مۇسانىڭ 2-جازباسى 36:1—38
36 ەندەشە بەسەليەل، احولياپ جانە كيەلى شاتىرداعى بۇكىل ٸستى اتقارۋ ٷشىن ەحوبا دانالىق پەن تۇسىنىك دارىتقان شەبەر ەر كىسىلەردىڭ ٴبارى ەحوبانىڭ تاپسىرماسىن تۇگەل ورىندايتىن بولادى+».
2 سودان مۇسا بەسەليەل مەن احولياپتى، سونداي-اق ەحوبا دانالىق دارىتقان شەبەر ەر كىسىلەردىڭ+، ياعني شىن جۇرەكتەن جۇمىس ىستەۋگە ەرىك بىلدىرگەندەردىڭ ٴبارىن+ شاقىردى.
3 ولار يسرايلدىكتەر كيەلى شاتىردى سوعۋ ٷشىن تارتۋ ەتكەن بار زاتتى+ مۇسادان الدى. ٴبىراق حالىق بۇدان كەيىن دە كۇنىگە تاڭەرتەڭ ەرىكتى سي-تارتۋلار اكەلە بەردى.
4 سوندا كيەلى شاتىرداعى جۇمىستى* اتقارىپ جاتقان شەبەرلەردىڭ ٴبارى بىرىنەن كەيىن ٴبىرى
5 مۇساعا بارىپ: «ەحوبا تاپسىرعان ىسكە قاجەتتى زاتتاردى جۇرت مولشەرىنەن الدەقايدا كوپ اكەلۋدە»،— دەدى.
6 سوندىقتان مۇسا بۇكىل قوسقا: «بۇدان بىلاي بىردە-ٴبىر ەركەك نە ايەل كيەلى شاتىرعا ارناپ سي-تارتۋ اكەلمەسىن»،— دەپ جاريالاۋعا بۇيرىق بەردى. ٴسۇيتىپ، حالىق تارتۋ اكەلۋىن توقتاتتى.
7 جينالعان زاتتار بارلىق جۇمىستى اتقارۋعا جەتىپ، ٴتىپتى ارتىلىپ قالدى.
8 سونىمەن، شەبەر جۇمىسشىلاردىڭ بارلىعى+ كيەلى شاتىر*+ ٷشىن جاقسىلاپ يىرىلگەن زىعىردان، كوك جانە ال قىزىل جىپتەن، يىرىلگەن كۇلگىن جۇننەن توقىپ، 10 ماتا جاسادى. ول* ماتالارعا كەرۋبتەردىڭ بەينەسىن كەستەلەدى+.
9 ٵر ماتانىڭ ۇزىندىعى 28، ەنى 4 شىنتاقتان* بولدى. ون ماتانىڭ كولەمى بىردەي ەدى.
10 كەيىن ول ماتالاردى بەس-بەستەن بىرىكتىرىپ، ەكى جابىن جاسادى.
11 ەكى جابىندى ٶزارا بىرىكتىرۋ ٷشىن، ٴارقايسىسىنىڭ ٴبىر جاق جيەگىنە كوك جىپتەن باۋلىقتار ىستەدى.
12 وسى جابىنداردىڭ بىرىگەتىن جيەكتەرىندەگى باۋلىقتار تۇسپا-تۇس كەلەتىندەي ەتىپ ەلۋ-ەلۋدەن جاسالدى.
13 كەيىن 50 التىن ىلمەك جاساپ، ەكى جابىندى سول ىلمەكتەرمەن بىرىكتىردى. وسىلايشا كيەلى شاتىردىڭ جابىنى ٴبىرتۇتاس بولدى.
14 بۇدان كەيىن ول كيەلى شاتىرعا ەشكى تۇبىتىنەن 11 ماتا توقىدى+.
15 ٵر ماتانىڭ ۇزىندىعى 30، ەنى 4 شىنتاق بولدى. ون ٴبىر ماتانىڭ كولەمى بىردەي ەدى.
16 سوسىن بەس ماتانى ٶزارا جانە التى ماتانى ٶزارا بىرىكتىرىپ، ەكى جابىن جاسادى.
17 وسى جابىنداردى ٶزارا بىرىكتىرەتىن جيەكتەرىنە ەلۋ-ەلۋدەن باۋلىقتار ىستەدى.
18 كەيىن ەكى جابىندى بىرىكتىرىپ، ٴبىرتۇتاس جابىن ىستەۋ ٷشىن، مىستان 50 ىلمەك جاسادى.
19 سودان سوڭ ول كيەلى شاتىرعا ارناپ قىزىلعا بويالعان قوي تەرىسىنەن جانە ونىڭ ۇستىنەن جاباتىن يتبالىق تەرىسىنەن جابىن جاسادى+.
