ميحا 2:1—13
2 «قيانات جاساۋدى جوسپارلايتىندار،توسەكتە جاتىپ، زۇلىمدىق ويلاستىراتىندار قاسىرەتكە قالادى!
قولدارىندا كۇش بولعاندىقتان،تاڭ اتىسىمەن مۇنىسىن جۇزەگە اسىرادى+.
2 ولار بىرەۋدىڭ ەگىستىگىن ۇناتىپ، ونى تارتىپ الادى+.
بىرەۋدىڭ ۇيىنە كوز سالىپ، ونى يەلەنىپ الادى.
الداپ-سۋلاپ ادامدى ٶز ۇيىنەن،ونى مۇرالىق مەنشىگىنەن ايىرادى+.
3 سول سەبەپتى ەحوبا مىنانى ايتادى:
—مەن دە بۇل حالىققا اپات جىبەرۋدى ويلاستىرۋدامىن+، ودان ەشكىم قاشىپ قۇتىلمايدى+.
بۇدان بىلاي كوكىرەك كەرىپ جۇرمەيسىڭدەر+، ويتكەنى ول قيىن-قىستاۋ كەز بولماق+.
4 سول كۇنى جۇرت سەندەر تۋرالى ناقىل ٴسوز ايتادى،باستارىڭا تۇسكەن قاسىرەتكە زار ەڭىرەپ جىلاپ+:
«ٴبىز قۇرىپ بىتتىك+!
ول حالقىمنىڭ مەنشىگىن باسقا بىرەۋگە بەردى؛ ونى بىزدەن تارتىپ الدى+!
تانابىمىزدى وپاسىز جاۋدىڭ قولىنا بەردى»،— دەيدى.
5 سوندىقتان ەحوبانىڭ قاۋىمىندا جەرىڭدى بولەتىن،ولشەۋىش ٴجىپتى تارتاتىن ەشكىم بولمايدى.
6 ولار: «ۋاعىزداۋدى توقتاتىڭدار!
بۇل نارسەلەر تۋرالى ۋاعىزداماڭدار،ٴبىز ماسقاراعا قالمايمىز!»— دەۋدە.
7 ۋا، جاقىپتىڭ ٷيى، حالقىڭ:
«ەحوبانىڭ رۋحى شىدامسىز بولىپ قالعان با؟
ول شىنىمەن وسىلاي ىستەمەك پە؟»— دەپ جۇرگەن جوق پا؟!
تۋرا ٴجۇرىپ-تۇراتىندارعا مەنىڭ ٴسوزىم جاقسىلىق اكەلمەي مە؟!
8 سوڭعى كەزدە ٶز حالقىم ماعان جاۋ سياقتى قارسى شىقتى.
سەندەر شايقاستان قايتقان ادامدارداي الاڭسىز ٶتىپ بارا جاتقانداردانۇستىندەگى كيىمدەرىن اشەكەيلەرىمەن قوسا* اشىقتان-اشىق سىپىرىپ الاسىڭدار.
9 سەندەر حالقىمنىڭ ىشىندەگى ايەلدەردى جايلى ۇيلەرىنەن قۋىپ،بالالارىنان مەنىڭ زور باتالارىمدى ٴبىرجولا الىپ قويىپ جاتىرسىڭدار.
10 تۇرىڭدار، كەتىڭدەر، مۇندا تىنىشتىق جوق.
ارامدانعاندىقتان+ بۇل جەر كۇيرەپ، تاس-تالقانى شىقتى+.
11 ەگەر بىرەۋ بوس ٵرى جالعان نارسەنىڭ سوڭىنان قۋىپ:
«سەندەرگە شاراپ پەن ىشىمدىك جايلى ۋاعىزدايمىن»،— دەپ وتىرىك ايتسا،مىنا حالىققا كەرەگى دە ٴدال سونداي پايعامبار بولار ەدى+!
12 ۋا، جاقىپ، سەندەردى ٴسوزسىز جيناپ الامىن!
يسرايلدىڭ تامتىعىن مىندەتتى تۇردە جينايمىن+.
قوراداعى قويداي، جايىلىمداعى وتارداي ولاردى بىرىكتىرەمىن+.
سول جەردەن قالىڭ جاماعاتتىڭ قۋانىشتى ٷنى شىعاتىن بولادى+.
13 الدارىندا قابىرعا جاراتىن بىرەۋ ٴجۇرىپ وتىرادى.
ولار قاقپانى بۇزىپ، سىرتقا شىعادى+.
پاتشاسى الدارىندا جۇرەدى،ال كوش باسىندا ەحوبا تۇرادى+».
سىلتەمەلەر
^ مۇمكىن: «كيىمدەرىنەن اشەكەيلەرىن».
