مۇسانىڭ 3-جازباسى 16:1—34
-
كۇنانى وتەيتىن كۇن (1—34)
16 حاروننىڭ ەكى ۇلى ەحوبانىڭ الدىنا لايىقسىز تۇردە كەلىپ+، قايتىس بولعاننان كەيىن، ەحوبا مۇساعا ٴتىل قاتتى.
2 ەحوبا وعان بىلاي دەدى: «باۋىرىڭ حارونعا مىنانى ايت: —ول ٶلىپ قالماس ٷشىن+، كەلىسىم ساندىعى قاقپاعىنىڭ الدىنا، شىمىلدىقتىڭ ىشكى جاعىنداعى+ ەڭ قاسيەتتى بولمەگە، قالاعان ۋاقىتىندا كىرە بەرمەسىن+. ويتكەنى قاقپاق ۇستىندەگى+ بۇلت+ مەنىڭ سوندا ەكەنىمدى بىلدىرەدى.
3 حارون ەڭ قاسيەتتى بولمەگە كىرمەس بۇرىن، كۇنا ٷشىن قۇرباندىققا جاس بۇقا+، ال تۇگەل ورتەلەتىن قۇرباندىققا قوشقار شالسىن+.
4 ول ۇستىنە زىعىردان توقىلعان قاسيەتتى كويلەك+ پەن دامبالدى+ كيسىن. بەلىنە زىعىردان توقىلعان بەلبەۋدى+ بايلاپ، باسىنا زىعىردان توقىلعان سالدەنى+ كيسىن. بۇلار قاسيەتتى كيىمدەر+. ٴبىراق ولاردى كيمەي تۇرىپ، جۋىنسىن+.
5 حارون يسرايل قاۋىمىنان+ كۇنا ٷشىن قۇرباندىققا ەكى جاس تەكە مەن تۇگەل ورتەلەتىن قۇرباندىققا ٴبىر قوشقار السىن.
6 ول ٶزىنىڭ كۇناسى ٷشىن قۇرباندىققا بۇقا ۇسىنسىن، وسى ارقىلى ٶزىنىڭ+ جانە اۋلەتىنىڭ كۇناسىن وتەيدى.
7 سوسىن ەكى تەكەنى الىپ، ەحوبانىڭ الدىنا، كەزدەسۋ شاتىرىنىڭ كىرەبەرىسىنە، كەلسىن.
8 حارون جەرەبە تاستاپ، ولاردىڭ قايسىسىن ەحوباعا ارنايتىنىن، ال قايسىسىنىڭ موينىنا كۇنا جۇكتەيتىنىن* انىقتايدى.
9 حارون جەرەبە بويىنشا+ ەحوباعا ارنالعان تەكەنى الىپ، كۇنا ٷشىن قۇرباندىققا شالسىن.
10 ال جەرەبە بويىنشا موينىنا كۇنا جۇكتەلەتىن* تەكە ەحوبانىڭ الدىنا تىرىدەي اكەلىنسىن. ول كۇنانى وتەۋ ٷشىن جانە موينىنا كۇنا جۇكتەلىپ ٴشول دالاعا قويا بەرۋ ٷشىن قاجەت+.
11 حارون ٶزىنىڭ كۇناسى ٷشىن قۇرباندىققا بۇقا اكەلىپ، ٶزىنىڭ جانە اۋلەتىنىڭ كۇناسىن وتەسىن. سودان كەيىن ول كۇناسى ٷشىن اكەلىنگەن بۇقانى سويسىن+.
12 كەيىن ەحوبانىڭ الدىنداعى قۇرباندىق وشاعىنان قالاققا+ تولتىرا شوق سالىپ+، ٵرى جاقسىلاپ ۇنتاقتالعان حوش ٴيىستى زاتتان+ ەكى ۋىس الىپ، شىمىلدىقتىڭ ىشىنە كىرسىن+.
