مالاحي 2:1—17
2 «ەندى، ۋا، ٴدىني قىزمەتكەرلەر، سەندەرگە مىناداي نۇسقاۋ بەرەمىن+:
2 ەگەر ونى تىڭداۋدان باس تارتىپ، مەنىڭ ەسىمىمدى داڭقتاۋ ٷشىن، ونى كوڭىلدەرىڭە ٴتۇيىپ الماساڭدار،— دەيدى اسكەرباسى ەحوبا،— سەندەرگە قارعىس جىبەرەمىن+، باتالارىڭدى قارعىسقا اينالدىرامىن+. ٴيا، باتالارىڭدى قارعىسقا اينالدىرىپ تا قويدىم، ويتكەنى سەندەر نۇسقاۋىمدى كوڭىلدەرىڭە ٴتۇيىپ المادىڭدار».
3 «سەپكەن تۇقىمدارىڭدى سەندەرگە بولا قۇرتامىن+. بەتتەرىڭە مالدىڭ جىنىن، مەيرامدارىڭدا قۇرباندىققا شالعان مالداردىڭ جىنىن، شاشامىن. سەندەر سوعان* تاستالاسىڭدار.
4 سوندا وسى نۇسقاۋدى سەندەرگە لەۋىمەن جاساسقان كەلىسىمىمدى كۇشىندە قالدىرۋ ٷشىن بەرگەنىمدى بىلەتىن بولاسىڭدار+»،— دەيدى اسكەرباسى ەحوبا.
5 «ونىمەن جاساسقان كەلىسىمىمنىڭ ماقساتى ٶمىر مەن تىنىشتىق سيلاۋ ەدى. وسى ەكەۋىن دە مەنەن قورقىپ* ٴجۇرۋ ٷشىن وعان بەرىپ كەلدىم. ول مەنەن قورقىپ، ەسىمىمدى قاستەرلەپ ٴجۇردى.
6 ول اۋزىنان شىندىق زاڭىن تاستامايتىن+، جالعاندىق اتاۋلىنى ايتپايتىن. ول مەنىمەن تاتۋ بولىپ، ٵدىل ٴجۇرىپ-تۇراتىن+. سونداي-اق كوپ ادامدى تەرىس جولدان قايتاردى.
7 سەبەبى ٴدىني قىزمەتكەردىڭ اۋزىندا ٵردايىم قۇداي جايلى ٴبىلىم بولۋ كەرەك، ال حالىق سونىڭ اۋزىنان زاڭدى ەستۋ قاجەت+. ويتكەنى ول — اسكەرباسى ەحوبانىڭ حابارشىسى عوي.
8 الايدا وزدەرىڭ تۋرا جولدان تايىپ كەتتىڭدەر. زاڭدى ورىنداۋعا قاتىستى* كوپ ادامعا سۇرىندىرەتىن تاس بولدىڭدار+. لەۋىمەن جاساسقان كەلىسىمدى بۇزدىڭدار+،— دەيدى اسكەرباسى ەحوبا.—
9 مەنىڭ جولىممەن جۇرمەي، زاڭدى ورىنداعاندا الالاۋشىلىق+ تانىتقاندارىڭ ٷشىن، مەن سەندەردى كۇللى جۇرتقا جەككورىنىشتى ەتىپ، ابىرويلارىڭدى تۇسىرەمىن».
10 «ٴبارىمىزدىڭ اكەمىز ٴبىر ەمەس پە+؟! ٴبارىمىزدى ٴبىر قۇداي جاراتقان جوق پا؟! ەندەشە، نەگە ٴبىر-بىرىمىزگە وپاسىزدىق جاساپ+، اتا-بابالارىمىزبەن جاساسقان كەلىسىمدى اياقاستى ەتىپ جاتىرمىز؟
11 ياھۋدا وپاسىزدىق جاسادى. يسرايل مەن يەرۋساليمدە جەكسۇرىن ىستەر ورىن الدى. ياھۋدا ەحوبانىڭ جاقسى كورەتىن قاسيەتتىلىگىن*+ ارامداپ، بوتەن قۇدايدىڭ قىزىن ايەلدىككە الدى+.
12 ەحوبا وسىلاي ىستەيتىن اركىمدى — ول كىم بولماسىن*، مەيلى اسكەرباسى ەحوباعا سي-تارتۋ اكەلۋشى+ بولسىن — جاقىپتىڭ شاتىرلارىنان الاستاتادى».
13 «سەندەر ىستەپ جۇرگەن تاعى ٴبىر نارسە بار. سونىڭ كەسىرىنەن ەحوبانىڭ قۇرباندىق وشاعى جىلاعانداردىڭ، زار ەڭىرەگەندەر مەن كۇرسىنگەندەردىڭ كوز جاسىنا تولۋدا. سوندىقتان ول بۇدان بىلاي سي-تارتۋلارىڭا نازار سالمايدى، قولدارىڭنان ەشتەڭەنى ريزالىقپەن قابىل المايدى+.
14 سەندەر «نەگە؟» دەيسىڭدەر. سەبەبى جاستاي ۇيلەنگەن ايەلدەرىڭە وپاسىزدىق جاسادىڭدار. ولار ومىرلىك سەرىكتەرىڭ ٵرى كەلىسىم جاساسىپ العان جارلارىڭ* عوي+. جاساعان بۇل قياناتتارىڭا ەحوبا كۋا.
15 الايدا بۇلاي ىستەمەگەندەر دە بار، ويتكەنى ولاردا قۇداي رۋحى قالعان. ولار نەنى قالادى؟ قۇدايدىڭ شىن حالقى بولاتىن ۇرپاقتى* قالادى. ەندەشە، دۇرىس وي-نيەتتەرىڭدى ساقتاڭدار، جاستاي ۇيلەنگەن ايەلدەرىڭە وپاسىزدىق جاساماڭدار.
16 ويتكەنى مەن ەرلى-زايىپتىنىڭ اجىراسقانىن جەك كورەمىن+،— دەيدى يسرايل سيىنعان قۇداي ەحوبا.— زورلىق-زومبىلىقپەن كيىمىن بىلعاعان ادامدى جەك كورەمىن،— دەيدى اسكەرباسى ەحوبا.— ولاي بولسا، دۇرىس وي-نيەتتەرىڭدى ساقتاڭدار، وپاسىزدىق جاساماڭدار+.
17 سەندەر ايتقان سوزدەرىڭمەن ەحوبانى شارشاتتىڭدار+. ٴبىراق: —ٴبىز ونى قالاي شارشاتتىق؟— دەيسىڭدەر. «جاماندىق جاسايتىن اركىمگە ەحوبا وڭ كوزبەن قارايدى، ونى ىقىلاسىنا بولەيدى+» نەمەسە «ادىلەتتىڭ قۇدايى قايدا؟» دەگەن سوزدەرىڭمەن شارشاتتىڭدار».
سىلتەمەلەر
^ ياعني قۇرباندىق مالىنىڭ جىنى تاستالاتىن جەرگە.
^ نەمەسە «قاستەرلەپ».
^ مۇمكىن: «بەرگەن تالىمدەرىڭمەن».
^ مۇمكىن: «قاسيەتتى ورىندى».
^ سوزبە-ٴسوز «وياۋ بولعاندى جانە جاۋاپ بەرۋشىنى».
^ نەمەسە «زاڭدى ايەلدەرىڭ».
^ سوزبە-ٴسوز «قۇدايدىڭ ۇرپاعىن».
