مۇسانىڭ 2-جازباسى 29:1—46
29 ولاردى مەنىڭ ٴدىني قىزمەتكەرلەرىم رەتىندە قاسيەتتى ەتۋ ٷشىن مىنانى ىستە: ەش كەمىستىگى جوق جاس بۇقا مەن ەكى قوشقار ال+.
2 سونداي-اق اشىتقىسىز پىسىرىلگەن نان، ماي قوسىپ اشىتقىسىز پىسىرىلگەن تەسىك كۇلشە جانە ماي جاعىلعان ٴپاتىر* نان ال+. ولاردى ساپالى بيداي ۇنىنان دايىنداپ،
3 ٴبارىن ٴبىر سەبەتكە سال+. وسى سەبەتتەگى نانداردى بۇقا جانە ەكى قوشقارمەن بىرگە اكەل.
4 حارون مەن ونىڭ ۇلدارىن كەزدەسۋ شاتىرىنىڭ كىرەبەرىسىنە الىپ كەل+، ولار سول جەردە جۋىنسىن+.
5 كەيىن كيىمدەردى+ الىپ، حارونعا كيگىز. الدىمەن، ۇزىن جەڭدى كويلەكتى، سىرتىنان جەڭسىز كويلەك پەن ەفودتى كيگىزىپ، ٴتوسقالتانى بايلا، سوسىن بەلىن توقىلعان بەلبەۋمەن مىقتاپ بۋ+.
6 باسىنا سالدەنى كيگىزىپ، ونىڭ ماڭداي تۇسىنا قۇدايعا باعىشتالعانىنىڭ كيەلى بەلگىسىن تاق+.
7 سودان سوڭ مايلاۋ راسىمىنە ارنالعان مايدى+ ال دا، باسىنا قۇيىپ مايلا+.
8 كەيىن حاروننىڭ ۇلدارىن جاقىنداتىپ، ولارعا ۇزىن جەڭدى كويلەك كيگىز+.
9 سوسىن حارون مەن ونىڭ ۇلدارىنىڭ بەلدەرىن بەلبەۋمەن بۋىپ، باسكيىمدەرىن كيگىز. بۇدان بىلاي ٴدىني قىزمەت سولاردىڭ ۇلەسىندە بولادى+. مىنە، وسىلايشا حاروندى جانە ونىڭ ۇلدارىن ٴدىني قىزمەتكە تاعايىندا+.
10 سودان كەيىن كەزدەسۋ شاتىرىنىڭ الدىنا بۇقانى اكەل. حارون مەن ونىڭ ۇلدارى بۇقانىڭ باسىنا قولدارىن قويسىن+.
11 بۇدان سوڭ ەحوبانىڭ الدىندا، كەزدەسۋ شاتىرىنىڭ كىرەبەرىسىندە بۇقانى سوي+.
12 بۇقانىڭ قانىنان ساۋساعىڭمەن الىپ، قۇرباندىق وشاعىنداعى مۇيىزدەرگە+ جاق تا، قالعان قاندى ونىڭ تۇبىنە توك+.
13 مالدىڭ بارلىق ٸشمايىن+، باۋىر بەتىندەگى مايدى، سونداي-اق ەكى بۇيرەگىن مايىمەن قوسا الىپ، قۇرباندىق وشاعىندا ورتەپ جىبەر+.
14 ال بۇقانىڭ ەتىن، تەرىسى مەن جىنىن قوستىڭ سىرتىنا شىعارىپ ورتە. بۇل — كۇنا ٷشىن اكەلىنەتىن قۇرباندىق.
15 سوسىن قوشقاردىڭ بىرەۋىن الدىرت. حارون مەن ونىڭ ۇلدارى قوشقاردىڭ باسىنا قولدارىن قويسىن+.
16 ونى باۋىزداپ، قانىن قۇرباندىق وشاعىنىڭ بارلىق جاعىنا بۇركىپ شىق+.
17 قوشقاردى بولشەكتەپ، ىشەك-قارنى مەن سيراقتارىن جۋىپ+، بولىكتەردى باسىنا دەيىن قاراما-قارسى قويىپ شىق.
18 ونى تۇگەلىمەن قۇرباندىق وشاعىنىڭ ۇستىندە ورتەپ جىبەر. بۇل — ەحوباعا ارناپ تۇگەل ورتەيتىن قۇرباندىق، وعان ۇنامدى حوش ٴيىس+. بۇل — ەحوباعا ورتەپ ۇسىناتىن تارتۋ.
19 سودان كەيىن ەكىنشى قوشقاردى الدىرت. حارون مەن ونىڭ ۇلدارى قوشقاردىڭ باسىنا قولدارىن قويسىن+.
