مۇسانىڭ 2-جازباسى 24:1—18
24 سودان كەيىن قۇداي مۇساعا: «حارون، ناداپ، ٵبيحۋ+ جانە يسرايلدىڭ 70 اقساقالىمەن بىرگە تاۋعا كوتەرىلىپ، ەحوباعا الىستان تاعزىم ەتىڭدەر.
2 تەك سەن عانا ەحوباعا جاقىندا، قالعاندارى جاقىنداماسىن. حالىق ساعان ەرىپ تاۋعا كوتەرىلمەسىن+»،— دەدى.
3 مۇسا قايتىپ كەلىپ، ەحوبانىڭ بارلىق سوزدەرى مەن زاڭدارىن حالىققا جەتكىزدى+. سوندا ولار ٴبىراۋىزدان: «ەحوبانىڭ ايتقاندارىنىڭ ٴبارىن دە ورىندايمىز!»+— دەدى.
4 مۇسا ەحوبانىڭ سوزدەرىن تۇگەل جازىپ قويدى+. سوسىن تاڭەرتەڭ ەرتە تۇرىپ، تاۋ ەتەگىندە قۇرباندىق ورنىن تۇرعىزدى جانە يسرايلدىڭ 12 رۋىنىڭ سانىنا قاراي 12 ەسكەرتكىش تاس ورناتتى.
5 بۇدان كەيىن ول يسرايلدىك جاس جىگىتتەردى جۇمسادى. ولار ورتەلەتىن قۇرباندىقتار جانە تاتۋلىق قۇرباندىعى+ رەتىندە بۇقالار اكەلىپ، ەحوباعا ۇسىندى.
6 مۇسا قۇرباندىق قانىنىڭ جارتىسىن ىدىستارعا قۇيىپ، جارتىسىن قۇرباندىق ورنىنا بۇركىدى.
7 سوسىن كەلىسىم كىتابىن* الىپ، جۇرتقا داۋىستاپ وقىپ بەردى+. ولار: «ەحوبانىڭ ايتقاندارىنىڭ ٴبارىن ورىنداپ، وعان مويىنسۇنامىز!»+— دەدى.
8 سوندا مۇسا قاندى الىپ، حالىققا بۇركىدى+ دە: «بۇل قان — وزدەرىڭ ەستىگەن سوزدەر بويىنشا ەحوبانىڭ سەندەرمەن جاساسقان كەلىسىم قانى»+،— دەدى.
9 كەيىننەن مۇسا، حارون، ناداپ، ٵبيحۋ مەن يسرايلدىڭ 70 اقساقالى جوعارى كوتەرىلىپ،
10 يسرايلدىڭ قۇدايىن كوردى+. ونىڭ اياعىنىڭ استىنا جاقۇتقا ۇقسايتىن، اشىق اسپانداي ٴمولدىر نارسە توسەلگەن ەكەن+.
11 ول يسرايل باسشىلارىنا ەش زاقىم كەلتىرگەن جوق+. ولار اياندا قۇدايدى كورىپ، سول جەردە ٸشىپ-جەدى.
12 ەحوبا مۇساعا: «تاۋعا مەنىڭ قاسىما كوتەرىلىپ، سول جەردە بول. مەن ساعان زاڭدار مەن بۇيرىقتار جازىلعان تاس تاقتاشالار بەرەمىن. ولاردى حالىققا ۇيرەتۋ ٷشىن جازدىم+»،— دەدى.
13 سوندا مۇسا مەن قىزمەتشىسى ەشۋا+ تاۋعا قاراي بەت الدى. ٴبىراق قۇدايدىڭ تاۋىنا مۇسانىڭ ٶزى عانا كوتەرىلدى+.
14 كەتەرىندە ول اقساقالدارعا: «ٴبىز قايتىپ كەلگەنشە وسىندا كۇتىڭدەر+. حارون مەن حۇر قاستارىڭدا بولادى+. ەگەر بىرەۋدە قانداي دا ٴبىر ماسەلە تۋىنداسا، سولارعا جۇگىنسىن+»،— دەپ ايتتى.
15 مۇسا تاۋعا شىققاندا، ونىڭ باسىن بۇلت تورلاپ تۇرعان ەدى+.
16 سيناي تاۋى+ ەحوبانىڭ ۇلىلىعىنا بولەنىپ تۇردى+. تاۋ باسى التى كۇن بويى بۇلتقا ورانىپ، جەتىنشى كۇنى بۇلت ىشىنەن قۇداي مۇساعا ٴتىل قاتتى.
17 سىرتتان باقىلاپ تۇرعان يسرايلدىكتەرگە ەحوبانىڭ ۇلىلىعى تاۋ باسىنان لاۋلاعان وت سياقتى كورىندى.
18 بۇدان كەيىن مۇسا بۇلت ىشىنە كىرىپ، تاۋ باسىنا كوتەرىلدى+. ول 40 كۇن، 40 ٴتۇن بويى سوندا بولدى+.
سىلتەمەلەر
^ بۇل كىتاپتا م2ج 20:22—23:33 تارماقتارداعى زاڭدار جازىلسا كەرەك.
