مۇسانىڭ 1-جازباسى 16:1—16
-
اجار مەن ىسماعۇل (1—16)
16 ىبىرامنىڭ ايەلى ساراي بالا كوتەرمەگەن ەدى+. ال ونىڭ اجار ەسىمدى مىسىرلىق كۇڭى بار بولاتىن+.
2 سودان ساراي ىبىرامعا: «سوزىمە قۇلاق ٴتۇرشى، ەحوبا ماعان بالا سۇيگىزبەدى. مەنىڭ كۇڭىممەن جاقىنداسشى، بالكىم، سول ارقىلى بالالى بولارمىن+»،— دەدى. ىبىرام سارايدىڭ بۇل سوزىنە قۇلاق استى.
3 ٴسۇيتىپ، ساراي كۇيەۋى ىبىرامعا مىسىرلىق كۇڭى اجاردى ايەلدىككە بەردى. بۇل كەزدە ىبىرامنىڭ قاناحان جەرىندە تۇرعانىنا ون جىل بولعان ەدى.
4 ىبىرام اجارمەن جاقىنداسىپ، ونىڭ بويىنا بالا ٴبىتتى. ٶزىنىڭ جۇكتى ەكەنىن بىلگەندە، اجار قوجايىنى سارايعا مەنسىنبەي قاراي باستادى.
5 سوندا ساراي ىبىرامعا: «مەنىڭ ٴجابىر كورۋىمە سەن كىنالىسىڭ. كۇڭىمدى قوينىڭا سالعان ٶزىم ەدىم، ول ەندى جۇكتى ەكەنىن ٴبىلىپ، مەنى مەنسىنبەي ٴجۇر. سەن ەكەۋمىزدىڭ ارامىزداعى وسى ماسەلەگە ەحوبا تورەلىگىن بەرسىن!»— دەدى.
6 بۇعان ىبىرام: «مىنە، كۇڭىڭ ٶز قولىڭدا، وعان نە ىستەۋدى دۇرىس كورسەڭ، سونى ىستە»،— دەدى. سودان ساراي اجارعا قىسىم كورسەتە باستادى، ال اجار بۇعان شىداماي، قاشىپ كەتتى.
7 كەيىنىرەك ەحوبانىڭ پەرىشتەسى ونى ٴشول دالاداعى سۋ كوزىنىڭ، شۋرعا+ باراتىن جولداعى بۇلاقتىڭ، باسىنان تاۋىپ الدى.
8 پەرىشتە ودان: «سارايدىڭ كۇڭى اجار، قايدان كەلەسىڭ، قايدا باراسىڭ؟»— دەپ سۇرادى. «مەن قوجايىنىم سارايدان قاشىپ كەلەمىن»،— دەپ جاۋاپ قايىردى ول.
9 سوندا ەحوبانىڭ پەرىشتەسى: «قوجايىن ايەلىڭە قايتىپ بار، ونىڭ ايتقانىنا كون»،— دەدى.
10 ەحوبانىڭ پەرىشتەسى تاعى مىنانى ايتتى: «مەن سەنىڭ ٷرىم-بۇتاعىڭدى سانسىز كوپ ەتەمىن+».
11 ٵرى قاراي ەحوبانىڭ پەرىشتەسى بىلاي دەدى: «مىنە، سەنىڭ اياعىڭ اۋىر، سەن ۇل تۋاسىڭ. ونىڭ اتىن ىسماعۇل* دەپ قوي، ويتكەنى سەنىڭ زارىڭ ەحوبانىڭ قۇلاعىنا جەتتى.
12 ىسماعۇل اساۋ قۇلان سياقتى بولادى. ول بارىنە، ال ٴبارى وعان قارسى شىعادى. ول بارلىق باۋىرىنىڭ قارسىسىندا* تۇراتىن بولادى».
13 سول كەزدە اجار ەحوبانى ەسىمىن اتاپ شاقىرىپ: «سەن ٴبارىن كورەتىن* قۇدايسىڭ+»،— دەدى. ويتكەنى ول ىشتەي: «مەن شىنىمەن ٶزىمدى كورەتىندى كوردىم بە؟!»— دەگەن ەدى.
14 سوندىقتان دا بۇل قۇدىق بەگەر-لاحاي-روي* دەپ اتالعان. (ول قادەش پەن بەرەدتىڭ اراسىندا ورنالاسقان.)
15 سودان اجار ىبىرامعا ۇل تۋىپ بەردى. ىبىرام ۇلىنىڭ اتىن ىسماعۇل دەپ قويدى+.
16 اجار ىسماعۇلدى بوسانعاندا، ىبىرام 86 دا ەدى.
سىلتەمەلەر
^ ماعىناسى «قۇداي قۇلاق سالادى».
^ مۇمكىن: «بارلىق باۋىرىمەن قارسىلاسىپ».
^ نە «مەنى كورەتىن»، نە «ٶزىن كورسەتەتىن».
^ ماعىناسى «مەنى كورەتىن ٴتىرى تۇلعانىڭ قۇدىعى».