ميحا 7:1—20
7 قاسىرەتكە قالدىم-اۋ!
مەن جازعى جەمىس جينالعاننان كەيىن،ٴجۇزىم ماساعى تەرىلگەننەن كەيىن،جەمىس ىزدەگەن كىسىدەيمىن.
جەيتىن بىردە-ٴبىر ٴجۇزىم شوعى قالماعان،كوڭىلىم قالاعان ەرتە پىسكەن ٸنجىر دە جوق.
2 جەر بەتىنەن بىردە-ٴبىر ادال جان تاپپايسىڭ،جۇرت اراسىندا شىنشىل ەشكىم جوق+.
بارلىعى قان توكپەككە بىرەۋدى اڭدىپ جاتادى+.
ٴارقايسىسى ٶز باۋىرىن ۇستاماق بولىپ اۋ تاستايدى.
3 ولاردىڭ قولى جاماندىق ىستەۋگە ەپتى+،ٵمىرشى سي-تارتۋ تالاپ ەتەدى،تورەشى پارا سۇرايدى+،بەدەلدى ادام ٶز قۇلقىنىن اشىق تانىتادى+،ولار ٴبىر-بىرىمەن اۋىز جالاسادى.
4 بەتكە ۇستار كىسىلەرى تىكەن ىسپەتتى،ەڭ شىنشىلدارىنىڭ ٶزى تىكەندى شەڭگەلدەن دە جامان.
ولاردىڭ* كۇزەتشىلەرى ايتىپ كەتكەن كۇن،حالىق* جاۋاپقا تارتىلاتىن كۇن كەلەدى+.
سوندا ولار ابدەن ابىرجىپ، ساسادى+.
5 جولداسىڭا سەنىم ارتپا،جاقىن دوسىڭا دا سەنبە+.
قوينىڭدا جاتقان جارىڭا دا سىرىڭدى اشپا.
6 سەبەبى ۇلى اكەسىن جەك كورەدى،قىزى شەشەسىنە قارسى شىعۋدا+،كەلىنى ەنەسىنە قارسى كەلۋدە+،ادامعا ٶز ٷي ىشىندەگىلەر دۇشپان بولۋدا+.
7 ال مەن بار نازارىمدى ەحوباعا تىگەمىن+،قۇتقارۋشى قۇدايىمدى شىداممەن كۇتەمىن+.
قۇدايىم مەنىڭ سوزىمە قۇلاق تۇرەدى+.
8 ۋا، دۇشپانىم، ماعان كۇلمە.
قۇلاسام دا، قايتا تۇرامىن.
تۇنەكتە ٶمىر سۇرسەم دە، ەحوبا ماعان نۇر بولادى.
9 ماعان اراشا ٴتۇسىپ، ٵدىل ۇكىم شىعارعانىنشا،ەحوبانىڭ قاھارىنا شىدايمىن.
(ويتكەنى وعان قارسى كۇنا جاسادىم+.)
ول مەنى جارىققا الىپ شىعادى،مەن ونىڭ ادىلدىگىن كورەمىن.
10 دۇشپانىم دا مۇنى كورەدى،«ەحوبا قۇدايىڭ قايدا؟»+ دەگەن ول ۇياتقا قالادى.
دۇشپانىمنىڭ كۇيرەگەنىن ٶز كوزىممەن كورەمىن.
ول كوشەنىڭ بالشىعىنداي تاپتالادى.
11 بۇل تاس قابىرعالارىڭدى سوعاتىن كۇن بولادى.
سول كۇنى شەگاراڭ كەڭەيتىلەدى*.
12 سول كۇنى ساعان ادامدار جان-جاقتان:
اسسيريادان، مىسىر قالالارىنان،مىسىر مەن ەۆفرات ارالىعىنان،تەڭىز بەن تەڭىزدىڭ، تاۋ مەن تاۋدىڭ ارالىعىنان كەلەدى+.
13 تۇرعىندارىنىڭ كەسىرىنەن،ىستەرىنىڭ سالدارىنان جەر قاڭىراپ قالادى.
14 ٶز حالقىڭدى، مەنشىكتى وتارىڭدى، تاياعىڭمەن باق+.
ولار ورماندا، باقتىڭ اراسىندا، وڭاشا مەكەن ەتكەن ەدى.
ەندى ولار بۇرىنعىداي باشان مەن عالاقاتتا جايىلسىن+.
15 «مىسىر ەلىنەن شىققان كەزىڭدەگىدەي،ساعان عالامات كەرەمەتتەر كورسەتەمىن+.
16 باسقا حالىقتار مۇنى كورگەندە،كۇش-قۋاتىنا قاراماستان ۇياتقا قالادى+.
قولدارىمەن اۋىزدارىن جابادى،قۇلاقتارى كەرەڭ بولىپ قالادى.
17 ولار جىلانداي توپىراق جالايدى+،باۋىرىمەن جورعالاۋشىلارعا ۇقساپقامالدارىنان دىرىلدەپ شىعادى.
ولار قۇدايىمىز ەحوباعا ۇرەيلەنە كەلىپ،ودان قورقاتىن بولادى+».
18 مەنشىكتى حالقىنىڭ تامتىعىنىڭ+ كۇناسىن كەشىرەتىن،قىلمىسىن ەسىنە المايتىن+ سەندەي قۇداي بار ما؟
سەنىڭ اشۋىڭ ماڭگىلىك ەمەس،ويتكەنى اينىماس سۇيىسپەنشىلىك تانىتۋدى ۇناتاسىڭ+.
19 بىزگە قايتادان راقىمشىلىق تانىتاسىڭ+،تەرىس ىستەرىمىزدى تاپتاپ تاستايسىڭ.
كۇنامىزدىڭ ٴبارىن تەڭىزدىڭ تۇبىنە لاقتىراسىڭ+.
20 ەجەلدە اتا-بابالارىمىزعا ۋادە ەتكەنىڭدەي+،جاقىپقا ادالدىق،ىبىرايىمعا اينىماس سۇيىسپەنشىلىك تانىتاسىڭ.
سىلتەمەلەر
^ سوزبە-ٴسوز «سەندەردىڭ».
^ سوزبە-ٴسوز «سەندەر».
^ مۇمكىن: «جارلىق جۋىردا شىقپايدى».