مۇسانىڭ 3-جازباسى 10:1—20
10 كەيىنىرەك حاروننىڭ ۇلدارى ناداپ پەن ٵبيحۋ+ قالاقتارىنا وت سالىپ، ۇستىنە حوش ٴيىستى زاتتار تۇتەتتى+. ٴسۇيتىپ، ولار ەحوبانىڭ الدىنا زاڭعا قايشى كەلەتىن+ وت ۇسىنىپ، ول بۇيىرماعاندى ىستەدى.
2 سوندا ەحوبادان وت ٴتۇسىپ، ولار مەرت بولدى+. وسىلاي ەكەۋى ەحوبانىڭ الدىندا ٶلىپ كەتتى+.
3 مۇسا حارونعا مىنانى ايتتى: «ەحوبا: —ماعان جاقىن كەلگەندەر مەنى كيەلى تۇتۋى كەرەك+، سونداي-اق بۇكىل حالىق الدىندا ۇلىلىققا كەنەلۋىم كەرەك،— دەيدى». حارون بولسا ۇندەمەي تۇرا بەردى.
4 مۇسا حاروننىڭ اكەسىنىڭ ٸنىسى ۇزيەلدىڭ+ ۇلدارى ميشاەل مەن ەلساپاندى شاقىرىپ، ولارعا: «مۇندا كەلىپ، باۋىرلارىڭدى كيەلى شاتىردىڭ اۋلاسىنان قوستىڭ سىرتىنا شىعارىڭدار»،— دەپ تاپسىردى.
5 سوندا ولار بارىپ، ناداپ پەن ٵبيحۋدىڭ مايىتتەرىن ۇزىن جەڭدى كويلەكتەرىمەن قوسا كوتەرىپ، مۇسا ايتقانداي، قوستىڭ سىرتىنا شىعاردى.
6 بۇدان سوڭ مۇسا حارون مەن ونىڭ باسقا ەكى ۇلى ەلازار مەن يتامارعا مىنانى ايتتى: «ٶلىپ كەتپەۋلەرىڭ ٷشىن جانە بۇكىل قاۋىم قۇدايدىڭ قاھارىنا ۇشىراماس ٷشىن، شاشتارىڭدى ۇقىپتى ۇستاڭدار، كيىمدەرىڭدى جىرتپاڭدار+! ال ەحوبا وتپەن مەرت قىلعانداردى باۋىرلارىڭ، ياعني كۇللى يسرايل حالقى جوقتاپ جىلايتىن بولادى.
7 سەندەر كەزدەسۋ شاتىرىنىڭ كىرەبەرىسىنەن الىس كەتپەڭدەر، ايتپەسە ٶلىپ كەتەسىڭدەر. ويتكەنى ەحوبانىڭ كيەلى مايىمەن مايلانعانسىڭدار+». ولار مۇسانىڭ ايتقانىنداي ىستەدى.
8 ەحوبا حارونعا بىلاي دەپ ٴتىل قاتتى:
9 «كەزدەسۋ شاتىرىنا كىرگەندە، ٶلىپ كەتپەۋلەرىڭ ٷشىن، ٶزىڭ دە، ۇلدارىڭ دا شاراپ نە ماس قىلاتىن باسقا دا ىشىمدىكتەردى ٸشۋشى بولماڭدار+. بۇل — وزىڭە دە، كەلەر ۇرپاقتارىڭا دا بەرىلگەن ماڭگىلىك نۇسقاۋ.
10 بۇل نۇسقاۋ كيەلىنى كيەلى ەمەستەن، تازانى تازا ەمەستەن اجىراتا بىلۋلەرىڭ ٷشىن+،
11 سونداي-اق ەحوبانىڭ مۇسا ارقىلى ايتقان جارلىقتارىنىڭ ٴبارىن يسرايلدىكتەرگە ۇيرەتە الۋلارىڭ ٷشىن بەرىلدى+».