20 قوشقاردى سويىپ، قانىن حارون مەن ونىڭ ۇلدارىنىڭ وڭ قۇلاعىنىڭ سىرعالىعىنا، وڭ قولى مەن وڭ اياعىنىڭ باس بارماقتارىنا جاق، سونداي-اق قۇرباندىق وشاعىنىڭ بارلىق جاعىنا بۇركىپ شىق.
21 سوسىن قۇرباندىق وشاعىنداعى قاننان جانە مايلاۋ راسىمىنە ارنالعان مايدان الىپ+، حارون مەن ونىڭ كيىمىنە، سونداي-اق ۇلدارى مەن ولاردىڭ كيىمىنە بۇركى. وسىلاي حارون مەن ونىڭ كيىمى، ۇلدارى مەن ولاردىڭ كيىمى قۇداي قىزمەتىنە ارنالادى+.
22 قوشقاردىڭ بۇكىل مايىن: قۇيرىق مايىن، ٸشمايىن، باۋىر بەتىندەگى مايىن، ەكى بۇيرەگىن مايىمەن بىرگە+، سونداي-اق وڭ اياعىن ال. ويتكەنى بۇل — ٴدىني قىزمەتكە تاعايىنداۋ كەزىندە سويىلاتىن قوشقار+.
23 سونداي-اق ەحوبانىڭ الدىنداعى اشىتقىسىز پىسىرىلگەن نانى بار سەبەتتەن كۇلشە نان، ماي قوسىپ پىسىرىلگەن تەسىك كۇلشە جانە ماي جاعىلعان ٴپاتىر ناندى ال.
24 وسىنىڭ ٴبارىن حارون مەن ونىڭ ۇلدارىنىڭ قولىنا قويىپ، ونى تەربەپ اكەلەتىن تارتۋ رەتىندە ەحوبانىڭ الدىندا ٵرى-بەرى تەربەت.
25 سوسىن مۇنى ولاردىڭ قولىنان الىپ، قۇرباندىق وشاعىندا ورتەلەتىن قۇرباندىقتىڭ ۇستىنە قويىپ، ەحوباعا ۇنامدى حوش ٴيىس رەتىندە ورتەپ جىبەر. بۇل — ەحوباعا ورتەپ ۇسىناتىن تارتۋ.
26 حاروندى ٴدىني قىزمەتكە تاعايىنداۋ كەزىندە سويىلعان قوشقاردىڭ ٴتوسىن الىپ+، ونى تەربەپ اكەلەتىن تارتۋ رەتىندە ەحوبانىڭ الدىندا ٵرى-بەرى تەربەت. بۇل ٴتوس سەنىڭ ۇلەسىڭ بولماق.
27 حارون مەن ونىڭ ۇلدارى ٷشىن ٴدىني قىزمەتكە تاعايىنداۋ كەزىندە سويىلعان قوشقاردىڭ بولىكتەرىن، ياعني تارتۋ رەتىندە تەربەپ ۇسىنىلعان ٴتوستى جانە قاسيەتتى بولىك رەتىندە ۇسىنىلعان اياقتى، بولەك الىپ قوي*+.
28 ولار قاسيەتتى بولىك بولعاندىقتان، يسرايل ۇلدارى ماڭگىلىك ورىنداۋى كەرەك نۇسقاۋ بويىنشا، حارون مەن ونىڭ ۇلدارىنىڭ ۇلەسىنە تيەدى. بۇلار — يسرايلدىكتەر بەرەتىن قاسيەتتى بولىك+. بۇل بولىكتى ولار تاتۋلىق قۇرباندىقتارىنان ەحوباعا ۇسىنادى+.
29 حاروننان كەيىن ونىڭ كيەلى كيىمدەرىن+ ۇلدارى مايلاۋ ٴراسىمى جاسالىپ، ٴدىني قىزمەتكە تاعايىندالعاندا كيەتىن بولادى+.
30 ونىڭ ورنىن ٴدىني قىزمەتكەر ۇلدارىنىڭ ٴبىرى باسىپ، قاسيەتتى ورىندا قىزمەت ەتۋ ٷشىن كەزدەسۋ شاتىرىنا كىرگەندە، كيىمدى جەتى كۇن بويى كيىپ جۇرەدى+.
31 ٴدىني قىزمەتكە تاعايىنداۋ كەزىندە سويىلعان قوشقاردىڭ ەتىن الىپ، قاسيەتتى ورىندا قايناتىپ ٴپىسىر+.
32 حارون مەن ونىڭ ۇلدارى سول قوشقاردىڭ ەتى مەن سەبەتتەگى ناندى كەزدەسۋ شاتىرىنىڭ الدىندا جەسىن+.
33 ولار ٴدىني قىزمەتكەرلەر رەتىندە تاعايىندالۋ جانە قاسيەتتى بولۋ ٷشىن، كۇنالارىنىڭ وتەمى رەتىندە بەرىلگەن وسى قۇرباندىقتى جەسىن. ٴبىراق بۇنى بوتەن* ەشكىم جەمەسىن، ويتكەنى ول قاسيەتتى+.
