مۇسانىڭ 1-جازباسى 46:1—34
46 سونىمەن، يسرايل بار يەلىگىن الىپ، جولعا شىقتى. ول بەر-شەباعا+ جەتكەندە، اكەسى ىسقاقتىڭ قۇدايىنا+ ارناپ قۇرباندىق شالدى.
2 تۇندە قۇداي يسرايلگە ايان بەرىپ: «جاقىپ، جاقىپ!»— دەپ شاقىردى. ول: «تىڭداپ تۇرمىن»،— دەدى.
3 قۇداي وعان: «مەن شىنايى قۇدايمىن، سەنىڭ اكەڭنىڭ قۇدايىمىن+. مىسىرعا بارۋدان قورىقپا، ويتكەنى سول جەردە سەنەن ۇلى حالىق تاراتامىن+.
4 مىسىرعا سەنىمەن بىرگە ٶزىم بارامىن، سەنى سول جەردەن الىپ شىعاتىن دا ٶزىم+. قايتىس بولعانىڭدا، كوزىڭدى جاباتىن ٴجۇسىپ بولماق+»،— دەدى.
5 جاقىپ بەر-شەبادان جولعا شىقتى. يسرايلدىڭ ۇلدارى اكەلەرى جاقىپتى، بالا-شاعالارى مەن ايەلدەرىن پەرعاۋىن جىبەرگەن اربالارعا وتىرعىزىپ الدى.
6 وزدەرىمەن بىرگە قاناحان ەلىندە جيناپ-تەرگەن بار مال-مۇلكىن دە الىپ ٴجۇردى. ٴسۇيتىپ، جاقىپ بۇكىل وتباسىمەن مىسىرعا كەلدى.
7 ول مىسىرعا ۇل-قىزدارى مەن نەمەرەلەرىن — كۇللى ٷرىم-بۇتاعىن كوشىرىپ اكەلدى.
8 مىسىرعا كوشىپ بارعان يسرايلدىڭ، ياعني جاقىپتىڭ، ۇلدارى+ مىنالار: تۇڭعىشى رۋبەن+.
9 رۋبەننىڭ ۇلدارى: حانوح، پالۋ، حەسرون جانە قارمي+.
10 شيموننىڭ+ ۇلدارى: ەمۋەل، يامين، وحات، ياحين، سوحار جانە شاۋل+. شاۋل ونىڭ قاناحاندىق ايەلىنەن تۋىلعان ۇلى بولاتىن.
11 لەۋىنىڭ+ ۇلدارى: گەرشون، قاحات، مەراري+.
12 ياھۋدانىڭ+ ۇلدارى: ەر، ونان، شەلاح+، پارەس+، زاراح+. الايدا ەر مەن ونان قاناحان جەرىندە قايتىس بولعان+.
پارەستىڭ ۇلدارى: حەسرون مەن حامۋل+.
13 يساحاردىڭ ۇلدارى: تولا، پۋا، يوب، شيمرون+.
14 زابۋلوننىڭ+ ۇلدارى: سەرەت، ەلون، ياحلەل+.
15 بۇلار ليانىڭ جاقىپقا پادان-ارامدا تۋىپ بەرگەن ۇلدارى. قىزى دينا+ دا سول جەردە تۋىلدى. ونىڭ ليادان تاراعان ۇرپاعىنىڭ بارلىعى 33 جان ەدى.
16 عادتىڭ+ ۇلدارى: زيپيون، حاگي، شۋني، ەزبون، ەري، ارودي جانە ارەلي+.
17 ٵشيردىڭ+ ۇلدارى: يمناح، يشۋاح، يشۋي، بەرياح جانە قىزى سەرا.
بەرياحتىڭ ۇلدارى: حەبەر مەن مالحيەل+.
18 بۇلار لابان ٶز قىزى لياعا كۇڭ رەتىندە بەرگەن زيلپانىڭ+ ۇلدارى. ونىڭ جاقىپقا تۋىپ بەرگەن بالالارىنىڭ بارلىعى 16 جان ەدى.
19 ال ايەلى راحيلانىڭ جاقىپقا تۋىپ بەرگەن ۇلدارى: ٴجۇسىپ+ جانە بەنيامين+.