12 بۇدان كەيىن مۇسا حارونعا جانە ونىڭ قالعان ۇلدارى ەلازار مەن يتامارعا بىلاي دەدى: «ەحوباعا ورتەپ ۇسىنعان استىق تارتۋىنان قالعاندى الىپ، ودان اشىتقىسىز نان ٴپىسىرىپ، قۇرباندىق وشاعىنىڭ قاسىندا جەڭدەر+، ويتكەنى ول — اسا كيەلى نارسە+.
13 ونى قاسيەتتى ورىندا جەۋگە تيىسسىڭدەر+، ويتكەنى ول — ەحوباعا ورتەپ ۇسىنعان قۇرباندىقتان ساعان جانە ۇلدارىڭا تيەتىن سىباعا. ماعان بەرىلگەن بۇيرىق وسىنداي.
14 تەربەپ ۇسىنىلاتىن قۇرباندىقتىڭ ٴتوسىن جانە قاسيەتتى بولىك رەتىندە بەرىلەتىن اياعىن+ ٶزىڭ مەن ۇل-قىزدارىڭ تازا جەردە جەڭدەر+. ويتكەنى بۇلار — يسرايلدىكتەردىڭ اكەلگەن تاتۋلىق قۇرباندىقتارىنان ساعان جانە ۇلدارىڭا بەرىلگەن سىباعا.
15 ولار قاسيەتتى بولىك رەتىندە بەرىلەتىن اياقتى جانە تەربەپ ۇسىناتىن ٴتوستى ورتەلەتىن قۇرباندىقتىڭ مايىمەن بىرگە ەحوبانىڭ الدىنا اكەلىپ، ولاردى ٵرى-بەرى تەربەسىن. بۇل بولىك، ياعني ٴتوس پەن اياق، ەحوبا بۇيىرعانداي، ساعان جانە ۇلدارىڭا بەرىلەتىن ماڭگىلىك سىباعا بولماق+».
16 مۇسا كۇنا ٷشىن قۇرباندىققا شالىنعان ەشكىنى ىزدەدى+، سويتسە ونى ورتەپ جىبەرگەن ەكەن. سوندا ول حاروننىڭ قالعان ەكى ۇلى ەلازار مەن يتامارعا اشۋلانىپ، بىلاي دەدى:
17 «نەگە كۇنا ٷشىن اكەلىنگەن قۇرباندىقتى قاسيەتتى ورىندا جەمەگەنسىڭدەر+؟ ول اسا كيەلى نارسە عوي، ٵرى قاۋىمنىڭ كۇناسىن مويىندارىڭا الۋ ٷشىن جانە ەحوبانىڭ الدىندا ولاردىڭ كۇناسىن وتەۋ ٷشىن سەندەرگە بەرىلىپ ەدى عوي.
18 ونىڭ قانى كيەلى شاتىردىڭ ىشىنە كىرگىزىلمەگەن+. سوندىقتان ونىڭ ەتىن، مەن سەندەرگە بۇيىرعانداي، قاسيەتتى ورىندا جەۋلەرىڭ كەرەك ەدى».
19 حارون مۇساعا: «مىنە، حالىق ەحوبانىڭ الدىندا كۇنا ٷشىن قۇرباندىق پەن تۇگەل ورتەلەتىن قۇرباندىق اكەلدى+، ٴبىراق مەن ولاردىڭ ەتىن جەي المادىم. ويتكەنى بۇگىن قانداي جاعدايعا تاپ بولعانىمدى ٶزىڭ بىلەسىڭ. ەگەر كۇنا ٷشىن اكەلىنگەن قۇرباندىقتان جەسەم، بۇل ەحوباعا ۇنامدى بولار ما ەدى؟!»— دەپ جاۋاپ بەردى.
20 مۇسا ونىڭ بۇل سوزدەرىن ماقۇل كوردى.
