مۇسانىڭ 2-جازباسى 6:1—30
6 ەحوبا مۇساعا: «ەندى سەن پەرعاۋىنعا نە ىستەيتىنىمدى كورەسىڭ+. مەنىڭ قۇدىرەتتى قولىم ونى حالقىمدى جىبەرۋگە، ٴتىپتى ٶز جەرىنەن قۋىپ شىعارۋعا ٴماجبۇر ەتەدى+»،— دەدى.
2 قۇداي مۇساعا تاعى مىنانى ايتتى: «مەن ەحوبامىن.
3 ىبىرايىمعا، ىسقاققا جانە جاقىپقا قۇدىرەتى شەكسىز قۇداي رەتىندە كورىنگەنمىن+، ٴبىراق ەحوبا دەگەن ەسىمىممەن+ ولارعا تولىق اشىلعان ەمەسپىن+.
4 ولارمەن كەلىسىم جاساپ، وزدەرى جاتجەرلىك رەتىندە تۇرعان قاناحان جەرىن بەرۋدى ۋادە ەتكەنمىن+.
5 سول كەلىسىمىمدى ۇمىتقان جوقپىن، مىسىرلىقتار قۇلدىققا سالعان يسرايل ۇلدارىنىڭ كۇڭىرەنگەن داۋسىن ەستىپ جاتىرمىن+.
6 سوندىقتان يسرايلدىكتەرگە مىنانى ايت: —مەن ەحوبامىن، سەندەردى مىسىرلىقتاردىڭ ەزگىسىنەن قۇتقارامىن جانە قۇلدىعىنان بوساتامىن+. ولاردى اۋىر جازاعا تارتىپ، سەندەردى قۇدىرەتتى قولىممەن ازات ەتەمىن+.
7 سەندەردى ٶز حالقىم ەتىپ، قۇدايلارىڭ بولامىن+. سوندا مەنىڭ وزدەرىڭدى مىسىردىڭ ەزگىسىنەن قۇتقارىپ الىپ شىققان قۇدايلارىڭ ەحوبا ەكەنىمدى بىلەتىن بولاسىڭدار.
8 مەن سەندەردى ىبىرايىمعا، ىسقاققا جانە جاقىپقا بەرۋدى قولىمدى كوتەرىپ تۇرىپ انت ەتكەن ەلگە الىپ بارىپ، سول جەردى يەلىكتەرىڭە بەرەمىن+. مەن ەحوبامىن+».
9 كەيىن مۇسا وسى سوزدەردى يسرايلدىكتەرگە ايتقاندا، جىگەرى قۇم بولعان ٵرى قۇلدىقتىڭ ەزگىسىنەن قينالعان ولار ونى تىڭدامادى+.
10 سوندا ەحوبا مۇساعا بىلاي دەدى:
11 «بار دا، مىسىردىڭ پاتشاسى پەرعاۋىنعا: —يسرايلدىكتەردى بۇل جەردەن جىبەر،— دەپ ايت».
12 ٴبىراق مۇسا ەحوباعا: «مەن سوزگە شورقاقپىن* عوي+. ايتقانىمدى يسرايلدىكتەر تىڭداماعاندا+، پەرعاۋىن قايدان تىڭداسىن؟!»— دەدى.
13 الايدا ەحوبا يسرايلدىكتەردى مىسىردان الىپ شىعۋلارى ٷشىن مۇسا مەن حارونعا تاعى دا ٴتىل قاتىپ، سولار ارقىلى حالىققا جانە مىسىر پاتشاسى پەرعاۋىنعا بۇيرىقتار بەردى.
14 يسرايلدىك اۋلەتباسىلارىنىڭ ٴتىزىمى. يسرايلدىڭ تۇڭعىشى رۋبەننىڭ+ ۇلدارى: حانوح، پالۋ، حەسرون جانە قارمي+. بۇلار رۋبەننەن تاراعان اۋلەتتەر.
15 شيموننىڭ ۇلدارى: ەمۋەل، يامين، وحات، ياحين، سوحار جانە شاۋل+. شاۋل قاناحاندىق ايەلىنەن تۋىلعان بولاتىن. بۇلار شيموننان تاراعان اۋلەتتەر.
16 اۋلەتى بويىنشا اتالعان لەۋى+ ۇلدارى: گەرشون، قاحات جانە مەراري+. لەۋى بارلىعى 137 جىل جاسادى.
17 اۋلەتى بويىنشا اتالعان گەرشوننىڭ ۇلدارى: ٴلىبني جانە شيمەي+.
18 قاحاتتىڭ ۇلدارى: ىمرام، ىسقار، حەبرون جانە ۇزيەل+. قاحات 133 جىل جاسادى.
19 مەراريدىڭ ۇلدارى: ماحلي جانە مۇشي.
بۇلار لەۋىدەن تاراعان اۋلەتتەر+.
20 ىمرام اكەسىنىڭ قارىنداسى ەحوبەدكە ۇيلەنىپ+، ودان حارون مەن مۇسا تۋىلدى+. ىمرام بارلىعى 137 جىل جاسادى.
21 ىسقاردىڭ ۇلدارى: قوراح+، نەفەگ جانە زيحري.
22 ۇزيەلدىڭ ۇلدارى: ميشاەل، ەلساپان+ جانە سيتري.
23 حارون ەلىشەباعا ۇيلەندى. ەلىشەبا ٵميناداپتىڭ قىزى، ناعاسوننىڭ+ باۋىرى بولاتىن. ول ناداپتى، ٵبيحۋدى، ەلازار مەن يتاماردى تۋدى+.
24 قوراحتىڭ ۇلدارى: اسير، ەلقانا جانە ٵبياساپ+. بۇلار قوراحتان تاراعان اۋلەتتەر+.
25 حاروننىڭ ۇلى ەلازار+ پۋتيەلدىڭ قىزدارىنىڭ بىرىنە ۇيلەنىپ، ودان پىنەحەس+ تۋىلدى.
لەۋىدەن تاراعان ٵرى اۋلەتى بويىنشا اتالعان اۋلەتباسىلارى وسىلار+.
26 وسى شەجىرەدە اتتارى اتالعان حارون مەن مۇساعا ەحوبا: «يسرايل حالقىن مىسىردان اسكەر جاساعىنداي لەك-لەگىمەن الىپ شىعىڭدار»،— دەگەن بولاتىن+.
27 يسرايلدىكتەردى مىسىردان الىپ شىعۋ ٷشىن، ەلدىڭ پاتشاسى پەرعاۋىنمەن سويلەسكەن دە وسى مۇسا مەن حارون ەدى+.
28 ٴبىر كۇنى ەحوبا مىسىر جەرىندە مۇسامەن سويلەستى.
29 سوندا ەحوبا وعان: «مەن ەحوبامىن. مىسىر پاتشاسى پەرعاۋىنعا ايتقانىمنىڭ ٴبارىن جەتكىز»،— دەدى.
30 ال مۇسا ەحوباعا: «سوزگە شورقاقپىن، مەنى پەرعاۋىن قايدان تىڭداسىن؟!»+— دەدى.
سىلتەمەلەر
^ سوزبە-ٴسوز «ەرنىم سۇندەتتەلمەگەن».