20 مىسىردا ٴجۇسىپتىڭ ماناسا+ مەن ەفرەم*+ اتتى ۇلدارى تۋىلدى. ولاردىڭ اناسى ون قالاسىنىڭ ابىزى پوتيفەردىڭ قىزى اسەنەت+ بولاتىن.
21 بەنياميننىڭ ۇلدارى+: بەلا، بەحەر، اشپەل، گەرا+، ناعىمان، ەحي، روش، مۋپيم، حۋپيم+، ارد+.
22 بۇلار راحيلانىڭ جاقىپقا تۋىپ بەرگەن ۇلدارى. ولاردىڭ بارلىعى 14 جان ەدى.
23 داننىڭ+ ۇلدارى: حۋشيم+...
24 ٴنافتاليمنىڭ+ ۇلدارى: ياحزيەل، گۋني، ەسەر، شيلەم+.
25 بۇلار لابان ٶز قىزى راحيلاعا كۇڭ رەتىندە بەرگەن بالحانىڭ ۇلدارى. ونىڭ جاقىپقا تۋىپ بەرگەن بالالارىنىڭ بارلىعى 7 جان ەدى.
26 جاقىپپەن بىرگە مىسىرعا كوشىپ بارعان ۇرپاقتارى، كەلىندەرىن قوسپاعاندا، 66 جان بولاتىن+.
27 مىسىردا ٴجۇسىپتىڭ ەكى ۇلى تۋىلدى. سونىمەن، مىسىرعا كەلگەن جاقىپتىڭ ٷي ىشىندەگىلەرىنىڭ بارلىعى 70* جان ەدى+.
28 جاقىپ گوشەنگە بارا جاتقانىن جۇسىپكە ايتۋ ٷشىن الدىن الا ياھۋدانى+ جىبەردى. سودان ولار گوشەن+ جەرىنە كەلدى.
29 ٴجۇسىپ كۇيمەسىن دايىنداپ، اكەسى يسرايلدى قارسى الۋ ٷشىن گوشەنگە بەت الدى. ول اكەسىمەن جۇزدەسكەندە، ونى قۇشاقتاي الىپ، ۇزاق جىلادى.
30 يسرايل جۇسىپكە: «سەنىڭ ٴجۇزىڭدى كورىپ، ٴتىرى ەكەنىڭە كوزىم جەتتى. ەندى ولە بەرسەم بولادى»،— دەدى.
31 ٴجۇسىپ باۋىرلارى مەن اكەسىنىڭ ۇيىندەگىلەرىنە مىنانى ايتتى: «مەن پەرعاۋىنعا بارىپ+: —قاناحان ەلىندەگى باۋىرلارىم مەن اكەمنىڭ ٷي ٸشى وسىندا كەلدى+.
32 ولار مال باعاتىن باقتاشىلار+. وزدەرىمەن بىرگە ٸرىلى-ۇساقتى مالدارىن، بۇكىل دۇنيە-مۇلكىن الا كەلدى+،— دەپ ايتايىن.
33 ەگەر پەرعاۋىن سىزدەردى شاقىرىپ الىپ: —كاسىپتەرىڭ قانداي؟— دەپ سۇراسا،
34 سىزدەر: —قۇلدارىڭىز اتا-بابالارى سياقتى جاستايىنان مال باعادى+،— دەپ جاۋاپ بەرىڭىزدەر. سوندا سىزدەرگە گوشەن ايماعىندا قونىستانۋعا رۇقسات ەتەر+. ويتكەنى مىسىرلىقتار قوي باعاتىنداردان جيىركەنەدى+».
سىلتەمەلەر
^ گرەك سەپتۋاگينتىندە ەفرەمنەن كەيىن تاعى بەس ەسىم كەلتىرىلگەن. بۇدان ستەپاننىڭ ە.ٴى 7:14 تە نەلىكتەن 70 ەمەس، 75 جان دەپ ايتقانىن بىلۋگە بولادى. ٴسىرا، ول سەپتۋاگينتتەگى مالىمەتكە سۇيەنگەن بولسا كەرەك.
^ نەمەسە گرەك سەپتۋاگينتىنە ساي «جەتپىس بەس». م1ج 46:20 نىڭ سىلتەمەسىن قاراڭىز.
