مارقا 3:1—35
3 تاعى بىردە ول ٴماجىلىسحاناعا كىرگەندە، سول جەردە قولى سەمىپ قالعان* ٴبىر كىسى بار ەدى+.
2 پارىزشىلدار يسانى ايىپتاۋعا سىلتاۋ ىزدەپ، دەمالىس كۇنى الگى ادامدى ساۋىقتىرار ما ەكەن دەپ، ونى مۇقيات باقىلاۋمەن بولدى.
3 ول قولى سەمگەن ادامعا: «تۇرەگەلىپ، ورتاعا كەل»،— دەدى.
4 سوسىن ولارعا مىناداي سۇراق قويدى: «دەمالىس كۇنى نە ىستەگەن دۇرىس: جاقسىلىق پا، جاماندىق پا؛ جاندى* قۇتقارۋ ما، ٶلتىرۋ مە؟»+ ٴبىراق ولار ۇندەمەدى.
5 جۇرەكتەرىنىڭ شەمەندەنىپ كەتكەنىنە+ قاتتى قايعىرعان يسا اينالاسىنداعىلارعا اشۋلانا قارادى دا، الگى ادامعا: «قولىڭدى سوز!»— دەدى. ول سوزعاندا، قولى ساپ-ساۋ قالپىنا كەلدى.
6 سوندا پارىزشىلدار سىرتقا شىعىپ، يسانىڭ كوزىن قۇرتۋ ٷشىن بىردەن يرودتىڭ جاقتاستارىمەن*+ كەڭەسۋگە كىرىستى.
7 ٴبىراق يسا شاكىرتتەرىمەن تەڭىز جاققا كەتىپ قالدى. ونىڭ سوڭىنان عاليلەيا مەن ياھۋدەيادان كەلگەن قالىڭ جۇرت ىلەستى+.
8 ونىڭ كوپتەگەن ىستەرى جايلى ەستىگەن جاماعات ٴتىپتى يەرۋساليم مەن يدۋمەيادان، يورداننىڭ ارعى بەتىنەن، تير مەن سيدون ايماعىنان وعان قاراي اعىلدى.
9 ٴيىن تىرەسكەن جۇرتتىڭ اراسىندا قىسىلىپ قالماس ٷشىن، ول شاكىرتتەرىنە ٴبىر كىشكەنە قايىقتى دايىن ۇستاۋدى تاپسىردى.
10 كوپ ادامدى ساۋىقتىرعاندىقتان، اۋىر كەسەلگە دۋشار بولعانداردىڭ ٴبارى وعان قولىن تيگىزبەك بولىپ ەنتەلەپ جاتتى+.
11 ٴتىپتى جىندار+ ونى كورگەندە، الدىنا جىعىلىپ: «سەن قۇداي ۇلىسىڭ!»— دەپ ايعايلاپ جاتتى+.
12 ٴبىراق يسا ولارعا ٶزىنىڭ كىم ەكەنىن ايتۋعا قايتا-قايتا قاتاڭ تيىم سالدى+.
13 بۇدان كەيىن ول تاۋعا كوتەرىلىپ، ٶزى قالاعان ادامداردى شاقىرىپ+، قاسىنا جينادى+.
14 ٴسۇيتىپ، ارالارىنان ون ەكىسىن تاڭداپ، «ەلشىلەر» دەپ اتادى. يسا ولاردى ۇنەمى وزىمەن بىرگە بولۋ ٷشىن، ۋاعىزداۋعا جىبەرۋ ٷشىن
15 جانە جىنداردى قۋىپ شىعاراتىن بيلىك بەرۋ+ ٷشىن تاڭداپ الدى.
16 يسا تاڭداعان 12 ەلشى مىنالار+: ول پەتىر دەپ تە اتاعان شيمون+،
17 زەبەدەيدىڭ ۇلدارى جاقىپ پەن جوحان (يسا ولاردى بوانەرگەس دەپ تە اتاعان. بۇل «كۇن كۇركىرىنىڭ ۇلدارى» دەگەندى بىلدىرەدى+).
