قورىنتتىقتارعا 1-حات 3:1—23
3 سول سەبەپتى، باۋىرلاستار، مەن سەندەرمەن رۋحاني كوزقاراستاعى ادامدارمەن+ سويلەسكەندەي سويلەسە الماي، تاندىك كوزقاراستاعىلار، ياعني ٴماسىح جولىنداعى نارەستە ىسپەتتى ادامدارمەن+ سويلەسكەندەي سويلەستىم.
2 مەن سەندەرگە قاتتى تاعام ەمەس، ٴسۇت بەردىم، ويتكەنى قاتتى تاعام جەۋگە دايىن ەمەس ەدىڭدەر. سەندەر ٵلى دە دايىن ەمەسسىڭدەر+،
3 سەبەبى ٵلى دە تاندىك كوزقاراستاسىڭدار+. ارالارىڭداعى قىزعانىش پەن تالاس-تارتىس تاندىك كوزقاراستاعى+ وسى دۇنيەلىكتەر سياقتى ەكەندەرىڭنىڭ دالەلى ەمەس پە؟
4 بىرەۋىڭ «مەن پاۋىلدىڭ شاكىرتىمىن»، تاعى بىرەۋىڭ «مەن اپوللوستىكىمىن+» دەپ جۇرسەڭدەر، وسى دۇنيەلىك ادامدار ىسپەتتى بولعاندارىڭ عوي!
5 اپوللوس كىم؟ ال پاۋىل كىم؟ ولار نەبارى يەمىز تاپسىرعان جۇمىستى اتقارىپ، سەندەرگە سەنۋشى بولۋعا كومەكتەسكەن قىزمەتشىلەر عوي+.
6 مەن ەكتىم+، اپوللوس سۋاردى+، ال ٶسىرىپ جاتقان — قۇداي.
7 سوندىقتان ەككەن دە، سۋارعان دا ەمەس، ٶسىرىپ وتىرعان قۇداي ماداقتالسىن+.
8 ەندەشە ەگۋشى مەن سۋارۋشىنىڭ ماقساتى ٴبىر، ٴبىراق ٴارقايسىسى ەڭبەگىنە قاراي ٶز سيىن الادى+.
9 سەبەبى ٴبىز قۇدايمەن قىزمەتتەسپىز. سەندەر — قۇدايدىڭ وڭدەپ جاتقان ەگىندىگىسىڭدەر، قۇدايدىڭ قۇرىلىسىسىڭدار+.
10 قۇدايدىڭ راقىمىنىڭ ارقاسىندا شەبەر قۇرىلىسشى رەتىندە مەن ىرگەتاسىن سالدىم+، ال باسقا بىرەۋ سونىڭ ۇستىنە تۇرعىزىپ جاتىر. ٴبىراق اركىم قالاي سوعىپ جاتقانىنا مۇقيات بولسىن.
11 ويتكەنى ەشكىم سالىنعاننان وزگە ىرگەتاس سالا المايدى. ال سالىنعان ىرگەتاس — يسا ٴماسىح+.
12 كىمنىڭ وسى ىرگەتاسقا التىن، كۇمىس، باعالى تاستاردان، ال كىمنىڭ اعاش، ٴشوپ، ساباننان سالعانى
13 سىناق كۇنى كورىنەدى. سەبەبى ولاردىڭ ەڭبەگىن وت سىناپ+، ٴارقايسىسىنىڭ جۇمىسى قانداي بولعانىن انىق كورسەتەدى.
14 كىمنىڭ وسى ىرگەتاسقا سالعانى ورتەنبەي امان قالسا، سول سي الادى.
15 ال كىمدىكى ورتەنىپ كەتسە، سول شىعىنعا ۇشىرايدى. ٶزى امان قالعانمەن، وتتان وتكەندەي بولادى.
16 الدە وزدەرىڭنىڭ قۇدايدىڭ عيباداتحاناسى ەكەندەرىڭدى+ ٵرى ونىڭ رۋحى ارالارىڭدا مەكەندەيتىنىن بىلمەۋشى مە ەدىڭدەر+؟
17 كىم قۇدايدىڭ عيباداتحاناسىن جويسا، سونى قۇداي جويماق. سەبەبى قۇدايدىڭ عيباداتحاناسى كيەلى، ٵرى ول — سەندەرسىڭدەر+.
18 ەشكىم ٶز-ٶزىن الداماسىن: وسى زامان* ادامدارىنىڭ اراسىندا ٶزىن دانامىن دەپ ەسەپتەيتىن ادام شىنىمەن دانا بولۋ ٷشىن اقىماق بولسىن.
19 ويتكەنى وسى دۇنيەنىڭ دانالىعى — قۇدايدىڭ كوز الدىندا اقىماقتىق. بۇل جايىندا: «ول دانىشپانداردى ٶز قۋلىقتارىنان ۇستايدى»،— دەپ جازىلعان+.
20 تاعى بىلاي دەلىنگەن: «ەحوبا دانىشپانداردىڭ وي-پىكىرلەرىنىڭ بەكەر ەكەنىن بىلەدى»+.
21 سوندىقتان ەشكىم دە ادامنىڭ جەتىستىكتەرىمەن ماقتانباسىن. سەبەبى ٴبارى دە سەندەردىكى.
22 ٴيا، پاۋىل دا، اپوللوس پەن كەفا+ دا، بۇكىل دۇنيە دە، ٶمىر مەن ٶلىم دە، قازىرگى مەن بولاشاق تا — ٴبارى سەندەردىكى.
23 ال سەندەر ماسىحتىكىسىڭدەر+، ٴماسىح بولسا قۇدايدىكى.
سىلتەمەلەر
^ تۇسىندىرمەنى قاراڭىز.
