مۇسانىڭ 1-جازباسى 25:1—34
25 كەيىن ىبىرايىم تاعى دا ۇيلەنىپ، كەتۋرا ەسىمدى ايەل الدى.
2 ودان زيمران، جوقشان، مەدان، ماديان+، يشباق جانە شۋاح+ تۋىلدى.
3 جوقشاننان شەبا مەن دەدان تۋىلدى.
دەداننان اشۋرلار، لەتۋشتەر مەن لەۋمدەر تارادى.
4 مادياننىڭ ۇلدارى: ەفا، ەفەر، حانوح، ٵبيدا جانە ەلداعا.
بۇلاردىڭ ٴبارى كەتۋرادان تاراعان ۇرپاق بولاتىن.
5 ىبىرايىم وزىندە باردىڭ ٴبارىن ىسقاققا قالدىردى+.
6 ال كانيزاكتارىنان تۋىلعان ۇلدارىنا ەنشىلەرىن بەرىپ، كوزى تىرىسىندە ولاردى ۇلى ىسقاقتان الىسىراققا+، شىعىس ولكەسىنە كوشىردى.
7 ىبىرايىم بارلىعى 175 جىل جاسادى.
8 ٴسۇيتىپ، ىبىرايىم سوڭعى دەمىن شىعارىپ، قايتىس بولدى. ماعىنالى دا ۇزاق عۇمىر كەشكەن ول اتا-بابالارىنا قوسىلدى.
9 ونىڭ سۇيەگىن ۇلدارى ىسقاق پەن ىسماعۇل مامرەنىڭ تۇسىندا، حەتتىك سوحاردىڭ ۇلى ەفروننىڭ تانابىندا ورنالاسقان ماحپەلا ۇڭگىرىنە قويدى+.
10 كەزىندە ىبىرايىم ونى حەت ۇلدارىنان ساتىپ العان ەدى. وسىلاي ىبىرايىم مارقۇم ايەلى سارانىڭ قاسىنا قويىلدى+.
11 ىبىرايىم ولگەننەن كەيىن، قۇداي ىسقاقتى دا جارىلقاپ ٴجۇردى+. ىسقاق بەگەر-لاحاي-رويدىڭ+ ماڭىندا تۇرىپ جاتتى.
12 سارانىڭ مىسىرلىق كۇڭى اجاردىڭ+ ىبىرايىمعا تۋىپ بەرگەن ۇلى ىسماعۇل جونىندە+:
13 ىسماعۇلدىڭ ۇلدارىنان اۋلەتتەر تارادى. ونىڭ ۇلدارىنىڭ ەسىمى: تۇڭعىشى نابايوت+، ودان كەيىن كەدار+، ادبەل، ميپسام+،
14 ميشما، دۋما، ماسسا،
15 حاداد، تەما، ەتۋر، نافيش جانە كەدما.
16 بۇلار 12 رۋدىڭ باسشىسى بولعان ىسماعۇلدىڭ ۇلدارى+. ولاردىڭ تۇراتىن مەكەنى دە، قوستارى* دا وسى ەسىمدەرمەن اتالدى.
17 ىسماعۇل بارلىعى 137 جىل ٶمىر ٴسۇردى. ول سوڭعى دەمىن شىعارىپ، قايتىس بولدى دا، اتا-بابالارىنا قوسىلدى.
18 ونىڭ ۇرپاقتارى شۋردىڭ+ قاسىنداعى حابيلادان+ اسسيرياعا دەيىنگى ارالىقتى مەكەندەدى. ولار باۋىرلارىنىڭ ماڭىندا* تۇردى+.
19 ىبىرايىمنىڭ ۇلى ىسقاق جونىندە+:
ىبىرايىمنان ىسقاق تۋىلدى.
20 ىسقاق 40 جاسىندا رابيعاعا ۇيلەندى. ول پادان-ارامداعى ارامەيلىك بەتۋەلدىڭ قىزى+، ارامەيلىك لاباننىڭ قارىنداسى بولاتىن.