18 سونىمەن قاتار ٵندىر، ٴفىلىپ، بارتالاماي، ماتاي، توما، الپەي ۇلى جاقىپ، تادەي جانە كانانەي* شيمون،
19 سونداي-اق كەيىننەن وعان وپاسىزدىق جاساعان ياھۋدا يسقاريوت.
سوسىن يسا ۇيگە كىردى.
20 تاعى دا كوپ جۇرت جينالعاندىقتان، ولاردىڭ ٴتىپتى تاماقتانۋعا مۇرشالارى بولمادى.
21 يسانىڭ ىستەرى تۋرالى ەستىگەندە، تۋىستارى: «ول اقىلىنان اداسىپتى»،— دەپ، ونى ۇستاپ اكەتپەك بولدى+.
22 ال يەرۋساليمنەن كەلگەن ٴدىن مۇعالىمدەرى: «ونىڭ بويىن بەلزەبۇل* بيلەپ العان. ول جىنداردى جىنداردىڭ ٵمىرشىسىنىڭ كۇشىمەن قۋىپ شىعارادى»،— دەستى+.
23 سوندا يسا ولاردى شاقىرىپ الىپ، مىناداي مىسالدار كەلتىردى: «قالاي شايتان شايتاندى قۋىپ شىعارا الادى؟
24 جىككە بولىنگەن پاتشالىق كۇيرەيدى+،
25 جىككە بولىنگەن وتباسى دا ويران بولادى.
26 سول سياقتى، شايتان ٶز-وزىنە قارسى شىعىپ، جىككە بولىنسە، وندا بەرىك تۇرا الماي، قۇريدى.
27 كۇشتىنىڭ ٷيىن توناۋعا كەلگەن ەشكىم دە ونىڭ ٶزىن بايلاپ تاستامايىنشا، مۇلكىن توناي المايدى. بايلاپ تاستاعاننان كەيىن عانا، ونىڭ ٷيىن توناي الادى.
28 سەندەرگە شىندىقتى ايتامىن، ادام قانداي كۇنا جاساماسىن، قانداي قورلايتىن ٴسوز ايتپاسىن — بارلىعى كەشىرىلەدى.
29 الايدا كىمدە-كىم كيەلى رۋحقا قارسى قورلايتىن سوزدەر ايتسا، وعان ەشقاشان كەشىرىم بولمايدى+، ونىڭ كۇناسى ماڭگى موينىندا قالادى+».
30 يسا مۇنى الگىلەردىڭ «ونىڭ بويىن جىن بيلەپ العان» دەگەندەرى ٷشىن ايتتى+.
31 يسانىڭ اناسى مەن باۋىرلارى+ كەلىپ، سىرتتا تۇرىپ، ونى شاقىرتتى+.
32 وسى كەزدە ونىڭ اينالاسىندا كوپ ادام وتىرعان ەدى. سولاردىڭ ٴبىرى وعان: «سىرتتا اناڭىز بەن باۋىرلارىڭىز تۇر، ٴسىزدى سۇراپ جاتىر»،— دەدى+.
33 سوندا ول: «مەنىڭ انام مەن باۋىرلارىم كىم؟»— دەدى دە،
34 اينالاسىندا وتىرعانداردى كوزىمەن شولىپ شىعىپ: «مىنە، مەنىڭ انام جانە باۋىرلارىم+!
35 كىم قۇداي ەركىن ورىنداسا، سول — مەنىڭ باۋىرىم، اپكە-قارىنداسىم جانە انام+»،— دەدى.
سىلتەمەلەر
^ نەمەسە «قولى سال».
^ نەمەسە «ٶمىردى». تۇسىندىرمەنى قاراڭىز.
^ تۇسىندىرمەنى قاراڭىز.
^ نەمەسە «قۇلشىنعان».
^ شايتانعا قاتىستى قولدانىلعان ەسىم.
