مۇسانىڭ 2-جازباسى 35:1—35
35 كەيىن مۇسا بۇكىل يسرايل قاۋىمىن جيناپ الىپ، بىلاي دەدى: «ەحوبا سەندەرگە مىنانى ىستەۋدى بۇيىرادى+:
2 التى كۇن بويى جۇمىس ىستەپ، جەتىنشى كۇنى دەمالىڭدار، ويتكەنى بۇل — سەندەر ٷشىن قاسيەتتى كۇن، ياعني ەحوباعا باعىشتالعان ٵرى تولىقتاي دەمالاتىن كۇن+. سول كۇنى جۇمىس ىستەگەن ادام ٶلتىرىلسىن+.
3 تۇراتىن جەرلەرىڭنىڭ بارىندە دەمالىس كۇنى وت جاعىلماسىن».
4 مۇسا كۇللى يسرايل قاۋىمىنا بىلاي دەپ ٴسوزىن جالعادى: «ەحوبا سەندەرگە مىنانى بۇيىرادى:
5 —قولدارىڭدا باردان ەحوباعا سي-تارتۋ الىپ كەلىڭدەر+. شىن جۇرەكتەن ەحوباعا سي-تارتۋ ۇسىنعىسى كەلەتىن ادام+ مىنالاردى اكەلسىن: التىن، كۇمىس، مىس،
6 كوك جانە ال قىزىل ٴجىپ، يىرىلگەن كۇلگىن ٴجۇن، ساپالى زىعىر ٴجىپ جانە ەشكىنىڭ ٴتۇبىتى+،
7 قىزىل تۇسكە بويالعان قوي تەرىسى، يتبالىق تەرىسى، قاراعان اعاشى،
8 شام مايى، مايلاۋ راسىمىنە ارنالعان ماي مەن تۇتەتىلەتىن حوش ٴيىستى زاتتارعا قوسىلاتىن بالزام+،
9 ەفود پەن ٴتوسقالتاعا+ ورناتىلاتىن ونيكس تاستارى مەن باسقا دا اسىل تاستار+.
10 ارالارىڭداعى شەبەر اتاۋلىنىڭ بارلىعى+ كەلىپ، ەحوبانىڭ تاپسىرعاندارىن تۇگەل جاساسىن،
11 اتاپ ايتقاندا: كيەلى شاتىردىڭ جابىندارىن، ىلمەكتەرىن، قابىرعاعا ارنالعان جاقتاۋلارىن، سىرىقتارىن، باعانالارى مەن ويىعى بار تۇعىرلارىن،
12 ساندىق+ پەن سىرىقتارىن+، قاقپاعىن+، ونى كوزدەن تاسالاپ تۇراتىن شىمىلدىقتى+،
13 ۇستەلدى+، ونىڭ سىرىقتارىن، ىدىس-اياقتارى مەن نان تارتۋىن+،
14 جارىق بەرەتىن شامدال+ مەن ونىڭ قۇرال-جابدىقتارىن، شامدارى مەن جاعاتىن مايىن+،
15 حوش ٴيىستى زاتتار تۇتەتەتىن ۇستەل+ مەن ونىڭ سىرىقتارىن، مايلاۋ راسىمىنە ارنالعان مايدى، حوش ٴيىستى زاتتاردى+، سونداي-اق كيەلى شاتىردىڭ كىرەبەرىسىندەگى پەردەنى،
16 ورتەلەتىن قۇرباندىق ۇسىنىلاتىن وشاقتى+، ونىڭ مىستان جاسالعان تورىن، سىرىقتارىن جانە كۇللى قۇرال-جابدىقتارىن، ۇلكەن قازان مەن ونىڭ تۇعىرىن+،
17 اۋلانى قورشايتىن ماتانى+، باعانداردى جانە ويىعى بار تۇعىرلارىن، اۋلانىڭ كىرەبەرىسىندەگى پەردەنى،
18 كيەلى شاتىردىڭ قازىقتارىن، اۋلا قابىرعاسىنىڭ قازىقتارى مەن ارقاندارىن+،
19 قاسيەتتى ورىندا قىزمەت ەتۋشىلەردىڭ ورنەكتەپ توقىلاتىن كيىمدەرىن+، ٴدىني قىزمەتكەر حاروننىڭ كيەلى كيىمى+ مەن ونىڭ ۇلدارى ٴدىني قىزمەت اتقارعاندا كيەتىن كيىمدەردى».
20 سودان بۇكىل يسرايل قاۋىمى مۇسانىڭ قاسىنان كەتتى.
