ماتاي 23:1—39
23 سوسىن يسا جينالعان جۇرتقا جانە شاكىرتتەرىنە بىلاي دەدى:
2 «مۇسانىڭ ورنىنا ٴدىن مۇعالىمدەرى مەن پارىزشىلدار وتىرىپ الدى.
3 سوندىقتان ولاردىڭ ايتقاندارىنىڭ ٴبارىن ورىنداڭدار، ٴبىراق ىستەگەندەرىن ىستەمەڭدەر. ويتكەنى ولار ايتادى، ٴبىراق ىستەمەيدى+.
4 ولار اۋىر جۇكتەردى بايلاپ، ادامداردىڭ يىعىنا ارتىپ قويادى+. ال وزدەرى ساۋساعىنىڭ ۇشىن دا تيگىزگىلەرى كەلمەيدى+.
5 بارلىق ىستەرىن ولار جۇرت كوزىنە ٴتۇسۋ ٷشىن ىستەيدى+. مىسالى، تۇمارلارىن*+ ۇلكەيتىپ، كيىمدەرىنىڭ شاشاقتارىن ۇزارتادى+،
6 قوناقاسىلاردا توردە جانتايىپ، ٴماجىلىسحانالاردا الدىڭعى ورىنداردا وتىرعاندى ۇناتادى+،
7 سونداي-اق بازار الاڭدارىندا جۇرتتىڭ وزدەرىنە سالەم بەرگەنىن جانە «ۇستاز»* دەپ اتاعانىن جاقسى كورەدى.
8 ٴبىراق سەندەر وزدەرىڭدى «ۇستاز»+ دەپ اتاتپاڭدار، سەبەبى ۇستازدارىڭ بىرەۋ-اق، ال سەندەر ٶزارا باۋىرلاسسىڭدار.
9 سونىمەن قاتار جەر بەتىندەگى ەشكىمدى «اكە»* دەپ اتاماڭدار، سەبەبى اكەلەرىڭ+ بىرەۋ-اق. ول — كوكتەگى اكەلەرىڭ.
10 وزدەرىڭدى «كوسەم» دەپ تە اتاتپاڭدار، ويتكەنى كوسەمدەرىڭ بىرەۋ-اق. ول — ٴماسىح.
11 قايتا، ارالارىڭداعى ەڭ ۇلىلارىڭ سەندەرگە قىزمەتشى بولسىن+.
12 ٶزىن جوعارىلاتقان اركىم تومەندەتىلەدى+، ال ٶزىن تومەن تۇتقان اركىم جوعارىلاتىلادى+.
13 ٴدىن مۇعالىمدەرى مەن پارىزشىلدار، ەكىجۇزدىلەر، سەندەر قاسىرەتكە قالاسىڭدار! ويتكەنى جۇرت ٷشىن كوك پاتشالىعىنىڭ ەسىگىن قۇلىپتاپ قويىپ، وزدەرىڭ دە كىرمەيسىڭدەر، كىرگىسى كەلەتىندەردى دە كىرگىزبەيسىڭدەر+.
14 *——
15 ٴدىن مۇعالىمدەرى مەن پارىزشىلدار، ەكىجۇزدىلەر+، سەندەر قاسىرەتكە قالاسىڭدار! ٴبىر ادامدى بولسا دا دىندەرىڭە كىرگىزۋ ٷشىن، تەڭىز بەن قۇرلىقتى شارلاپ شىعاسىڭدار. ال كىرگىزگەن سوڭ، ونى وزدەرىڭنەن ەكى ەسە جامان ەتىپ، جاھاننامعا* تۇسۋگە لايىق قىلاسىڭدار.
16 سوقىر جەتەكشىلەر+، سەندەر قاسىرەتكە قالاسىڭدار! ويتكەنى «ەگەر بىرەۋ عيباداتحانامەن انت ەتسە، ونى ورىنداۋعا مىندەتتى ەمەس، ال عيباداتحانا التىنىمەن انت ەتسە، ونى ورىنداۋعا مىندەتتى»+ دەيسىڭدەر.
