لۇقا 2:1—52
-
يسانىڭ دۇنيەگە كەلۋى (1—7)
-
پەرىشتەلەردىڭ قويشىلارعا كورىنۋى (8—20)
-
سۇندەتتەۋ مەن تازارۋ ٴراسىمى (21—24)
-
شيموننىڭ ٴماسىحتى كورۋى (25—35)
-
اننانىڭ بالا تۋرالى ايتقان سوزدەرى (36—38)
-
نازارەتكە قايتىپ كەلۋ (39، 40)
-
12 جاسار يسانىڭ عيباداتحانادا قالىپ قويۋى (41—52)
2 سول كۇندەرى يمپەراتور* اۆگۋست ەلدىڭ بۇكىل تۇرعىنىن* ساناقتان وتكىزۋ جايلى جارلىق شىعاردى.
2 (بۇل سيريانى كيريني باسقارعان كەزدەگى العاشقى حالىق ساناعى بولاتىن.)
3 سوندا اركىم تىزىمگە تىركەلۋ ٷشىن ٶز قالاسىنا باردى.
4 ٴجۇسىپ+ تە عاليلەياداعى نازارەت قالاسىنان شىعىپ، ياھۋدەياداعى ٴداۋىتتىڭ قالاسى بەتلەحەمگە+ جول تارتتى، ويتكەنى ول ٴداۋىتتىڭ اۋلەتىنەن ەدى.
5 ول ايى-كۇنى جاقىنداپ قالعان+ ايەلى مارياممەن+ بىرگە تىركەۋدەن وتپەك بولدى.
6 سول جەردە ٴماريامنىڭ بوساناتىن ۋاقىتى جەتىپ،
7 تۇڭعىش ۇلىن تاپتى+. ونى قۇنداقتاپ، اقىرعا جاتقىزدى+، سەبەبى قوناقۇيدە ولارعا ورىن بولماعان ەدى.
8 سول ماڭدا دالادا تۇنەپ، وتارلارىن كۇزەتىپ جۇرگەن قويشىلار بار ەدى.
9 كەنەتتەن ەحوبانىڭ پەرىشتەسى پايدا بولىپ، ولاردىڭ اينالاسىنا ەحوبانىڭ سالتاناتى نۇرىن شاشتى. قويشىلاردىڭ زارە-قۇتى قالمادى.
10 ٴبىراق پەرىشتە ولارعا بىلاي دەدى: «قورىقپاڭدار! مەن جۇرتتىڭ بارىنە زور قۋانىش اكەلەتىن ىزگى حاباردى جاريالاۋعا كەلدىم.
11 بۇگىن ٴداۋىتتىڭ قالاسىندا+ قۇتقارۋشىلارىڭ+ ٴماسىح* يە+ دۇنيەگە كەلدى.
12 سەندەر بۇل نارەستەنى اقىردا قۇنداقتاۋلى جاتقانىنان تانىپ-بىلەسىڭدەر».
13 كەنەت پەرىشتەنىڭ جانىندا كوكتەگى پەرىشتەلەردىڭ قالىڭ قولى+ پايدا بولدى دا، قۇدايدى ماداقتاپ:
14 «زاڭعار كوكتەگى قۇداي ماداقتالسىن! جەر بەتىندەگى ونىڭ ىقىلاسىنا يە بولعانداردىڭ اراسىندا تىنىشتىق ورناسىن!»— دەدى.
15 پەرىشتەلەر كوككە كوتەرىلىپ كەتكەندە، قويشىلار ٴبىر-بىرىنە: «جۇرىڭدەر، دەرەۋ بەتلەحەمگە بارايىق! ەحوبانىڭ بىزگە ايتقانىنا ساي، نە بولعانىن كورەيىك»،— دەستى.
16 ولار تەزدەتىپ بارىپ، ٴماريام مەن ٴجۇسىپتى جانە اقىردا جاتقان نارەستەنى كوردى.
17 ٴسۇيتىپ، پەرىشتەنىڭ بالاعا قاتىستى ايتقان حابارىن جەتكىزدى.
18 مۇنى ەستىگەندەردىڭ ٴبارى قايران قالدى.