21 جۇرەكتەرى ەحوباعا ارناپ سي-تارتۋلار اكەلۋگە تالپىندىرىپ+، نيەت ەتكەندەردىڭ بارلىعى كەزدەسۋ شاتىرىن تۇرعىزۋعا، ونداعى قىزمەتكە جانە كيەلى كيىمدەرگە كەرەك-جاراقتىڭ ٴبارىن اكەلدى.
22 ىقىلاس-نيەتى بولعانداردىڭ ٴبارى — ەرلەر دە، ايەلدەر دە — ٴساندى تۇيرەۋىشتەر، سىرعالار، ساقينالار، باسقا دا اشەكەيلەر جانە ٴتۇرلى التىن بۇيىمدار اكەلىپ جاتتى. ٴارقايسىسى التىندارىن ەحوباعا تارتۋ* رەتىندە ۇسىندى+.
23 كىمدە كوك جانە ال قىزىل ٴجىپ، يىرىلگەن كۇلگىن ٴجۇن، ساپالى زىعىر ٴجىپ، ەشكىنىڭ ٴتۇبىتى، قىزىلعا بويالعان قوي تەرىسى جانە يتبالىق تەرىسى بار بولسا، سولارىن اكەلىپ بەردى.
24 كۇمىس پەن مىستى ساداقا ەتكەندەردىڭ ٴبارى ونى ەحوباعا ارنالعان سي-تارتۋ رەتىندە ۇسىندى. كىمدە قاراعان اعاشى بولسا، سونىسىن كيەلى شاتىردى سوعۋ ٷشىن بەردى.
25 كۇللى شەبەر ايەلدەر+ كوك جانە ال قىزىل ٴجىپتى، كۇلگىن ٴجۇندى، ساپالى زىعىر ٴجىپتى ٶز قولدارىمەن ٴيىرىپ اكەلدى.
26 سونداي-اق شىن ىقىلاسى بولعان شەبەر ايەلدەر ەشكىنىڭ ٴتۇبىتىن ٴيىردى.
27 قاۋىم باسشىلارى مىنالاردى اكەلدى: ەفود پەن ٴتوسقالتاعا+ ورناتىلاتىن ونيكس جانە باسقا دا اسىل تاستار،
28 بالزام، سونداي-اق شامدارعا، مايلاۋ راسىمىنە+ جانە تۇتەتىلەتىن حوش ٴيىستى زاتتارعا+ ارنالعان ماي.
29 جۇرەكتەرى تالپىندىرعان ەركەكتەر مەن ايەلدەردىڭ ٴارقايسىسى ۇلەس قوسىپ، ەحوبانىڭ مۇسا ارقىلى تاپسىرعان ٸسىن اتقارۋعا قاجەتتى نارسەلەر اكەلدى. يسرايلدىكتەر سي-تارتۋلارىن ەحوباعا ٶز ەرىكتەرىمەن ۇسىندى+.
30 بۇدان سوڭ مۇسا يسرايلدىكتەرگە مىنانى ايتتى: «مىنە، ەحوبا ياھۋدا رۋىنان شىققان حۇردىڭ نەمەرەسى، ۇريدىڭ ۇلى بەسەليەلدى تاڭداپ الدى+.
31 قۇداي وعان رۋحىن قوندىرعاندىقتان، ول دانالىق، تۇسىنىك پەن بىلىمگە يە بولىپ، كەز كەلگەن قولونەرگە:
32 سان قيلى جوبالار جاساۋعا؛ التىن، كۇمىس جانە مىستان بۇيىمدار جاساۋعا؛
33 تاستاردى قاشاپ، قۇرساۋلارعا قوندىرۋعا؛ اعاشتان نەبىر بۇيىمدار جاساۋعا — قابىلەتتى بولدى.
34 سونداي-اق قۇداي وعان جانە دان رۋىنان شىققان احيساماح ۇلى احولياپقا+ ٴتالىم بەرۋ قابىلەتىن دارىتتى.
35 سونىمەن قاتار ولارعا شەبەر ۇستانىڭ، كەستەشىنىڭ، سونداي-اق كوك جانە ال قىزىل ٴجىپتى، يىرىلگەن كۇلگىن ٴجۇندى، ساپالى زىعىر ٴجىپتى ورنەكتەپ توقۋشىنىڭ جانە ماتا توقۋشىنىڭ ٴتۇرلى ٸسىن اتقارا الاتىن قابىلەت سيلادى+. بۇل كىسىلەر كەز كەلگەن ٸستى اتقارىپ، سان قيلى جوبالار جاساي الادى.
سىلتەمەلەر
^ نەمەسە «تەربەپ اكەلەتىن تارتۋ».