13 سوسىن ەحوبانىڭ الدىندا+ حوش ٴيىستى زاتتى شوقتىڭ ۇستىنە سالسىن. سوندا ونىڭ ٴتۇتىنى كۋالىك ساندىعىنىڭ+ قاقپاعىن+ جاۋىپ قالادى. سوندىقتان ول ٶلىم قۇشپايدى.
14 بۇدان سوڭ بۇقانىڭ قانىنان+ الىپ، ساۋساعىمەن قاقپاقتىڭ الدىنا شىعىس جاقتان بۇركىسىن؛ ساۋساعىن قانعا باتىرىپ، قاقپاقتىڭ الدىنا جەتى رەت بۇركىسىن+.
15 كەيىن ول حالىقتىڭ كۇناسى ٷشىن اكەلىنگەن تەكەنى سويىپ+، قانىن شىمىلدىقتىڭ ىشىنە الىپ كىرسىن+. بۇقانىڭ قانىمەن+ نە ىستەسە، تەكەنىڭ قانىمەن دە سونى ىستەپ، قاقپاقتىڭ الدىنا بۇركىسىن.
16 حارون ەڭ قاسيەتتى بولمەنى يسرايلدىكتەردىڭ ارام ىستەرىنەن، قىلمىستارى مەن كۇنالارىنان تازارتسىن+. ول تازا ەمەس حالىقتىڭ اراسىندا ورنالاسقان كەزدەسۋ شاتىرىن دا تازارتسىن.
17 حارون كۇنانى وتەۋ ٷشىن ەڭ قاسيەتتى بولمەگە كىرىپ، قايتا شىققانشا، كەزدەسۋ شاتىرىندا بىردە-ٴبىر ادام بولماۋ كەرەك. ول ٶزىنىڭ، اۋلەتى+ مەن بۇكىل يسرايل قاۋىمىنىڭ كۇناسىن وتەيدى+.
18 سودان كەيىن ول ەحوبانىڭ الدىنداعى قۇرباندىق وشاعىنىڭ+ قاسىنا بارىپ، ونى كۇنادان تازارتسىن. بۇل ٷشىن بۇقا مەن تەكەنىڭ قانىنان الىپ، قۇرباندىق وشاعىنىڭ ٴتورت بۇرىشىنداعى مۇيىزدەرگە جاقسىن.
19 سونداي-اق ساۋساعىن قانعا باتىرىپ، وشاققا جەتى رەت بۇركىسىن. وسىلايشا ونى يسرايلدىكتەردىڭ ارام ىستەرىنەن تازارتىپ، قاسيەتتى ەتەدى.
20 حارون ەڭ قاسيەتتى بولمەنى، كەزدەسۋ شاتىرىن جانە قۇرباندىق وشاعىن+ كۇنادان تازارتقان سوڭ+، ٴتىرى تەكەنى اكەلسىن+.
21 سوسىن تەكەنىڭ باسىنا ەكى قولىن قويىپ تۇرىپ، يسرايلدىكتەردىڭ تەرىس قىلىقتارىن، قىلمىستارى مەن كۇنالارىن ايتىپ، تەكەنىڭ موينىنا جۇكتەسىن+. ٴسۇيتىپ، ارنايى تاعايىندالعان* ادامعا تەكەنى ٴشول دالاعا جىبەرۋدى تاپسىرسىن.
22 ول تەكەنى ەلسىز جەرگە+ اپارىپ، بوساتقاننان كەيىن، تەكە حالىقتىڭ بار كۇناسىن ٴشول دالاعا الىپ كەتەدى+.
23 بۇدان كەيىن حارون كەزدەسۋ شاتىرىنا كىرىپ، ەڭ قاسيەتتى بولمەگە كىرەردە كيگەن زىعىردان توقىلعان كيىمدەرىن شەشىپ، سول جەردە قالدىرسىن.
24 ول قاسيەتتى ورىندا جۋىنىپ+، كيىمدەرىن كيسىن دە+، قۇرباندىق وشاعىنا بارسىن. سودان ٶزىنىڭ جانە حالىقتىڭ تۇگەل ورتەلەتىن قۇرباندىقتارىن ۇسىنىپ، ٶزىنىڭ جانە حالىقتىڭ كۇناسىن وتەسىن+.
