مۇسانىڭ 1-جازباسى 14:1—24
14 سول زاماندا شينار+ پاتشاسى امراپەل، ەللاسار پاتشاسى اريوح، ەلام+ پاتشاسى كەدورلاۋمەر+ مەن عويىم پاتشاسى تيدال
2 سودوم+ پاتشاسى بەراعا، عومورا+ پاتشاسى ٴبىرشاعا، ادما پاتشاسى شىناپقا، زەبويم+ پاتشاسى شەمەبەرگە جانە بەلانىڭ، ياعني سيعوردىڭ، پاتشاسىنا قارسى سوعىسقا اتتاندى.
3 ولاردىڭ اسكەرلەرى سيدديم اڭعارىنا+ (قازىر تۇزدى تەڭىز*+) جينالدى.
4 الگى بەس پاتشا ون ەكى جىل بويى كەدورلاۋمەردىڭ قول استىندا بولىپ كەلىپ، ون ٷشىنشى جىلى وعان قارسى كوتەرىلدى.
5 ال ون ٴتورتىنشى جىلى كەدورلاۋمەر مەن قاسىنداعى پاتشالار جورىققا شىعىپ، اشتەروت-كارنايمدەگى رەفايمدەردى، حامداعى زۋزيمدەردى، شابە-كيرياتايمدەگى ەميمدەردى+
6 جانە سەيىر تاۋىنان+ ٴشولدىڭ جانىنداعى ەل-پارانعا دەيىن قونىستانعان حورلىقتاردى+ تالقاندادى.
7 بۇدان سوڭ ولار كەرى ورالىپ، ەن-مىشپاتقا، ياعني قادەشكە+ كەلدى. سودان امالەكتىكتەردىڭ+ جانە حازازون-تاماردا+ تۇراتىن امورلىقتاردىڭ+ بۇكىل جەرىن باسىپ الدى.
8 وسى كەزدە سودومنىڭ، عومورانىڭ، ادمانىڭ، زەبويم مەن بەلانىڭ، ياعني سيعوردىڭ، پاتشالارى جورىققا اتتانىپ، سيدديم اڭعارىندا ولارمەن شايقاستى.
9 وسىلاي بەس پاتشا ٴتورت پاتشاعا — ەلام پاتشاسى كەدورلاۋمەرگە، عويىم پاتشاسى تيدالعا، شينار پاتشاسى امراپەل مەن ەللاسار پاتشاسى اريوحقا+ — قارسى اتتاندى.
10 سيدديم اڭعارى قاراماي شىعاتىن شۇڭقىرلارعا تولى ەدى. سودوم مەن عومورانىڭ پاتشالارى قاشىپ بارا جاتقاندا، سول شۇڭقىرلارعا قۇلاپ ٴتۇستى، قالعاندارى بولسا تاۋلارعا قاراي قاشىپ كەتتى.
11 ال جەڭىمپاز ٴتورت پاتشا سودوم مەن عومورانىڭ بار مال-مۇلكى مەن ازىق-تۇلىگىن تونادى+.
12 سونىمەن قاتار سودومدا تۇرىپ جاتقان لۇتتى+، ياعني ىبىرامنىڭ باۋىرىنىڭ ۇلىن، بار مال-مۇلكىمەن قوسا الىپ كەتتى.
13 قاشىپ قۇتىلعان ٴبىر كىسى مۇنى ەۆرەي ىبىرامعا جەتكىزدى. ول كەزدە ىبىرام امورلىق مامرەنىڭ+ يەلىگىندەگى ۇلكەن اعاشتاردىڭ اراسىندا شاتىر تىگىپ تۇراتىن. مامرە جانە ونىڭ باۋىرلارى ەشقول مەن انەر+ ىبىرامنىڭ وداقتاستارى ەدى.
14 باۋىرىنىڭ+ تۇتقىنعا تۇسكەنىن ەستىگەندە، ىبىرام سوعىسقا جاتتىققان ادامدارىن — ۇيىندە تۋىلعان 318 قىزمەتشىسىن — جاساقتادى دا، جاۋدى قۋىپ، دانعا+ دەيىن باردى.
15 تۇندە ول جاساعىن توپ-توپقا ٴبولدى دە، قىزمەتشىلەرىمەن بىرگە جاۋعا شاۋىپ، ولاردى تالقاندادى. سوسىن ولاردى داماسكىنىڭ سولتۇستىگىندەگى حوباعا دەيىن قۋدى.
16 وسىلاي ول قولدى بولعان مال-مۇلىكتىڭ ٴبارىن، باۋىرى لۇت پەن ونىڭ دۇنيە-مۇلكىن، سونداي-اق ايەلدەر مەن باسقا دا ادامداردى قايتارىپ الدى.
17 ىبىرام كەدورلاۋمەردى جانە وعان ەرگەن پاتشالاردى جەڭىپ قايتىپ كەلە جاتقاندا، سودوم پاتشاسى ونى قارسى الۋ ٷشىن شابە اڭعارىنا، ياعني پاتشا اڭعارىنا+، شىقتى.
18 ٴساليمنىڭ پاتشاسى مالىكسادىق+ تا نان مەن شاراپ الىپ شىقتى. ول اللا تاعالانىڭ ٴدىني قىزمەتكەرى ەدى+.
19 ىبىرامعا باتاسىن بەرىپ، مالىكسادىق بىلاي دەدى:
«ىبىرامدى جارىلقاسىن اللا تاعالا،كوك پەن جەردىڭ جاراتۋشىسى.
20 دارىپتەلسىن اللا تاعالاجاۋلارىڭدى قولىڭا بەرگەن!»
سوندا ىبىرام وعان قولعا تۇسىرگەن ولجاسىنىڭ وننان ٴبىر بولىگىن بەردى+.
21 بۇدان كەيىن سودوم پاتشاسى ىبىرامعا: «ماعان ادامداردى قايتارساڭىز بولدى، ال مال-مۇلىك وزىڭىزدە قالا بەرسىن»،— دەدى.
22 ٴبىراق ىبىرام وعان: «كوك پەن جەردىڭ جاراتۋشىسى اللا تاعالامىز ەحوبانىڭ الدىندا قولىمدى كوتەرىپ تۇرىپ انت ەتەمىن:
23 ٴسىز كەيىن «ىبىرامدى بايىتقان مەنمىن» دەپ جۇرمەۋىڭىز ٷشىن، دۇنيە-مۇلكىڭىزدەن ەش نارسە دە، ٴتىپتى ٴبىر ساباق ٴجىپ تە، ساندالدىڭ ٴبىر باۋىن دا المايمىن.
24 تەك جىگىتتەرىمنىڭ ٸشىپ-جەگەن تاماعىن عانا قايتارمايىن، سونداي-اق مەنىمەن بىرگە جورىققا شىققان انەر، ەشقول، مامرە+ وزدەرىنە ٴتيىستى ۇلەستەرىن السىن»،— دەپ جاۋاپ بەردى.
سىلتەمەلەر
^ ياعني ٶلى تەڭىز.