17 تۇيسىكسىز سوقىرلار! قايسىسى ماڭىزدى: التىن با، الدە سول التىندى قاسيەتتى ەتەتىن عيباداتحانا ما؟
18 سونداي-اق سەندەر «كىم قۇرباندىق وشاعىمەن انت ەتسە، ونى ورىنداۋعا مىندەتتى ەمەس، ال ونىڭ ۇستىندەگى سي-تارتۋمەن انت ەتسە، ونى ورىنداۋعا مىندەتتى» دەيسىڭدەر.
19 كور سوقىرلار! قايسىسى ماڭىزدى: سي-تارتۋ ما، الدە ونى قاسيەتتى ەتەتىن قۇرباندىق وشاعى ما؟
20 سوندىقتان قۇرباندىق وشاعىمەن انت ەتكەن ادام ونىمەن جانە ونىڭ ۇستىندەگىلەردىڭ بارىمەن انت ەتەدى،
21 عيباداتحانامەن انت ەتكەن ادام ونىمەن جانە وندا مەكەندەيتىن+ قۇدايمەن انت ەتەدى،
22 ال كوكپەن انت ەتكەن ادام قۇدايدىڭ تاعىمەن جانە وندا وتىرعان تۇلعامەن انت ەتەدى.
23 ٴدىن مۇعالىمدەرى مەن پارىزشىلدار، ەكىجۇزدىلەر، سەندەر قاسىرەتكە قالاسىڭدار! سەبەبى جالبىز، اسكوك، زيرە سياقتى دامدەۋىشتەردىڭ وننان ٴبىر بولىگىن+ بەرەسىڭدەر، ال مۇسا زاڭىنداعى ادىلدىك+، مەيىرىمدىلىك+ جانە ادالدىق سياقتى اناعۇرلىم ماڭىزدى نارسەلەردى ەلەمەيسىڭدەر. ٴبىرىنشىسىن دە ىستەپ، ەكىنشىسىن دە ەلەۋسىز قالدىرماۋلارىڭ كەرەك ەدى+.
24 ماسانى ٴسۇزىپ تاستاپ+، تۇيەنى تۇگىمەن جۇتاتىن+ سوقىر جەتەكشىلەر+!
25 ٴدىن مۇعالىمدەرى مەن پارىزشىلدار، ەكىجۇزدىلەر، سەندەر قاسىرەتكە قالاسىڭدار! سەبەبى ىدىس-اياقتىڭ سىرتىن تازالايسىڭدار+، ٴبىراق ولاردىڭ ٸشى اشكوزدىك*+ پەن ٴناپسىقورلىققا تولى+.
26 سوقىر پارىزشىل، ىدىس-اياقتىڭ سىرتى تازا بولۋ ٷشىن، الدىمەن ٸشىن تازارت.
27 ٴدىن مۇعالىمدەرى مەن پارىزشىلدار، ەكىجۇزدىلەر+، سەندەر قاسىرەتكە قالاسىڭدار+! ويتكەنى سىرتىنان ادەمى كورىنەتىن، ٴبىراق ٸشى ولىكتەردىڭ سۇيەگى مەن ٴتۇرلى ارام نارسەلەرگە تولى اكتەلگەن مولالارعا ۇقسايسىڭدار:
28 سىرتتارىڭنان ٵدىل بولىپ كورىنەسىڭدەر، ٴبىراق ىشتەرىڭ ەكىجۇزدىلىك پەن زاڭسىزدىققا تولى+.
29 ٴدىن مۇعالىمدەرى مەن پارىزشىلدار، ەكىجۇزدىلەر+، سەندەر قاسىرەتكە قالاسىڭدار! پايعامبارلارعا قابىر جاساپ، ادىلدەردىڭ مولالارىن ادەمىلەپ+،
30 «اتا-بابالارىمىزدىڭ زامانىندا ٶمىر سۇرسەك، ولارعا قوسىلىپ پايعامبارلاردىڭ قانىن توكپەس ەدىك» دەيسىڭدەر.
