مۇسانىڭ 2-جازباسى 38:1—31
38 ول قاراعان اعاشىنان ورتەلەتىن قۇرباندىق ۇسىناتىن ٴتورت بۇرىشتى وشاق جاسادى: ۇزىندىعى مەن ەنى 5 شىنتاق*، بيىكتىگى 3 شىنتاق+.
2 سوسىن جوعارعى ٴتورت بۇرىشىنان ٴبىرتۇتاس جاسالعان ٴتورت ٴمۇيىز شىعارىپ، وشاقتى مىسپەن قاپتادى+.
3 سونداي-اق وعان مىناداي قۇرال-جابدىقتار جاسادى: كۇل شىعاراتىن شەلەكتەر، كۇرەكتەر، كەرسەندەر، شانىشقىلار مەن شوقسالعىش قالاقتار. مۇنىڭ ٴبارىن ول مىستان ىستەدى.
4 كەيىن مىستان تور ىستەپ، ونى قۇرباندىق وشاعىنىڭ ورتا شەنىنە، جوعارعى جيەگىنەن تومەن، ورنالاستىردى.
5 ول ٴتورت ساقينا قۇيىپ، سىرىقتار وتكىزۋ ٷشىن، ولاردى وشاقتىڭ ٴتورت بۇرىشىنا، مىس توردىڭ قاسىنا بەكىتتى.
6 سوسىن قاراعان اعاشىنان سىرىقتار جاساپ، مىسپەن قاپتادى.
7 قۇرباندىق وشاعىن كوتەرىپ ٴجۇرۋ ٷشىن، سىرىقتاردى ونىڭ ەكى بۇيىرىندەگى ساقينالارعا كىرگىزىپ قويدى. وشاقتى استى-ٷستى اشىق قوراپ ىسپەتتى ەتىپ تاقتايدان جاسادى.
8 بۇدان كەيىن ول مىستان ۇلكەن قازان+ مەن ونىڭ تۇعىرىن ىستەدى. بۇل ٷشىن كەزدەسۋ شاتىرىنىڭ كىرەبەرىسىندە بەلگىلى ٴبىر تارتىپپەن قىزمەت ەتەتىن ايەلدەردىڭ اينالارىن* قولداندى.
9 سوسىن ول شاتىردىڭ اۋلاسىن جاسادى+. اۋلانىڭ وڭتۇستىككە قاراعان جاعىنا ٸلۋ ٷشىن، جاقسىلاپ يىرىلگەن زىعىردان ۇزىندىعى 100 شىنتاق ماتا توقىدى+.
10 ونى ٸلۋ ٷشىن مىستان 20 باعانا مەن ويىعى بار 20 تۇعىر ىستەدى. باعانالاردىڭ ىلگىشتەرى مەن بىرىكتىرگىشتەرىن كۇمىستەن جاسادى.
11 سولتۇستىك جاعىنا دا ۇزىندىعى 100 شىنتاق ماتا توقىدى. ونى ٸلۋ ٷشىن مىستان 20 باعانا مەن ويىعى بار 20 تۇعىر جاسادى. باعانالاردىڭ ىلگىشتەرى مەن بىرىكتىرگىشتەرىن كۇمىستەن ىستەدى.
12 ال اۋلانىڭ باتىس جاعىنا ىلىنەتىن ماتانىڭ ۇزىندىعى 50 شىنتاق بولدى. وعان 10 باعانا مەن ويىعى بار 10 تۇعىر، سونداي-اق كۇمىستەن باعانانىڭ ىلگىشتەرى مەن بىرىكتىرگىشتەرىن ىستەدى.
13 اۋلانىڭ كۇنشىعىس جاعىنداعى ماتانىڭ ۇزىندىعى 50 شىنتاق بولدى.
14 كىرەبەرىستىڭ وڭ قاناتىنا ۇزىندىعى 15 شىنتاق ماتا توقىلىپ، 3 باعانا مەن ويىعى بار 3 تۇعىر جاسالدى.
15 كىرەبەرىستىڭ سول قاناتىنا دا ۇزىندىعى 15 شىنتاق ماتا توقىلىپ، 3 باعانا مەن ويىعى بار 3 تۇعىر جاسالدى.
16 اۋلانى قورشاپ تۇراتىن ماتانىڭ ٴبارى جاقسىلاپ يىرىلگەن زىعىردان توقىلدى.
17 باعانالاردىڭ استىنا قويىلاتىن ويىعى بار تۇعىرلار مىستان، ال ىلگىشتەرى مەن بىرىكتىرگىشتەرى كۇمىستەن جاسالدى. باعانالاردىڭ توبەلەرى بولسا كۇمىسپەن قاپتالدى. اۋلانىڭ بارلىق باعاناسىنىڭ بىرىكتىرگىشتەرى كۇمىستەن ىستەلىندى+.