34 ەگەر تاعايىنداۋ كەزىندە سويىلعان قۇرباندىقتىڭ ەتىنەن جانە ناننان تاڭەرتەڭگە دەيىن قالىپ قويسا، ورتەپ جىبەر+. ونى جەۋگە بولمايدى، ويتكەنى ول قاسيەتتى.
35 حارون مەن ونىڭ ۇلدارىنا قاتىستى بۇيرىعىمدى تۇگەل ورىندا. ولاردى ٴدىني قىزمەتكە تاعايىنداۋ ٴراسىمى جەتى كۇن ۋاقىت الادى+.
36 كۇنانى وتەۋ ٷشىن كۇن سايىن ٴبىر بۇقانى قۇرباندىققا* شال. سونداي-اق قۇرباندىق وشاعىن كۇنادان تازارتۋ ٷشىن دە قۇرباندىق شال جانە قاسيەتتى ەتۋ ٷشىن وعان مايلاۋ ٴراسىمىن جاسا+.
37 قۇرباندىق وشاعىن كۇنادان تازارتۋ جەتى كۇن ۋاقىت الادى. ول اسا كيەلى قۇرباندىق وشاعى+ بولۋ ٷشىن، ونى قۇدايعا باعىشتا*. قۇرباندىق وشاعىنىڭ جانىندا قىزمەت ەتەتىن ادام قاسيەتتى بولۋ كەرەك.
38 قۇرباندىق وشاعىندا كۇن سايىن ٴبىر جاسار ەكى قوشقار ۇسىن+.
39 ولاردىڭ بىرەۋىن تاڭەرتەڭ، ەكىنشىسىن ەكى كەشتىڭ اراسىندا قۇرباندىققا شال+.
40 ٴبىرىنشى قوشقارمەن بىرگە قۇرباندىققا كولەمى ٴحيننىڭ تورتتەن ٴبىر بولىگى* بولاتىن تازا ماي ارالاستىرىلعان ساپالى ۇن اكەل، ۇننىڭ كولەمى ەفانىڭ وننان ٴبىر بولىگى* بولسىن. سونداي-اق سۇيىق تارتۋ رەتىندە ٴحيننىڭ تورتتەن ٴبىر بولىگى بولاتىن شاراپ اكەل.
41 ەكىنشى قوشقاردى قۇرباندىققا ەكى كەشتىڭ اراسىندا اكەلەسىڭ. ونى دا تاڭەرتەڭگى قۇرباندىق سياقتى سۇيىق جانە استىق تارتۋمەن بىرگە اكەل. بۇل — ەحوباعا ۇنامدى حوش ٴيىس ٵرى وعان ورتەپ ۇسىناتىن تارتۋ.
42 بۇل — كۇللى كەلەر ۇرپاقتارىڭ دا كەزدەسۋ شاتىرىنىڭ كىرەبەرىسىندە ەحوبانىڭ الدىنا ٵردايىم ۇسىنۋى كەرەك ورتەلەتىن قۇرباندىق. مەن سول جەردە حالىققا كورىنىپ، وزىڭمەن سويلەسەتىن بولامىن+.
43 مەن سول جەردە يسرايلدىكتەرگە كورىنەمىن، ٵرى مەنىڭ ۇلىلىعىمنان+ سول جەر كيەلى بولماق.
44 مەن كەزدەسۋ شاتىرىن، قۇرباندىق وشاعىن، سونداي-اق ٴدىني قىزمەتكەرىم بولۋ ٷشىن حارون مەن ونىڭ ۇلدارىن قاسيەتتى ەتەمىن+.
45 يسرايل حالقىنىڭ اراسىندا مەكەندەپ، ولاردىڭ قۇدايى بولامىن+.
46 سوندا ولار ارالارىندا مەكەندەۋ ٷشىن مىسىردان الىپ شىققان قۇدايلارى ەحوبا ەكەنىمدى بىلەدى+. مەن ولاردىڭ قۇدايى ەحوبامىن.
سىلتەمەلەر
^ ياعني اشىتقىسىز پىسىرىلگەن جۇقا نان.
^ نەمەسە «قاسيەتتى ەت». تۇسىندىرمەدەگى «قاسيەتتى» ٴسوزىن قاراڭىز.
^ ياعني حاروننىڭ اۋلەتىنە جاتپايتىن ادام.
^ سوزبە-ٴسوز «كۇنا ٷشىن اكەلىنەتىن قۇرباندىققا».
^ نەمەسە «قاسيەتتى ەت». تۇسىندىرمەدەگى «قاسيەتتى» ٴسوزىن قاراڭىز.
^ ياعني 9.0 ليتر. B14 قوسىمشاسىن قاراڭىز.
^ ياعني 2.2 ليتر. B14 قوسىمشاسىن قاراڭىز.
