مۇسانىڭ 2-جازباسى 37:1—29
37 بەسەليەل+ قاراعان اعاشىنان ساندىق+ جاسادى: ۇزىندىعى 5.2 شىنتاق*، ەنى مەن بيىكتىگى 5.1 شىنتاق+.
2 ونىڭ ٸشى-سىرتىن ساف التىنمەن قاپتاپ، جوعارعى جيەگىن اينالدىرا التىنمەن اشەكەيلەدى+.
3 سوسىن التىننان ٴتورت ساقينا قۇيىپ جاساپ، ولاردى ٴتورت اياعىنىڭ جوعارى جاعىنا — ەكەۋىن ٴبىر بۇيىرىنە، ەكەۋىن ەكىنشى بۇيىرىنە — بەكىتتى.
4 بۇدان سوڭ قاراعان اعاشىنان سىرىقتار جاساپ، التىنمەن قاپتادى+.
5 ساندىقتى كوتەرىپ الىپ ٴجۇرۋ ٷشىن+، سىرىقتاردى ەكى بۇيىرىندەگى ساقينالاردان وتكىزىپ قويدى.
6 كەيىن ول ساف التىننان ساندىقتىڭ قاقپاعىن جاسادى+: ۇزىندىعى 5.2 شىنتاق، ەنى 5.1 شىنتاق+.
7 سونداي-اق التىننان سوعىپ، ەكى كەرۋب+ جاسادى دا، ولاردى قاقپاقتىڭ+ ەكى جاعىنا —
8 بىرەۋىن ٴبىر شەتىنە، ەكىنشىسىن ەكىنشى شەتىنە — ورناتتى. وسىلاي ول قاقپاقتىڭ ۇستىنە كەرۋبتەر جاسادى.
9 كەرۋبتەردىڭ قاناتتارى جوعارى كوتەرىلىپ، قاقپاقتى كولەگەيلەپ تۇردى+. ولار قاراما-قارسى ورناتىلىپ، جۇزدەرى قاقپاققا قاراتىلدى+.
10 سوسىن ول قاراعان اعاشىنان ۇستەل جاسادى+: ۇزىندىعى 2، ەنى 1، بيىكتىگى 5.1 شىنتاق+.
11 ونى ساف التىنمەن قاپتاپ، جيەگىن التىنمەن ورنەكتەدى.
12 ونىڭ استىنا اينالدىرا ەنى ٴتورت ەلى بولاتىن جاقتاۋ ىستەپ، ونىڭ دا تومەنگى جيەگىن التىنمەن ورنەكتەدى.
13 كەيىن التىننان ٴتورت ساقينا قۇيىپ، ولاردى ۇستەلدىڭ اياقتارى ورناتىلعان ٴتورت بۇرىشىنا،
14 جاقتاۋعا جاقىنىراق جەرىنە بەكىتتى. ساقينالاردان ۇستەلدى كوتەرىپ جۇرەتىن سىرىقتار وتكىزىلەدى.
15 ول ۇستەلدى كوتەرىپ جۇرەتىن سىرىقتاردى قاراعان اعاشىنان جاساپ، التىنمەن قاپتادى.
16 سوسىن ۇستەلگە ارنالعان ىدىس-اياقتار — جايپاق تاباقتار، توستاعاندار، سۇيىق تارتۋلار قۇياتىن كەرسەندەر مەن قۇمىرالار — جاسادى+.
17 بۇدان سوڭ ول ساف التىننان سوعىپ، شامدال جاسادى+. ونىڭ تۇعىرى، دىڭگەگى، توستاعان جاپىراقشالارى، تۇيىندەرى مەن گۇلدەرى ٴبىرتۇتاس جاسالدى+.
18 دىڭگەكتەن التى ساباق تارادى: ۇشەۋى ٴبىر جاعىنا، ۇشەۋى ەكىنشى جاعىنا شىعىپ تۇردى.
19 دىڭگەكتىڭ ٴبىر جاعىنداعى ٵر ساباقتا بادام گۇلىنە ۇقساس ٷش توستاعان جاپىراقشا بولىپ، ولار تۇيىندەرمەن جانە گۇلدەرمەن كەزەكتەسىپ ورنالاستى. ەكىنشى جاعىنداعى ساباقتارى دا ٴدال سولاي ىستەلىندى. شامدالدىڭ دىڭگەگىنەن شىققان التى ساباقتىڭ ٴبارى وسىلاي جاسالدى.
20 ال دىڭگەككە بادام گۇلىنە ۇقساس ٴتورت توستاعان جاپىراقشا جاسالىپ، تۇيىندەرمەن جانە گۇلدەرمەن كەزەكتەسىپ ورنالاستىرىلدى.
21 دىڭگەكتەن ەكى جاققا شىعىپ تۇرعان ٴبىرىنشى قاتارداعى ساباقتاردىڭ تۇيىسكەن جەرىنىڭ استىنا ٴتۇيىن جاسالدى، ەكىنشى جانە ٷشىنشى قاتارداعى ساباقتاردىڭ دا تۇيىسكەن جەرىنىڭ استىنا ٴتۇيىن ىستەلدى. وسىلاي التى ساباقتىڭ تۇبىندە ٴتۇيىن بولدى.
22 تۇيىندەرى مەن ساباقتارىن قوسا العاندا، بۇكىل شامدالدى تۇتاس ساف التىننان سوقتى.
23 سوسىن ساف التىننان جەتى شام+، ونىڭ قىسقاشتارى مەن كۇلالعىش قالاقتارىن ىستەدى.
24 ٴسۇيتىپ، ول شامدال مەن ونىڭ قۇرال-جابدىقتارىنا ٴبىر تالانت* ساف التىن جۇمسادى.
25 كەيىن ول قاراعان اعاشىنان حوش ٴيىستى زات تۇتەتەتىن ٴتورت بۇرىشتى ۇستەل جاسادى+: ۇزىندىعى مەن ەنى 1 شىنتاق، ال بيىكتىگى 2 شىنتاق. بۇرىشتارىنان ٴبىرتۇتاس جاسالعان مۇيىزدەر شىعاردى+.
26 ۇستەلدىڭ بەتىن، بۇيىرلەرى مەن مۇيىزدەرىن تۇگەل ساف التىنمەن قاپتاپ، جوعارعى جيەگىن اينالدىرا التىنمەن ورنەكتەدى.
27 ونىڭ استىنا، قاراما-قارسى ەكى بۇيىرىنە ەكى-ەكىدەن التىن ساقينا ورناتتى. ولاردان ۇستەلدى كوتەرىپ جۇرەتىن سىرىقتار وتكىزىلەدى.
28 سوسىن قاراعان اعاشىنان سىرىقتار جاساپ، التىنمەن قاپتادى.
29 سونداي-اق ول مايلاۋ راسىمىنە ارنالعان كيەلى ماي+ مەن تۇتەتىلەتىن حوش ٴيىستى زاتتاردىڭ تازا قوسپاسىن+ شەبەرلىكپەن* دايىندادى.
سىلتەمەلەر
^ 1 شىنتاق 5.44 سانتيمەترگە تەڭ. B14 قوسىمشاسىن قاراڭىز.
^ 1 تالانت 2.34 كيلوگرامغا تەڭ. B14 قوسىمشاسىن قاراڭىز.
^ نەمەسە «قوسپا دايىندايتىن شەبەردىكىندەي ەتىپ».