مۇسانىڭ 2-جازباسى 18:1—27
18 ماديان جەرىنىڭ ٴدىني قىزمەتكەرى ٵرى مۇسانىڭ قايىن اتاسى ەتور+ ەحوبا قۇدايدىڭ مۇساعا جانە يسرايل حالقىنا نە ىستەگەنىن، ولاردى مىسىردان قالاي الىپ شىققانىن ەستىدى+.
2 سوندا ەتور مۇسانىڭ ايەلى ساپۋرانى (بۇرىنىراقتا مۇسا ونى ۇيىنە جىبەرگەن بولاتىن)
3 جانە ونىڭ ەكى ۇلىن+ الىپ، جولعا شىقتى. «بوتەن ەلدە جاتجەرلىك بولدىم»،— دەپ، مۇسا ٴبىر ۇلىنىڭ اتىن گەرشوم*+ قويعان ەدى.
4 ال ەكىنشىسىن: «اكەمنىڭ قۇدايى — مەنىڭ كومەكشىم، ول مەنى پەرعاۋىننىڭ سەمسەرىنەن قۇتقاردى+»،— دەپ، ەليەزەر* اتاعان بولاتىن.
5 سودان قايىن اتاسى ەتور مۇسانىڭ ايەلى مەن ەكى ۇلىن ەرتىپ، كۇيەۋبالاسى قوس تىككەن ٴشول دالاعا، قۇدايدىڭ تاۋىنا+، كەلدى.
6 ول مۇساعا «مەن، قايىن اتاڭ ەتور+، ايەلىڭ مەن ەكى ۇلىڭدى ەرتىپ كەلە جاتىرمىن» دەگەن حابار جىبەردى.
7 مۇسا دەرەۋ قايىن اتاسىنىڭ الدىنان شىعىپ، وعان تاعزىم ەتىپ، بەتىنەن ٴسۇيدى. امان-ساۋلىق سۇراسقان سوڭ، ولار شاتىرعا كىردى.
8 مۇسا قايىن اتاسىنا ەحوبانىڭ يسرايل حالقى ٷشىن پەرعاۋىن مەن مىسىر ەلىنە نە ىستەگەنىن+، جولدا قانداي قيىندىقتارعا كەزىككەنىن+، سونداي-اق ەحوبا ولاردى قالاي قۇتقارعانىن تۇگەل بايانداپ بەردى.
9 ەتور ەحوبانىڭ يسرايلدىكتەردى مىسىردان ازات ەتىپ، ولارعا قالاي جاقسىلىق جاساعانىن ەستىگەندە، قۋانىپ كەتىپ:
10 «سەندەردى مىسىردان جانە پەرعاۋىننىڭ قول استىنان بوساتقان، ٶز حالقىن مىسىردىڭ ەزگىسىنەن ازات ەتكەن ەحوبا ماداقتالسىن!
11 مىسىرلىقتار يسرايل حالقىن مەنسىنبەي قارسى شىققاندا، ولارعا نە ىستەگەنىنەن ەحوبانىڭ وزگە قۇدايلاردىڭ بارىنەن ۇلى+ ەكەنىن ٴبىلدىم»،— دەدى.
12 كەيىن قايىن اتاسى ەتور قۇدايعا ارناپ ورتەلەتىن جانە باسقا دا قۇرباندىقتار اكەلدى. حارون مەن يسرايلدىڭ كۇللى اقساقالدارى مۇسانىڭ قايىن اتاسىمەن قۇدايدىڭ الدىندا اس جەۋگە كەلدى.
13 كەلەسى كۇنى مۇسا ادەتتەگىدەي حالىققا تورەلىك ايتۋ ٷشىن وتىرعاندا، جۇرت ونىڭ الدىنا كەلىپ، تاڭەرتەڭنەن كەشكە دەيىن تۇردى.
14 مۇسانىڭ حالىققا نە ىستەپ جاتقانىن كورگەندە، قايىن اتاسى وعان: «نەگە بۇلاي ىستەيسىڭ؟ ٴدۇيىم جۇرتتى تاڭەرتەڭنەن قارا كەشكە دەيىن تۇرعىزىپ قويىپ، بۇل ٸستى جالعىز ٶزىڭ اتقارىپ جاتقانىڭ نە؟»— دەدى.
15 بۇعان مۇسا: «جۇرت ماعان قۇدايدىڭ ەركىن سۇراۋ ٷشىن كەلەدى.
16 قانداي دا ٴبىر داۋ كوتەرىلسە، ولار ماعان جۇگىنەدى. مەن ەكى جاقتىڭ دا ٴۋاجىن تىڭداپ، ولارعا قۇدايدىڭ شەشىمدەرى مەن زاڭدارىن+ ايتامىن»،— دەپ جاۋاپ بەردى.
17 سوندا قايىن اتاسى مىنانى ايتتى: «بۇلاي ىستەگەنىڭ ٴجون بولماس.
18 ٶزىڭدى دە، جانىڭداعى حالىقتى دا قاجىتاسىڭ. بۇل — ٴبىر ٶزىڭ كوتەرەتىن جۇك ەمەس، جالعىز وزىڭە قيىن عوي.
19 بەرى قارا، مەنىڭ اقىلىما قۇلاق اس، سوندا قۇداي ساعان جار بولادى+. قۇدايدىڭ الدىندا حالىقتىڭ وكىلى بولىپ+، ولاردىڭ داۋلى ماسەلەلەرىن قۇدايعا ايت+.
20 ولارعا قۇدايدىڭ جارلىقتارى مەن زاڭدارىن ۇيرەت+، سونداي-اق جۇرۋلەرى كەرەك جولدى جانە اتقارۋلارى كەرەك مىندەتتى كورسەت.
21 سونىمەن قاتار حالىقتىڭ ىشىنەن قابىلەتتى+، قۇدايدان قورقاتىن، ارام پايدانى كوزدەۋدەن اۋلاق جۇرەتىن سەنىمدى ەر كىسىلەردى تاڭداپ+، حالىققا مىڭباسى، ٴجۇزباسى، ەلۋباسى، ونباسى ەتىپ تاعايىندا+.
22 ولار قاجەت بولعاندا جۇرتقا تورەلىك ايتسىن. كۇردەلى ماسەلەلەردى ساعان جولداپ+، ال جەڭىل-جەلپىلەرىن وزدەرى شەشىپ وتىرسىن. وسىلاي ولار جۇگىڭدى كوتەرىسەدى، سوندا ساعان جەڭىلىرەك بولادى+.
23 ەگەر وسىلاي ىستەسەڭ ٵرى قۇداي قولداسا، بۇل ٸستى ويداعىداي اتقاراسىڭ، جۇرت تا ۇيلەرىنە ريزا بولىپ قايتادى».
24 مۇسا قايىن اتاسىنىڭ اقىلىن تىڭداپ، بىردەن ونىڭ ايتقانىن ورىندادى.
25 ول بۇكىل يسرايلدىڭ اراسىنان قابىلەتتى ەر ادامداردى تاڭداپ الىپ، حالىققا مىڭباسى، ٴجۇزباسى، ەلۋباسى، ونباسى ەتىپ تاعايىندادى.
26 ولار قاجەت بولعاندا جۇرتقا تورەلىك ايتتى. كۇردەلى ماسەلەلەردى مۇساعا جولداپ+، ال جەڭىل-جەلپىلەرىن وزدەرى شەشىپ وتىردى.
27 بۇدان كەيىن مۇسا قايىن اتاسىن+ جولعا شىعارىپ سالدى. ٴسۇيتىپ، قايىن اتاسى ٶز ەلىنە قايتىپ كەتتى.