قورىنتتىقتارعا 2-حات 13:1—14
13 مەن ٷشىنشى رەت وزدەرىڭە بارماقپىن. «ٵربىر ٸس ەكى نە ٷش كۋاگەردىڭ سوزىمەن دالەلدەنۋى ٴتيىس»+.
2 قازىر قاستارىڭدا بولماسام دا، سوزدەرىمدى ەكىنشى رەت ارالارىڭدا ٴجۇرىپ ايتقانداي قابىلداڭدار. بۇرىن كۇنا جاساعاندارعا دا، قالعاندارىڭا دا الدىن الا ەسكەرتەمىن، ەگەر تاعى كەلەر بولسام، مۇندايلاردى ايامايمىن.
3 وسىلايشا ٴماسىح شىنىمەن مەن ارقىلى سويلەيتىنىن دالەلدەيمىن. ول سەندەرگە قاتىستى السىزدىك تانىتىپ جاتقان جوق، قايتا، قۇدىرەتپەن ارەكەت ەتۋدە.
4 راس، ول ٵلسىز بولعاندىقتان، باعاناعا ٸلىندى، ٴبىراق قازىر قۇدايدىڭ قۇدىرەتىنىڭ ارقاسىندا ٴتىرى+. ونىڭ ٵلسىز بولعانى سياقتى ٴبىزدىڭ دە قازىر ٵلسىز ەكەنىمىز راس، ٴبىراق ومىرلەرىڭدە ارەكەت ەتىپ جاتقان قۇدايدىڭ قۇدىرەتىنىڭ ارقاسىندا ونىمەن بىرگە ٶمىر سۇرەمىز+.
5 سەنىم جولىنداسىڭدار ما، جوق پا — سونى تەكسەرىپ تۇرىڭدار، ٵرى كىم ەكەندەرىڭە كوز جەتكىزۋ ٷشىن وزدەرىڭدى ۇنەمى تەكسەرىپ وتىرىڭدار+. الدە يسا ماسىحپەن بىرلىكتە ەكەندەرىڭدى بىلمەيسىڭدەر مە؟ قۇدايدىڭ ىقىلاسىنان ايىرىلىپ قالماساڭدار عانا، ونىمەن بىرلىكتەسىڭدەر.
6 ال ٴبىزدىڭ قۇداي ىقىلاسىنان ايىرىلماعانىمىزعا كوز جەتكىزەسىڭدەر دەپ ۇمىتتەنەمىن.
7 سەندەر ەش جاماندىق جاساماسىن دەپ قۇدايعا دۇعا ەتەمىز. ونداعى ماقساتىمىز — ٶزىمىزدى ىقىلاسقا يە بولعانداي ەتىپ كورسەتۋ ەمەس، قايتا، ىقىلاستان ايىرىلىپ قالعانداي بولىپ كورىنسەك تە، سەندەردىڭ يگى ىستەر جاساعاندارىڭ.
8 سەبەبى ٴبىز شىندىققا قارسى ەشتەڭە ىستەي المايمىز، تەك شىندىق ٷشىن ىستەيمىز.
9 ٴبىز ٵلسىز، ال سەندەر كۇشتى بولعان كەزدىڭ بارىندە قۋانامىز. سونداي-اق سەندەر تۇزەلسە ەكەن دەپ دۇعا ەتۋدەمىز.
10 سوندىقتان يەمىز ماعان كۇيرەتۋگە ەمەس، نىعايتۋعا بەرگەن بيلىكتى قاستارىڭدا بولعاندا قاتاڭ قولدانۋعا ٴماجبۇر بولماۋىم ٷشىن+، بۇلاردى وزدەرىڭنەن الىستا جۇرگەندە جازىپ وتىرمىن.
11 سونىمەن، باۋىرلاستار، قۋانا بەرىڭدەر، تۇزەلە بەرىڭدەر، جىگەر الا بەرىڭدەر+، ٵردايىم ويلارىڭ ٴبىر جەردەن شىقسىن+، تاتۋ ٶمىر سۇرىڭدەر+. سوندا سۇيىسپەنشىلىك پەن تىنىشتىقتىڭ قۇدايى+ سەندەرمەن بىرگە بولادى.
12 ٴبىر-ٴبىرىڭدى باۋىرلاستىق سۇيىسپەنشىلىكپەن ٴسۇيىپ امانداسىڭدار.
13 قاسيەتتىلەردىڭ ٴبارى سەندەرگە سالەم جولداۋدا.
14 بارلىعىڭ دا يەمىز يسا ٴماسىحتىڭ راقىمى مەن قۇدايدىڭ سۇيىسپەنشىلىگىنە كەنەلىڭدەر، كيەلى رۋحقا ۇلەستەس بولىڭدار.