31 وسىلايشا پايعامبارلاردى ولتىرگەندەردىڭ+ ٷرىم-بۇتاعى ەكەندەرىڭدى مويىنداپ، وزدەرىڭە قارسى كۋالىك ەتەسىڭدەر.
32 ولاي بولسا، اتا-بابالارىڭنىڭ زۇلىم ىستەرىنىڭ مولشەرىن تولتىرا بەرىڭدەر!
33 جىلاندار، ۋلى جىلاننىڭ ۇرپاعى+! سەندەر سوتتالىپ، جاھاننامعا تۇسۋدەن قالاي قۇتىلماقسىڭدار+؟
34 سول سەبەپتى مەن سەندەرگە پايعامبارلاردى+، دانا ادامدار مەن تالىمگەرلەردى+ جىبەرىپ جاتىرمىن. ٴبىراق سەندەر ولاردىڭ كەيبىرىن ٶلتىرىپ+، باعاناعا ىلەسىڭدەر، كەيبىرىن ٴماجىلىسحانالارىڭدا ساباپ+، قالادان قالاعا قۋدالايسىڭدار+.
35 سول ٷشىن جەر بەتىندە توگىلگەن كۇللى ادىلدەردىڭ قانى — ٵدىل بولعان ابىلدەن+ باستاپ، وزدەرىڭ عيباداتحانا مەن قۇرباندىق وشاعىنىڭ اراسىندا ولتىرگەن باراقيا ۇلى زاكارياعا دەيىنگىلەردىڭ قانى — سەندەردىڭ مويىندارىڭدا بولادى+.
36 سەندەرگە شىندىعىن ايتامىن، مۇنىڭ بارلىعى وسى ۇرپاقتىڭ موينىنا جۇكتەلەدى!
37 يەرۋساليم، پايعامبارلاردىڭ كوزىن قۇرتىپ، وزىنە جىبەرىلگەندەردى تاس لاقتىرىپ ولتىرەتىن يەرۋساليم-اي+! بالاپاندارىن قاناتىنىڭ استىنا جينايتىن تاۋىق سياقتى، مەن دە سەنىڭ بالالارىڭدى قانشا رەت جيناماقشى بولدىم! ٴبىراق سەندەر مۇنى قالامادىڭدار+.
38 مىنە، قۇداي ۇيلەرىڭدى* تاستاپ كەتەدى*+.
39 سەندەرگە مىنانى ايتامىن: «ەحوبانىڭ اتىنان كەلە جاتقان ول جارىلقانعان!»+ دەمەگەندەرىڭشە، مەنى كورمەيسىڭدەر».
سىلتەمەلەر
^ بۇل كيەلى جازبالاردان كوشىرىلگەن ۇزىندىلەر سالىناتىن قوراپشالار بولعان. ياھۋدي ەر كىسىلەر ونى وزدەرىن قورعاپ جۇرەدى دەگەن ويمەن ماڭدايلارى مەن سول قولدارىنا بايلاپ جۇرەتىن.
^ سوزبە-ٴسوز «راۆۆي».
^ بۇل جەردە يسا «اكە» دەگەن ٴسوزدى ٴدىني لاۋازىم رەتىندە قولدانباۋ كەرەكتىگىن ايتقان.
^ بۇل ٷزىندى گرەك تىلىندەگى كونە قولجازبالاردىڭ كەيبىرىندە كەزدەسپەيدى. A3 قوسىمشاسىن قاراڭىز.
^ تۇسىندىرمەنى قاراڭىز.
^ نەمەسە «توناۋشىلىق».
^ ياعني عيباداتحانالارىڭ.
^ مۇمكىن: «ۇيلەرىڭ قاڭىراپ بوس قالدىرىلادى».