21 ايەلى بالا كوتەرمەگەندىكتەن، ىسقاق ەحوباعا جالىنىپ دۇعا ەتىپ ٴجۇردى. ەحوبا ونىڭ تىلەگىن قابىل الىپ، رابيعا جۇكتى بولدى.
22 قۇرساعىنداعى ۇلدارى ٴبىر-بىرىمەن+ تەبىسە باستادى. سوندا رابيعا: «بۇلاي قينالعانشا، ولگەنىم جاقسى ەمەس پە؟!»— دەدى. ٴسۇيتىپ، ول ەحوباعا جۇگىندى.
23 ەحوبا وعان: «سەنىڭ ىشىڭدە+ ەكى ۇلت جاتىر. قۇرساعىڭنان ەكى حالىق شىعادى+. ٴبىرى ەكىنشىسىنەن كۇشتىرەك بولىپ+، ۇلكەنى كىشىسىنە قىزمەت ەتەدى+»،— دەدى.
24 ايى-كۇنى جەتىپ، رابيعا شىنىمەن دە ەگىز تۋدى.
25 ٴبىرىنشى تۋىلعان بالانىڭ ٷستى-باسىن قىزىل تۇك باسقان*+ ەكەن، سوندىقتان ولار ونى ەساۋ*+ دەپ اتادى.
26 ارتىنان ەساۋدىڭ وكشەسىن ۇستاپ سىڭارى تۋىلدى+. سوندىقتان ول بالانىڭ ەسىمىن جاقىپ*+ دەپ قويدى. ەگىز ۇلى تۋىلعاندا ول 60 جاستا ەدى.
27 ەكەۋى دە ەرجەتتى. ەساۋ جاقسى اڭشى بولىپ+، دالا كەزىپ ٴجۇردى. ال جاقىپ ٴمىنسىز بولىپ، شاتىردا تۇردى+.
28 ىسقاق ەساۋدى ەرەكشە جاقسى كوردى، ويتكەنى ول اڭنىڭ ەتىن اكەپ بەرەتىن. ال رابيعا جاقىپتى ەرەكشە جاقسى كوردى+.
29 ٴبىر كۇنى جاقىپ كوجە ٴپىسىرىپ جاتقاندا، دالادان شارشاپ-شالدىعىپ ەساۋ كەلدى.
30 ول جاقىپتان: «اشتان ولەيىن دەپ تۇرمىن، تەزىرەك، اناۋ قىزىل كوجەڭنەن بەرشى!»— دەپ سۇرادى. سول سەبەپتى ول ەدوم*+ دەپ تە اتالدى.
31 جاقىپ وعان: «الدىمەن ماعان تۇڭعىشتىق جولىڭدى+ سات»،— دەدى.
32 سوندا ەساۋ: «ولەيىن دەپ تۇرعانىمدا، تۇڭعىشتىق جولدان ماعان نە پايدا؟!»— دەپ جاۋاپ بەردى.
33 «الدىمەن انت بەر»،— دەدى جاقىپ. ەساۋ انت ەتىپ، جاقىپقا تۇڭعىشتىق جولىن ساتىپ جىبەردى+.
34 جاقىپ وعان نان مەن جاسىمىق كوجە بەردى. ول ٸشىپ-جەپ الدى دا، ورنىنان تۇرىپ، ٶز جونىمەن كەتتى. وسىلاي ەساۋ تۇڭعىشتىق جولىنا نەمكەتتى قارادى.
سىلتەمەلەر
^ نەمەسە «دۋالمەن قورشالعان قوستارى».
^ مۇمكىن: «بارلىق باۋىرىمەن قارسىلاسىپ».
^ نەمەسە «قىزىل تۇكتى كيىم كيگەندەي».
^ ماعىناسى «تۇكتى».
^ ماعىناسى «وكشەدەن ۇستاۋشى؛ ورنىنان ىعىستىرۋشى».
^ ماعىناسى «قىزىل».