18 اۋلانىڭ كىرەبەرىسىنە* كوك جانە ال قىزىل جىپتەن، يىرىلگەن كۇلگىن جۇننەن جانە جاقسىلاپ يىرىلگەن زىعىردان پەردە توقىلدى. ونىڭ ۇزىندىعى 20 شىنتاق، بيىكتىگى اۋلانى قورشايتىن ماتانىڭ بيىكتىگىندەي 5 شىنتاق بولدى+.
19 كىرەبەرىسكە مىستان 4 باعانا مەن ويىعى بار 4 تۇعىر جاسالدى. باعانالاردىڭ ىلگىشتەرى مەن بىرىكتىرگىشتەرى كۇمىستەن ىستەلىنىپ، توبەلەرى كۇمىسپەن قاپتالدى.
20 كيەلى شاتىر مەن اۋلا قورشاۋىنىڭ بارلىق قازىعى مىستان ىستەلىندى+.
21 مۇسانىڭ بۇيرىعى بويىنشا، كۋالىك ساندىعى+ تۇراتىن كيەلى شاتىردى دايىنداۋعا جۇمسالعان زاتتاردىڭ ٴتىزىمى جاسالدى. بۇل مىندەت لەۋىلىكتەرگە جۇكتەلىپ+، ولار مۇنى ٴدىني قىزمەتكەر حاروننىڭ ۇلى يتاماردىڭ باسشىلىعىمەن+ جۇرگىزدى.
22 ياھۋدا رۋىنان شىققان حۇردىڭ نەمەرەسى، ۇريدىڭ ۇلى بەسەليەل+ ەحوبانىڭ مۇساعا بۇيىرعاندارىنىڭ ٴبارىن جۇزەگە اسىردى.
23 وعان دان رۋىنان شىققان احيساماح ۇلى احولياپ+ كومەكتەستى. ول شەبەر ۇستا، كەستەشى، سونداي-اق كوك جانە ال قىزىل جىپتەن، يىرىلگەن كۇلگىن جۇننەن، ساپالى زىعىر جىپتەن ورنەكتەپ ماتا توقۋشى ەدى.
24 قاسيەتتى ورىنداعى جۇمىستىڭ بارىنە تەربەپ ۇسىنىلعان التىن قولدانىلدى+. ونىڭ مولشەرى 29 تالانت* جانە قاسيەتتى ورىننىڭ شەكەلىمەن 730 شەكەل* بولدى.
25 قاۋىمنىڭ ساناعىنان وتكەندەردىڭ اكەلگەن كۇمىسى 100 تالانت جانە قاسيەتتى ورىننىڭ شەكەلىمەن 1775 شەكەل ەدى.
26 ساناقتان وتكەن جاسى جيىرماعا تولعان جانە ودان اسقان ادامداردىڭ سانى 603550 بولدى+. ولاردىڭ ٴارقايسىسى قاسيەتتى ورىننىڭ شەكەلىمەن جارتى شەكەلدەن الىپ كەلدى+.
27 قاسيەتتى ورىننىڭ جانە پەردە ىلىنگەن باعانالاردىڭ ويىعى بار تۇعىرلارىن قۇيۋعا 100 تالانت كۇمىس جۇمسالدى. 100 تۇعىرعا 100 تالانت، ياعني ٵر تۇعىرعا+ ٴبىر تالانت كەتتى.
28 باعانالاردىڭ ىلگىشتەرىن جاساۋعا، توبەلەرى مەن بىرىكتىرگىشتەرىن قاپتاۋعا 1775 شەكەل كۇمىس قولدانىلدى.
29 تەربەپ ۇسىنىلعان مىس تارتۋدىڭ سالماعى 70 تالانت جانە 2400 شەكەل بولدى.
30 وسى مىستان كەزدەسۋ شاتىرىنىڭ كىرەبەرىسىندەگى باعانالاردىڭ ويىعى بار تۇعىرلارى، قۇرباندىق وشاعى، ونىڭ تورى جانە بارلىق قۇرال-جابدىقتارى،
31 سونداي-اق اۋلانىڭ اينالاسى مەن كىرەبەرىسىندەگى باعانالاردىڭ ويىعى بار تۇعىرلارى، كيەلى شاتىر مەن اۋلا قورشاۋىنىڭ كۇللى قازىعى جاسالدى+.
سىلتەمەلەر
^ 1 شىنتاق 5.44 سانتيمەترگە تەڭ. B14 قوسىمشاسىن قاراڭىز.
^ بۇل — جاقسىلاپ جىلتىراتىلعان مەتالل اينالار.
^ سوزبە-ٴسوز «قاقپاسىنا».
^ 1 تالانت 2.34 كيلوگرامغا تەڭ. B14 قوسىمشاسىن قاراڭىز.
^ 1 شەكەل 4.11 گرامغا تەڭ. B14 قوسىمشاسىن قاراڭىز.