19 ال ٴماريام وسى سوزدەردىڭ بارلىعىن ەسىنە ساقتاپ، كوڭىلىنە ٴتۇيىپ الدى+.
20 قويشىلار كورىپ-ەستىگەندەرىنىڭ ٴبارى وزدەرىنە ايتىلعانداي بولىپ شىققانى ٷشىن قۇدايدى ماداقتاپ، قايتىپ كەتتى.
21 سەگىزىنشى كۇنى بالا سۇندەتتەلىپ+، وعان يسا دەگەن ات قويىلدى. اناسى قۇرساق كوتەرمەس بۇرىن، پەرىشتە وعان وسى ەسىمدى ايتقان ەدى+.
22 مۇسا زاڭىنا ساي، تازارۋ كۇندەرى اياقتالعان سوڭ+، اكە-شەشەسى بالانى ەحوبانىڭ الدىنا اپارۋ ٷشىن يەرۋساليمگە الىپ كەلدى.
23 ويتكەنى ەحوبانىڭ زاڭىندا*: «ٵربىر تۇڭعىش ۇل بالا ەحوباعا باعىشتالسىن*»،— دەلىنگەن+.
24 سونداي-اق ولار «ەكى كەپتەر نە ەكى جاس كوگەرشىن اكەلسىن» دەگەن ەحوبانىڭ زاڭى بويىنشا، قۇرباندىق ۇسىنباقشى بولدى+.
25 يەرۋساليمدە شيمون ەسىمدى كىسى تۇراتىن. ول قۇدايدىڭ يسرايلدى جۇباتاتىن ۋاقىتىن+ كۇتىپ جۇرگەن ٵدىل، قۇدايدى قاستەرلەيتىن جانە كيەلى رۋح قونعان ادام ەدى.
26 سونداي-اق وعان ەحوبا جىبەرگەن ٴماسىحتى كورمەيىنشە ولمەيتىنى كيەلى رۋح ارقىلى اشىلعان بولاتىن.
27 كيەلى رۋحتىڭ جەتەلەۋىمەن شيمون عيباداتحاناعا كەلدى. زاڭ تالابىن ورىنداۋ ٷشىن اتا-اناسى نارەستە يسانى سول جەرگە اكەلگەندە+،
28 شيمون ونى قولىنا الىپ، قۇدايدى بىلاي دەپ ماداقتادى:
29 «الەمنىڭ ٵمىرشىسى، ٶزىڭ الدىن الا ايتقانداي، بالانى كورىپ تۇرمىن، ەندى مىنە، قۇلىڭ تىنىشتىقپەن كوز جۇما الادى+.
30 سەبەبى ٶز كوزىممەن سەن جىبەرگەن قۇتقارۋشىنى+،
31 بارلىق حالىقتارعا كورسەتۋ ٷشىن+ دايىنداعان قۇتقارۋشىڭدى، كوردىم.
32 ول — حالىقتاردى باسقان قاراڭعىلىقتى سەيىلتەتىن نۇر+ ٵرى ٶز حالقىڭ يسرايلدىڭ داڭقى».
33 بالانىڭ اكە-شەشەسى بۇل سوزدەرگە قايران قالىستى.
34 شيمون ولارعا باتاسىن بەرىپ، بالانىڭ اناسى ٴماريامعا بىلاي دەدى: «مىنە، بۇل بالا يسرايلدە كەيبىرەۋلەردىڭ قۇلاۋىنا+، ال وزگە بىرەۋلەردىڭ تۇرۋىنا سەبەپشى بولادى+، كوپشىلىك ونى جەك كورەتىن بولادى+.
35 وسىلايشا كوپ ادامنىڭ جۇرەك تۇكپىرىندەگى ويلارى بىلىنەدى. ال سەنىڭ جانىڭ بولسا، ٴماريام، ۇلكەن سەمسەر سۇعىپ العانداي قاتتى اۋىراتىن بولادى+».
36 سول جەردە اشير رۋىنان شىققان پانۋەلدىڭ قىزى اننا ەسىمدى ەگدە تارتقان پايعامبار بار ەدى. ول قىز كەزىندە قوسىلعان كۇيەۋىمەن 7 جىل وتاسقاننان كەيىن،
37 جەسىر قالعان ەدى. 84 جاستاعى بۇل ايەل ورازا تۇتىپ، قۇدايعا جالبارىنىپ، كۇنى-ٴتۇنى قاسيەتتى قىزمەت اتقارىپ، ۇنەمى عيباداتحانادا بولاتىن.
