مۇسانىڭ 3-جازباسى 21:1—24
21 ەحوبا ٴسوزىن جالعاپ، مۇساعا بىلاي دەدى: «ٴدىني قىزمەتكەرلەرگە، حاروننىڭ ۇلدارىنا، مىنانى ايت: —حالقىنىڭ ىشىنەن بىرەۋ قايتىس بولسا، بىردە-ٴبىر ٴدىني قىزمەتكەر مارقۇمعا بولا ٶزىن ارامداماسىن+.
2 الايدا ٶزىنىڭ قانداس تۋىسى: اناسى، اكەسى، ۇلى، قىزى، اعاسى نە ٸنىسى،
3 سونداي-اق وزىنە جاقىن*، كۇيەۋگە شىقپاعان پاك اپكەسى نە قارىنداسى — قايتىس بولسا، ونىڭ جەرلەۋ راسىمىنە قاتىسىپ، ارامدالۋىنا بولادى.
4 ال حالقىنىڭ ىشىندەگى بىرەۋگە كۇيەۋگە شىققان ايەل ٷشىن ٶزىن ارامداپ، تازا ەمەس كۇيگە تۇسپەۋى كەرەك.
5 ٴدىني قىزمەتكەرلەر شاشتارىن تاقىرلاپ العىزباسىن+، ساقالدارىنىڭ ۇشتارىن قىرىقپاسىن، دەنەلەرىن تىلگىلەمەسىن*+.
6 ولار قۇدايلارىنىڭ الدىندا قاسيەتتى بولسىن+، ونىڭ ەسىمىن قورلاماسىن+. سەبەبى ولار ەحوباعا ورتەلەتىن قۇرباندىقتاردى، قۇدايلارىنا ارنالعان استى ۇسىنادى، سوندىقتان كيەلى بولۋلارى كەرەك+.
7 ٴدىني قىزمەتكەردىڭ جەزوكشەلىككە سالىنعان، پاكتىگىنەن ايىرىلعان نە كۇيەۋىمەن اجىراسقان ايەلگە ۇيلەنۋىنە بولمايدى+. ويتكەنى ول قۇدايدىڭ الدىندا كيەلى.
8 قۇدايلارىڭا ارنالعان استى ۇسىناتىندىقتان، ٴدىني قىزمەتكەردى قاسيەتتى دەپ ساناڭدار+. ول سەندەردىڭ الدارىڭدا كيەلى بولسىن، ويتكەنى سەندەردى قاسيەتتى ەتەتىن مەن، ەحوبا، كيەلىمىن+.
9 ەگەر ٴدىني قىزمەتكەردىڭ قىزى جەزوكشەلىك جاساپ، ٶزىن ارامداسا، وندا اكەسىن ماسقارالاعانى. ونى ٶلتىرىپ، ورتەپ جىبەرۋ كەرەك+.
10 باۋىرلارىنىڭ اراسىنان باسىنا ماي قۇيىلىپ+، ارنايى كيىم كييۋ ٷشىن+، ٴدىني قىزمەتكە تاعايىندالعان باس ٴدىني قىزمەتكەر شاشىن ۇقىپتى ۇستاسىن، كيىمىن جىرتپاسىن+.
11 ول ولگەن ادامنىڭ مايىتىنە جاقىنداماسىن+. ٴتىپتى اكەسى نە شەشەسى قايتىس بولسا دا، ونىڭ مايىتىنە ٴتيىپ، ٶزىن ارامداماسىن.
12 وعان ٴمايىتتى شىعارۋ ٷشىن قۇدايدىڭ قاسيەتتى ورنىن تاستاپ كەتۋگە بولمايدى، ايتپەسە ونى ارامدايدى+. سەبەبى ونىڭ باسىندا قۇدايعا باعىشتالعاندىعىنىڭ بەلگىسى بار، ياعني ول قۇدايدىڭ كيەلى مايىمەن مايلانعان+. مەن ەحوبامىن.
13 باس ٴدىني قىزمەتكەر پاك قىزعا عانا ۇيلەنۋ كەرەك+.
14 وعان جەسىر، اجىراسقان، پاكتىگىنەن ايىرىلعان نە جەزوكشە ايەلگە ۇيلەنۋگە بولمايدى. ول ٶز حالقىنىڭ ىشىندەگى پاك قىزعا عانا ۇيلەنسىن.
15 وسىلايشا حالقىنىڭ اراسىندا ۇرپاعىن ارامداۋدان ساقتاسىن+، ويتكەنى ونى قاسيەتتى ەتەتىن — مەن، ەحوبامىن».
16 ەحوبا ٵرى قاراي مۇساعا مىنانى ايتتى:
17 «حارونعا كەلەسى ٴسوزىمدى جەتكىز: —وزىڭنەن تاراعان ۇرپاقتاردىڭ ىشىندە بويىندا قانداي دا ٴبىر كەمىستىگى بار ادام قۇدايعا ارنالعان استى ۇسىنۋعا كەلمەسىن.
18 قاسيەتتى ورىنعا كەمىستىگى بار بىردە-ٴبىر ادام جاقىنداماسىن، اتاپ ايتقاندا: زاعيپ، اقساق، بەتى قيسىق، ٴبىر قولى نە ٴبىر اياعى ۇزىن،
19 اياعى نە قولى سىنعان،
20 بۇكىر، ەرگەجەيلى*، كوزى اۋىراتىن، قوتىر* نە تەمىرەتكىسى بار، ۇرىق بەزىنە زاقىم كەلگەن ادام+.
21 ٴدىني قىزمەتكەر حاروننىڭ ۇرپاقتارىنان بويىندا قانداي دا ٴبىر كەمىستىگى بار ەشكىم ەحوباعا ورتەپ ۇسىناتىن قۇرباندىقتار اكەلۋ ٷشىن وشاققا جاقىنداماسىن. دەنەسىندە كەمىستىگى بولعاندىقتان، وعان قۇدايعا ارنالعان استى ۇسىنۋعا بولمايدى.
22 الايدا وعان اسا كيەلى+ جانە كيەلى نارسەلەردىڭ ىشىنەن قۇدايعا ارنالعان استان جەۋگە بولادى+.
23 ٴبىراق ونىڭ كەمىستىگى بولعاندىقتان، شىمىلدىققا+ جانە قۇرباندىق وشاعىنا جاقىنداپ+، قاسيەتتى ورنىمدى+ ارامداماسىن، ويتكەنى مەن ولاردى قاسيەتتى ەتەتىن ەحوبامىن+».
24 مۇسا وسى سوزدەردى حارونعا، ونىڭ ۇلدارىنا جانە يسرايلدىكتەردىڭ بارىنە جەتكىزدى.
سىلتەمەلەر
^ نەمەسە «جاقىن ماڭدا تۇراتىن».
^ ەجەلدە پۇتقا تابىناتىن حالىقتار جاقىن ادامىن جوقتاعاندا نە ٴدىني ٴراسىم كەزىندە وسىنداي ارەكەتتەر جاسايتىن.
^ مۇمكىن: «قاتتى جۇدەگەن».
^ نەمەسە «ەكزەما».
