردەگىلەرگە ٴتان دەنە بار+. كوكتەگىلەردىڭ دەنەسى مەن جەردەگىلەردىڭ دەنەسىنىڭ داڭقى ٵرتۇرلى.
41 كۇننىڭ، ايدىڭ، جۇلدىزداردىڭ وزىندىك داڭقى بار+. جۇلدىزداردىڭ داڭقى دا ٴبىر-بىرىنەن وزگەشە.
42 ولگەندەردىڭ قايتا ٴتىرىلۋى دە سولاي بولادى: كومىلگەن دەنە ٴشىرىپ كەتەدى، ال قايتا تىرىلگەن دەنە شىرىمەيدى+.
43 قورلىق كورگەن دەنە كومىلىپ، داڭقپەن تىرىلەدى+. ٵلسىز دەنە كومىلىپ، قۇدىرەتپەن تىرىلەدى+.
44 كومىلگەنى — تاندىك، ال قايتا تىرىلگەنى — رۋحاني دەنە. تاندىك دەنەنىڭ بار ەكەنى سياقتى، رۋحاني دەنە دە بار.
45 جازبادا دا: «العاشقى ادام ٴتىرى جان بولدى»،— دەلىنگەن+. ال سوڭعى ادام ٶمىر بەرەتىن رۋح بولدى+.
46 الايدا الدىمەن رۋحاني ەمەس، تاندىك دەنە، سوسىن رۋحاني دەنە بولادى.
47 العاشقى ادام توپىراقتان جاراتىلىپ، جەردە ٶمىر ٴسۇردى+، ال ەكىنشى ادام كوكتەن كەلدى+.
48 جەردەگى ادامدار قۇداي توپىراقتان جاراتقان ادامعا ۇقسايدى، ال كوكتەگىلەر كوكتەن كەلگەن تۇلعاعا ۇقسايدى+.
49 ٴبىز توپىراقتان جاراتىلعاننىڭ كەيپىندە بولعانىمىزداي+، كوكتەن كەلگەننىڭ كەيپىنە يە بولامىز+.
50 الايدا، باۋىرلاستار، سەندەرگە مىنانى ايتامىن: ەت پەن قاننان تۇراتىن دەنە قۇداي پاتشالىعىن مۇرا ەتە المايدى، ٴيا، ٴشىريتىن دەنە شىرىمەيتىندى مۇرا ەتە المايدى.
51 سەندەرگە مىنا قۇپيانى ايتايىن: ٴبارىمىز بىردەي ٶلىم ۇيقىسىنا كەتپەيمىز، ٴبىراق ٴبارىمىز دە وزگەرەمىز+.
52 بۇل كەنەتتەن، قاس قاعىم ساتتە، سوڭعى كەرنەي تارتىلىپ جاتقاندا ىسكە اسادى. كەرنەي ٷنى ەستىلگەندە+، ولگەندەر شىرىمەيتىن بولىپ تىرىلەدى، ٵرى ٴبىز وزگەرەمىز.
53 ويتكەنى ٴشىريتىن دەنەمىز شىرىمەيتىنگە+، ولەتىن دەنەمىز ولمەيتىنگە الماسۋى ٴتيىس+.
54 ٴشىريتىن دەنە شىرىمەيتىن، ال ولەتىن دەنە ولمەيتىنگە الماسقاندا، كيەلى جازباداعى «ٶلىم ٴبىرجولا جوق بولدى» دەگەن سوزدەر جۇزەگە اسادى+.
55 «ٶلىم، سەنىڭ جەڭىسىڭ قايدا؟ ٶلىم، ۋلى ٴتىسىڭ قايدا؟»+
56 ولىمگە ۇشىراتاتىن ۋلى ٴتىس — كۇنا+، ال كۇناعا كۇشتى زاڭ بەرەدى+.
57 يەمىز يسا ٴماسىح ارقىلى جەڭىس سيلايتىن قۇدايعا العىس ايتايىق+!
58 سوندىقتان، سۇيىكتى باۋىرلاستارىم، بەرىك بولىڭدار+، مىزعىماي تۇرىڭدار، يەمىزدىڭ ىسىندە ارقاشان كوپ ەڭبەكتەنىڭدەر+. سەبەبى يەمىزدىڭ جولىنداعى ەڭبەكتەرىڭنىڭ بەكەر ەمەس ەكەنىن بىلەسىڭدەر+.
سىلتەمەلەر
^ سوزبە-ٴسوز «العاشقى ٶنىمى».
^ سوزبە-ٴسوز «العاشقى ٶنىم».
^ تۇسىندىرمەدەگى «يسانىڭ وسىندا بولۋىن» قاراڭىز.
^ مۇمكىن: «مەن دە پەندەشىلىك نيەتپەن».
^ سوزبە-ٴسوز «ولمەسە».
^ سوزبە-ٴسوز «تىرىلمەيدى».
^ سوزبە-ٴسوز «داميتىن دەنە».