38 ول دا ٴجۇسىپ پەن ٴماريامنىڭ قاسىنا كەلىپ، قۇدايعا ريزاشىلىق ٴبىلدىردى جانە يەرۋساليمنىڭ قۇتقارىلۋىن كۇتىپ جۇرگەندەردىڭ بارلىعىنا+ بالا تۋرالى ايتا باستادى.
39 ٴسۇيتىپ، ەكەۋى ەحوبانىڭ زاڭىندا تالاپ ەتىلگەننىڭ ٴبارىن ورىنداعان سوڭ+، عاليلەياداعى ٶز قالالارى نازارەتكە قايتىپ كەتتى+.
40 بالا ٶسىپ، كۇش جيناپ، دانالىققا كەنەلە بەردى، سونداي-اق قۇدايدىڭ شاپاعاتىنا بولەنىپ ٴجۇردى+.
41 بالانىڭ اتا-اناسى جىل سايىن يەرۋساليمگە قۇتقارىلۋ مەيرامىنا* باراتىن+.
42 يسا 12 جاسقا تولعاندا، ولار ادەتتەگىدەي مەيرامعا بارىپ+،
43 سوڭىنا دەيىن سول جەردە بولدى. الايدا كەرى قايتقاندا، يسا يەرۋساليمدە قالىپ قويدى. مۇنى اكە-شەشەسى بىلمەي،
44 ونى باسقا جولاۋشىلارمەن بىرگە كەلە جاتىر دەپ ويلادى. ٴبىر كۇندىك جول جۇرگەننەن كەيىن، ولار بالانى تۋىستارى مەن تانىستارىنىڭ اراسىنان ىزدەي باستادى.
45 تاپپاعان سوڭ، يەرۋساليمگە قايتا ورالىپ، تىنباي ىزدەستىردى.
46 ٷش كۇننەن كەيىن ونى عيباداتحانادا ۇستازداردىڭ ورتاسىندا ايتقاندارىن تىڭداپ، سۇراقتار قويىپ وتىرعان جەرىنەن تاپتى.
47 تىڭداپ وتىرعانداردىڭ ٴبارى ونىڭ ۇعىمتالدىعىنا جانە بەرگەن جاۋاپتارىنا قايران قالىستى+.
48 اكە-شەشەسى ونى كورىپ، اڭ-تاڭ بولدى. اناسى وعان: «بالام، بۇل نە قىلعانىڭ؟ اكەڭ ەكەۋمىز ۋايىمداپ، سەنى شارق ۇرىپ ىزدەپ ٴجۇرمىز»،— دەدى.
49 يسا ولارعا: «مەنى نەگە ىزدەدىڭىزدەر؟ مەنىڭ اكەمنىڭ ۇيىندە+ بولۋىم كەرەكتىگىن بىلمەپ پە ەدىڭىزدەر؟»— دەدى.
50 الايدا اكە-شەشەسى ونىڭ سوزدەرىن تۇسىنبەدى.
51 يسا اكە-شەشەسىمەن بىرگە نازارەتكە ورالىپ، ولارعا ٵرى قاراي دا مويىنسۇنىپ ٴجۇردى+. ال اناسى بۇل سوزدەردىڭ ٴبارىن كوڭىلىنە ساقتادى+.
52 يسا ٶسىپ، دانالىعى دا، قۇداي مەن ادامدارعا ۇنامدىلىعى دا ارتا بەردى.
سىلتەمەلەر
^ سوزبە-ٴسوز «سەزار».
^ نەمەسە «بۇكىل دۇنيەجۇزىن».
^ تۇسىندىرمەنى قاراڭىز.
^ تۇسىندىرمەدەگى «زاڭ» ٴسوزىن قاراڭىز.
^ نەمەسە «قاسيەتتى بولسىن». تۇسىندىرمەدەگى «قاسيەتتى» ٴسوزىن قاراڭىز.
^ تۇسىندىرمەنى قاراڭىز.