20 كەيىن كيەلى شاتىردىڭ قابىرعاسى ٷشىن قاراعان اعاشىنان+ تىك تۇراتىن جاقتاۋلار جاسادى+.
21 ٵر جاقتاۋدىڭ ۇزىندىعى 10، ەنى 5.1 شىنتاق بولدى.
22 ولاردىڭ ٴارقايسىسىنىڭ تابانىنا قاتار تۇراتىن ەكى كىشكەنە اياق ىستەدى. كيەلى شاتىردىڭ بارلىق جاقتاۋىن ول وسىلاي جاسادى.
23 شاتىردىڭ وڭتۇستىككە قاراعان جاعىنا 20 جاقتاۋ ىستەدى.
24 سوسىن 20 جاقتاۋدىڭ تابانىنا قوياتىن ويىعى بار 40 كۇمىس تۇعىر — ٵر جاقتاۋعا قوس اياعى ويىعىنا كىرىپ تۇراتىن ەكى تۇعىردان — دايىندادى+.
25 شاتىردىڭ وزگە، ياعني سولتۇستىككە قاراعان جاعىنا دا 20 جاقتاۋ
26 جانە ويىعى بار 40 كۇمىس تۇعىر — ٵر جاقتاۋدىڭ تابانىنا ەكى تۇعىردان — ىستەدى.
27 ول شاتىردىڭ ارتقى، ياعني باتىس جاعىنا 6 جاقتاۋ دايىندادى+.
28 ونىڭ ارتقى بۇرىشتارىنا 2 تىرەۋىش جاقتاۋ ىستەدى.
29 تىرەۋىش جاقتاۋدىڭ ەكى بۇيىرىندەگى تاقتايلارى جوعارىداعى ٴبىرىنشى ساقينا ورنالاسقان جەردە ٴتۇيىسىپ تۇردى. شاتىردىڭ بۇرىشىندا تۇراتىن تىرەۋىش جاقتاۋدىڭ ەكەۋىن دە ول وسىلاي جاسادى.
30 سونىمەن، ارتقى جاقتا بارلىعى 8 جاقتاۋ بولدى. ولارعا ويىعى بار 16 كۇمىس تۇعىر، ياعني اربىرەۋىنە ەكى تۇعىردان جاسالدى.
31 سوسىن ول قاراعان اعاشىنان سىرىقتار ىستەدى: شاتىردىڭ ٴبىر جاعىنداعى جاقتاۋلارى ٷشىن 5 سىرىق+،
32 ەكىنشى جاعىنداعى جاقتاۋلارى ٷشىن 5 سىرىق جانە ارتقى، ياعني باتىس جاعىنداعىلارى ٷشىن 5 سىرىق جاسادى.
33 ورتاڭعى سىرىقتى قاتار تۇرعان جاقتاۋلاردىڭ بەل ورتاسىنان ٶتىپ، ٴبىر باسىنان كەلەسى باسىنا جەتەتىندەي ەتىپ ىستەدى.
34 جاقتاۋلاردى التىنمەن قاپتاپ، ولارعا سىرىقتار وتكىزەتىن التىن ساقينالار بەكىتتى. سىرىقتاردى دا التىنمەن قاپتادى+.
35 بۇدان كەيىن ول كوك جانە ال قىزىل جىپتەن، يىرىلگەن كۇلگىن جۇننەن جانە جاقسىلاپ يىرىلگەن زىعىردان شىمىلدىق+ توقىدى. وعان كەرۋبتەردىڭ+ بەينەسىن كەستەلەپ ٴتۇسىردى+.
36 سوسىن قاراعان اعاشىنان 4 باعانا جاساپ، ولاردى التىنمەن قاپتادى. ونىڭ ىلگىشتەرىن دە التىننان جاسادى. باعانالاردىڭ تابانىنا ويىعى بار 4 كۇمىس تۇعىر ىستەدى.
37 كيەلى شاتىردىڭ كىرەبەرىسىنە كوك جانە ال قىزىل جىپتەن، يىرىلگەن كۇلگىن جۇننەن، جاقسىلاپ يىرىلگەن زىعىردان پەردە توقىدى+.
38 سونداي-اق 5 باعانا مەن ونىڭ ىلگىشتەرىن جاسادى. باعانالاردىڭ ٷستىن جانە بىرىكتىرگىشتەرىن التىنمەن قاپتادى، ال ويىعى بار 5 تۇعىرىن مىستان قۇيدى.
سىلتەمەلەر
^ نەمەسە «كيەلى جۇمىستى».
^ B5 قوسىمشاسىن قاراڭىز.
^ بەسەليەلدى ايتسا كەرەك.
^ 1 شىنتاق 5.44 سانتيمەترگە تەڭ. B14 قوسىمشاسىن قاراڭىز.