25 كۇنا ٷشىن اكەلىنگەن قۇرباندىقتىڭ مايىن دا قۇرباندىق وشاعىندا ورتەپ جىبەرسىن.
26 موينىنا كۇنا جۇكتەلگەن تەكەنى+ ٴشول دالاعا جىبەرگەن كىسى كيىمىن جۋسىن، ٶزى دە شومىلسىن. سودان كەيىن قوسقا كىرۋىنە بولادى.
27 كۇنانى وتەۋ ٷشىن ەڭ قاسيەتتى بولمەگە قانى كىرگىزىلگەن بۇقا مەن تەكە قوستىڭ سىرتىنا شىعارىلسىن. كۇنا ٷشىن قۇرباندىققا اكەلىنگەن وسى مالداردىڭ تەرىسىن، ەتىن جانە جىنىن ورتەپ جىبەرۋ قاجەت+.
28 مۇنى ورتەگەن ادام كيىمىن جۋسىن، ٶزى دە شومىلسىن. سودان كەيىن عانا قوسقا كىرۋىنە بولادى.
29 سەندەرگە ماڭگىلىك ۇستاناتىن مىناداي نۇسقاۋ بەرەمىن: جەتىنشى ايدىڭ ونىنشى كۇنى كۇنالارىڭ ٷشىن قايعىرىڭدار*، ەشكىم — يسرايلدىك تە، ارالارىڭدا تۇرىپ جاتقان جاتجەرلىك تە — ەشقانداي جۇمىس ىستەمەسىن+.
30 ويتكەنى وسى كۇنى كۇنالارىڭ وتەلىپ+، تازا دەپ جاريالاناسىڭدار. ەحوبانىڭ الدىندا بارلىق كۇنالارىڭنان ارىلاسىڭدار+.
31 بۇل — سەندەر ٷشىن تولىقتاي دەمالاتىن كۇن. وسى كۇنى كۇنالارىڭ ٷشىن قايعىرىڭدار+. بۇل — ماڭگىلىككە بەرىلگەن نۇسقاۋ.
32 اكەسىنىڭ ورنىن باسىپ+، ٴدىني قىزمەتكەر رەتىندە مايلاۋ+ ٵرى تاعايىنداۋ راسىمىنەن+ وتكەن ادام كۇناسىن وتەۋ ٷشىن قۇرباندىقتار شالسىن، سونداي-اق ۇستىنە زىعىردان توقىلعان كيىمدەردى كيسىن+. بۇل — كيەلى كيىمدەر+.
33 ول وسى قۇرباندىقتاردى ەڭ قاسيەتتى بولمە+، كەزدەسۋ شاتىرى+، قۇرباندىق وشاعى+، ٴدىني قىزمەتكەرلەر مەن بۇكىل قاۋىم ٷشىن شالسىن+.
34 بۇل — جىلىنا ٴبىر رەت+ يسرايلدىكتەردىڭ بار كۇناسىن وتەۋ ٷشىن سەندەرگە بەرىلگەن ماڭگىلىك نۇسقاۋ+».
وسىلاي حارون ٴبارىن ەحوبانىڭ مۇساعا بۇيىرعانىنداي ىستەدى.
سىلتەمەلەر
^ سوزبە-ٴسوز «ازازەل ٷشىن». ماعىناسى «عايىپ بولعان تەكە» بولسا كەرەك. بۇل ٴشول دالاعا جىبەرىلەتىن تەكەگە قاتىستى قولدانىلعان. م3ج 16:10، 26-مەن سالىستىرىڭىز.
^ سوزبە-ٴسوز «ازازەل ٷشىن».
^ نەمەسە «دايىن تۇرعان».
^ مۇنى ولار ورازا تۇتۋ جانە وسى سياقتى باسقا دا شەكتەۋلەر قويۋ ارقىلى كورسەتسە كەرەك.
