ميحا 1:1—16
1 ياھۋدانىڭ پاتشالارى+ جوتام+، احاز+ جانە ەزەكيانىڭ+ كۇندەرىندە ەحوبا* مورەشەتتىك ميحاعا*+ ساماريا مەن يەرۋساليمگە قاتىستى ايان بەرىپ، مىنا ٴسوزىن ارنادى:
2 «بارلىق حالىقتار، تىڭداڭدار!
ۋا، جەر مەن ونداعىنىڭ ٴبارى، كوڭىل بۇرىڭدار!
ەحوبا ٶزىنىڭ كيەلى عيباداتحاناسىندا.
سول جەردەن الەمنىڭ ٵمىرشىسى ەحوبا سەندەرگە قارسى كۋالىك ەتسىن+.
3 مىنە، ەحوبا ٶز تۇراعىنان شىعىپ كەلەدى،ول تومەن ٴتۇسىپ، جەردەگى بيىك توبەلەردى تاپتايدى.
4 ونىڭ اياعىنىڭ استىنداعى تاۋلار+
وتقا ەرىگەن بالاۋىزداي ەريدى.
تىك جاردان اققان سۋداناڭعارلار قاق ايىرىلادى.
5 مۇنىڭ ٴبارى جاقىپ كوتەرگەن بۇلىكتىڭ،يسرايل ٷيىنىڭ كۇنالارىنىڭ كەسىرىنەن بولماق+.
جاقىپتىڭ بۇلىگىنە كىم جاۋاپتى؟
ساماريا+ ەمەس پە؟
ال ياھۋدانىڭ عيبادات توبەلەرى+ ٷشىن كىم جاۋاپتى؟
يەرۋساليم ەمەس پە؟
6 مەن ساماريانى دالاداعى ۇيىندىگە،جۇزىمدىك ەگەتىن جەرگە اينالدىرامىن.
ونىڭ تاستارىن اڭعارعا لاقتىرىپ،ىرگەتاسىن جالاڭاشتاپ تاستايمىن.
7 ٴتاڭىر مۇسىندەرىنىڭ ٴبارى كۇل-تالقان بولادى+،ازعىندىعى ٷشىن العان سيلارىنىڭ ٴبارى وتقا جاعىلادى+.
مەن ونىڭ بارلىق پۇتتارىن جويامىن.
ولاردى ساماريا ازعىندىعىنىڭ اقىسىنا جيناعان ەدى،ەندى ولارى قايتادان ازعىندىققا تولەۋ ٷشىن اكەتىلەدى».
8 سول ٷشىن مەن زار ەڭىرەپ، ىڭىرسيمىن+،جالاڭاياق، كيىمسىز جۇرەمىن+.
ۇلىعان شيبورىدەي زارلايمىن،شاڭقىلداعان تۇيەقۇستاي قايعىرامىن.
9 ويتكەنى ساماريانىڭ جاراسى — ايىقپاس جارا+،ول ياھۋداعا دەيىن جايىلدى+.
بۇل ىندەت ٴتىپتى حالقىمنىڭ قاقپاسىنا، يەرۋساليمگە، دەيىن جەتتى+.
10 «ول تۋرالى عاتتا جاريالاماڭدار.
ولارعا كوز-جاستارىڭدى كورسەتپەڭدەر!
بەت-افرادا توپىراققا اۋناڭدار.
11 ۋا، ٴشافيردىڭ تۇرعىندارى، ماسقارا بولىپ،جالاڭاش كۇيى جەر اۋدارىلىپ كەتىڭدەر.
ساناننىڭ تۇرعىندارى قورقىپ، سىرتقا شىقپادى.
بەت-ەزەلدە زارلاعان داۋىستار شىعادى،ول ەندى سەندەرگە قورعانىش بولمايدى.
12 ماروتتىڭ تۇرعىندارى جاقسىلىق كۇتىپ ەدى،ٴبىراق ەحوبا يەرۋساليمنىڭ قاقپاسىنا اپات جىبەردى.
13 ۋا، ٴلاحيشتىڭ+ تۇرعىندارى، ارباعا اتتارىڭدى جەگىڭدەر،سەندەردەن سيون قىزىنىڭ كۇناسى باستاۋ الدى،ال سەنەن، سيون قىزى، يسرايلدىڭ بۇلىگى شىقتى+.
14 سوندىقتان سەن قوشتاسقاندا، مورەشەت-عاتقا سي-تارتۋ بەرەسىڭ.
اقزيپتىڭ+ ۇيلەرى يسرايل پاتشالارىنىڭ ۇمىتتەرىن اقتامادى.
15 ۋا، مارەشاحتىڭ+ تۇرعىندارى، مەن سەندەرگە جاۋلاپ الۋشىنى جىبەرەمىن+.
يسرايلدىڭ داڭقتىسى ادوللامعا+ دەيىن جەتەدى.
16 سۇيىكتى بالالارىڭدى جوقتاپ، شاشتارىڭدى تاقىرلاپ الىڭدار.
باستارىڭدى تازقارانىڭ باسىنداي ەتىپ تاقىرلاڭدار،ويتكەنى بالالارىڭ جەر اۋدارىلىپ اكەتىلەدى+».
سىلتەمەلەر
^ بۇل — قۇدايدىڭ ەسىمى. تۇسىندىرمەنى قاراڭىز.
^ «ميحاەل» نەمەسە «ميكاياح» دەگەن ەسىمنىڭ قىسقارعان ٴتۇرى. ماعىناسى «ەحوبا سياقتى كىم بار؟»